ຈີນໄດ້ເລີ່ມດຳເນີນການຊ້ອມລົບຂະໜາດໃຫຍ່ເປັນເວລາ 2 ວັນ ໃນທາງນ້ຳ ແລະ ທາງອາກາດອ້ອມຮອບໄຕ້ຫວັນໃນວັນພະຫັດມື້ນີ້, ເຊິ່ງເນັ້ນຍໍ້າວ່າເປັນ “ການລົງໂທດຢ່າງໜັກໜ່ວງຕໍ່ການກະທຳໃນການແບ່ງແຍກດິນແດນຂອງ 'ກອງທັບເອກະລາດໄຕ້ຫວັນ' ແລະ "ຄຳເຕືອນຢ່າງເຄັ່ງຄັດ" ຕໍ່ການເກາະຜິດຈາກກອງກຳລັງພາຍນອກ.
ກອງບັນຊາການພາກຕາເວັນອອກຂອງກອງທັບປົດປ່ອຍປະຊາຊົນ ຈະດຳເນີນການຊ້ອມລົບຢູ່ຊ່ອງແຄບໄຕ້ຫວັນ, ພາກເໜືອ, ພາກໃຕ້, ແລະພາກຕາເວັນອອກຂອງໄຕ້ຫວັນ ແລະຢູ່ໃກ້ກັບໝູ່ເກາະ ຄິນເໜີນ (Kinmen) ແລະ ມັດສູ (Matsu) ທີ່ຫ່າງໄກຈາກໄຕ້ຫວັນ, ອີງຕາມລາຍງານຂອງອົງການຂ່າວ ຊິນຫົວ ຂອງລັດຖະບານຈີນ.
ການຝຶກຊ້ອມດັ່ງກ່າວ ທີ່ລວມມີກອງທັບບົກ, ກອງທັບເຮືອ, ກອງທັບອາກາດ, ແລະກອງກຳລັງຈະຫຼວດຂອງກອງບັນຊາການພາກຕາເວັນອອກ ຈະສຸມໃສ່ການລາດຕະເວນກຽມພ້ອມສູ້ລົບທາງທະເລ ແລະ ທາງອາກາດຮ່ວມກັນ, ການຄວບຄຸມສະໜາມລົບແບບຮອບດ້ານຮ່ວມກັນ, ແລະການບຸກໂຈມຕີທີ່ແນ່ໃສ່ບັນດາເປົ້າໝາຍສຳຄັນຮ່ວມກັນ, ໂຄສົກຂອງກອງບັນຊາການພາກພື້ນ ທ່ານ ຫຼີ ຊີ (Li Xi) ກ່າວ.
ນັກວິເຄາະບາງຄົນກ່າວວ່າ ການຊ້ອມລົບດັ່ງກ່າວເປັນສ່ວນນຶ່ງຂອງການສະແດງຄວາມຄຽດແຄ້ນຂອງປັກກິ່ງ ຕໍ່ປະທານາທິບໍດີຄົນໃໝ່ຂອງໄຕ້ຫວັນ ທ່ານ ຫຼາຍ ຈິງ-ເຕ (Lai Ching-te) ທີ່ເຂົ້າຮັບຕໍາແໜ່ງໃນວັນຈັນທີ່ຜ່ານມາ.
ຟໍຣັມສະແດງຄວາມຄິດເຫັນ