ຈີນແລະອອສເຕຣເລຍ ໄດ້ລົງນາມໃນຖະແຫຼງການຄວາມ
ຕັ້ງໃຈສະບັບນຶ່ງ ທີ່ຈະໃຫ້ມີການແລກປ່ຽນສິນຄ້າ ທີ່ເປັນສັນຍາ
ລັກນີ້ ປອດພາສີ ຫຼັງຈາກທີ່ໄດ້ເຈລະຈາກັນມານານເຖິງທົດສະວັດ.
ນາຍົກລັດຖະມົນຕີອອສເຕຣເລຍ ທ່ານ Tony Abbot
ແລະທ່ານ Xi Jinping ທີ່ເປັນແຂກນັ້ນ ໄດ້ເປັນສັກຂີພິຍານ
ໃນພິທີລົງນາມໃນວັນຈັນມື້ນີ້ ໃນສະພາທີ່ນະຄອນຫຼວງ
Canberra.
ໃນສົນທິສັນຍາທີ່ວ່ານີ້ ຈີນຄາດຫວັງ ທີ່ຈະເປີດຕະຫຼາດໃຫ້ແກ່
ຜົນຜລິດຈາກສວນ ຂອງຊາວອອສເຕຣເລຍ ທີ່ສົ່ງອອກ ລວມທັງ
ການຮັບໃຊ້ບໍລິການນຳໃນຂະນະທີ່ເຮັດໃຫ້ການຈຳກັດຮັດແຄບດ້ານການລົງທຶນ ໃນອອສເຕຣເລຍ ງ່າຍຂຶ້ນ.ສ່ວນພາສີຕ່າງໆຂອງກໍຈະຕັດລົງພ້ອມທັງພາສີຂອງຊີ້ນງົວ ແລະຊີ້ນ
ແກະ ທີ່ສົ່ງອອກນັ້ນ. ຂໍ້ຕົກລົງການຄ້າທີ່ວ່ານີ້ຈະເປັນການງ່າຍສຳຫຼັບບັນດາທະນາຄານ
ຂອງອອສເຕຣເລຍ ແລະບັນດາບໍລິສັດປະກັນໄພແລະພວກມະຫາວິທະຍາໄລຕ່າງໆ ໃນ
ການປະກອບທຸລະກິດກັບຈີນ.
ກ່ອນການລົງນາມທີ່ວ່ານີ້ ທ່ານ Xi ໄດ້ບອກສະພາອອສເຕຣເລຍ ວ່າຈຸດປະສົງຂອງທ່ານ
ແມ່ນຈະເພີ້ມລາຍຮັບຂອງຈີນ ຂຶ້ນໃຫ້ເປັນສອງເທົ່າຕົວ ພາຍໃນປີ 2020 ແລະຈະສ້າງ
ຕັ້ງປະເທດສັງຄົມນິຍົມທີ່ທັນສະໄໝ. ທ່ານໄດ້ກ່າວວ່າ ປັກກິ່ງນັ້ນແມ່ນປະຕິຍານຕົນ
ທີ່ຈະຍືນຍົງຄົງຕົວດ້ວຍສັນຕິ. ທ່ານໄດ້ຮັບການລຸກຂຶ້ນຕົບມືຢ່າງຟົດຟື້ນ ຫຼັງຈາກໄດ້ໃຫ້
ຄຳຖະແຫຼງການດັ່ງກ່າວ.
ນັກວິເຄາະທັງຫຼາຍເຊື່ອວ່າ ການແລກປ່ຽນການຄ້າເສລີນີ້ ຈະຍັງຜົນໃຫ້ສິນຄ້າສຳຫຼັບ
ຊາວອອສເຕຣເລຍ ແພງຂຶ້ນ.
ຈີນ ແລະ ອອສເຕຣເລຍ ເຊັນຂໍ້ຕົກລົງ ການຄ້າເສລີ
