ລິ້ງ ສຳຫລັບເຂົ້າຫາ

ມີຜູ້ຕາຍ ຕື່ມອີກ ຍ້ອນໄຂ້ຫວັດ ສັດປີກ ສາຍພັນໃໝ່ ຢູ່ຈີນ (ວີດີໂອ)


ພະນັກງານ ຈາກສູນກາງປ້ອງກັນແລະຄວບຄຸມພະຍາດ ສັກຢາກວັກຊີນ ປ້ອງກັນເຊື້ອ ໄຂ້ຫວັດສັດປີກ H5N1 ເຂົ້າໃສ່ໄກ່ ທີ່ເມືອງ Shangsi ໃນເຂດປົກຄອງຕົນເອງ Guangxi Zhuang (3 ເມສາ 2013)
ເຈົ້າໜ້າທີ່ສາທາລະນະສຸກ ກ່າວວ່າ ຈຳນວນຜູ້ຕາຍຍ້ອນປ່ວຍ
ເປັນໄຂ້ຫວັດສັດປີກສາຍພັນໃໝ່ ຢູ່ໃນພາກຕາເວັນອອກຂອງ
ຈີນ ເພີ້ມຂຶ້ນເປັນ 6 ຄົນແລ້ວຫຼັງຈາກການເສຍຊີວິດຂອງພໍ່ນາ
ອາຍຸ 64 ປີຄົນນຶ່ງ ທີ່ເມືອງ Huzhou ໃນແຂວງ Zhejiang.

ອົງການຂ່າວຊິນຫົວຂອງທາງການຈີນໄດ້ອ້າງຄຳຖະແຫຼງຂອງ ພະແນກສາທາລະນະສຸກແຂວງ Zhejiang ທີ່ກ່າວວ່າມາຮອດ ປັດຈຸບັນນີ້ເມືອງດັ່ງກ່າວລາຍງານວ່າ ມີຜູ້ຕິດເຊື້ອໄຂ້ຫວັດສັດ
ປີກສາຍພັນໃໝ່ H7N9 ທັງໝົດ 3 ຄົນ ຊຶ່ງ 2 ຄົນກຳລັງໃກ້ຈະ
ຕາຍ.

ເປັນທີ່ເຊື່ອກັນວ່າ ພໍ່ນາຄົນນີ້ແມ່ນນຶ່ງໃນຈຳນວນຜູ້ຕິດເຊື້ອໄວຣັສ H7N9 ທັງໝົດ 14 ກໍ ລະນີເທົ່າທີ່ໄດ້ພົບເຫັນມາ. ຈົນຮອດເມື່ອໄວໆມານີ້ ເຊື້ອໄວຣັສດັ່ງກ່າວ ແມ່ນບໍ່ເຄີຍເປັນ ທີ່ຮູ້ກັນມາກ່ອນເລີຍວ່າ ສາມາດມີຜົນກະທົບຕໍ່ມະນຸດໄດ້.

ພວກນັກຊ່ຽວຊານດ້ານການແພດຂອງຈີນເວົ້າວ່າ ຍັງບໍ່ທັນເປັນທີ່ຈະແຈ້ງເທື່ອວ່າ ມີຜູ້ຄົນ ໜ້ອຍຫຼາຍປານໃດຕິດເຊື້ອໄວຣັສນີ້ໃນເມື່ອປະກົດວ່າເຊື້ອດັ່ງກ່າວບໍ່ສາມາດຕິດແປດແຕ່ ມະນຸດຫາມະນຸດດ້ວຍກັນໄດ້. ໃນວັນພະຫັດວານນີ້ ເຈົ້າໜ້າທີ່ ທີ່ນະຄອນຊຽງໄຮ້ກ່າວວ່າ ຕົນໄດ້ພົບເຫັນເຊື້ອໄວຣັສ ໃນຕົວຢ່າງທີ່ໄດ້ມາຈາກນົກກາງແກຢູ່ຕະຫຼາດຂາຍເຄື່ອງແຫ່ງ ນຶ່ງ.

ອົງການຂ່າວຊິນຫົວ ເວົ້າວ່າ ຕະຫຼາດ Huhuai ທີ່ນະຄອນຊຽງໄຮ້ ໄດ້ຖືກສັ່ງໃຫ້ປິດແລ້ວ ແລະສັດປີກທັງໝົດໄດ້ຖືກນຳໄປຂ້າຖິ້ມ.

XS
SM
MD
LG