ລິ້ງ ສຳຫລັບເຂົ້າຫາ

site logo
ວັນສຸກ, 27 ພຶດສະພາ 2022

ຈີນ ໂຈມຕີ ປ. ທຣຳ ທີ່ຂູ່ວ່າ ຈະບັ່ນທອນ ການຄ້າ ຍ້ອນການເຊື່ອມໂຍງກັບ ເກົາຫລີເໜືອ


ຫໍ Space Needle ທີ່ເຫັນຢູ່ເບື້ອງຫລັງ ຂອງກຳປັ່ນບັນທຸກ ຫີບສົ່ງສິນຄ້າ ຈອດຢູ່ທ່າເຮືອ ອ່າວ Elliott Bay ໃກ້ໆກັບ ໃນເມືອງ ຂອງນະຄອນ Seattle.

ຈີນ​ໄດ້​ໂຈມ​ຕີ ປະທານາທິບໍດີ​ສະຫະລັດ ທ່ານ​ດໍໂນ​ລ ທຣໍາ ທີ່​ຂົ່ມຂູ່​ວ່າ ຈະໂຈະ​ການ​
ຄ້າ​ກັບປະ​ເທດໃດໆ ທີ່​ທຳ​ທຸລະ​ກິດ​ກັບ​ເກົາຫລີ​ເໜືອ ຫລັງ​ຈາກ​ການ​ທົດ​ລອງ​ນິວ​ເຄລຍ
ຄັ້ງ​ຫລ້າ​ສຸດ ​ໂດຍ​ກ່າວ​ວ່າ ​ເປັນ​ອັນຕະລາຍ​ຢ່າງໃຫຍ່ ​ຕໍ່​ສາຍພົວພັນ ດ້ານການ​ຄ້າລະ
ຫວ່າງ ວໍ​ຊິງ​ຕັນ ​ກັບ​ປັກ​ກິ່ງ.

​ໂຄສົກ​ກະຊວງ​ຕ່າງປະ​ເທດ​ ທ່ານ Geng Shuang ກ່າວ​ໃນ​ວັນ​ຈັນ​ວານ​ນີ້​ວ່າ “ອັນ​ທີ່
ຮັບ​ເອົາ​ບໍ່​ໄດ້​ຢ່າງ​ແນ່ນອນສຳລັບພວກ​ເຮົາ​ກໍ​ຄື ການພັດທະນານິວເຄຼຽ ແຕ່​ໃນ​ອີ​ກດ້ານ
​ນຶ່ງແລ້ວ ແມ່ນຜົນປະໂຫຍດຂອງພວກ​ເຮົາຈະຖືກລົງໂທດແລະ​ ແລະ​ໄດ້ຮັບ​ຄວາມ​ເສຍ
​ຫາຍ. ນີ້​ບໍ່​ແມ່ນ​ທັງຈຸດປະສົງ ຫລືຄວາມ​ທ່ຽງທຳ.”

ຜູ້ຊາຍຄົນນຶ່ງກຳລັງເບິ່ງໂອລະພາບ ທີ່ອາດເປັນໄປໄດ້ຂອງການທົດລອງນິວເຄລຍ ຂອງເກົາຫລີເໜືອ.
ຜູ້ຊາຍຄົນນຶ່ງກຳລັງເບິ່ງໂອລະພາບ ທີ່ອາດເປັນໄປໄດ້ຂອງການທົດລອງນິວເຄລຍ ຂອງເກົາຫລີເໜືອ.

ຫລັງ​ຈາກ​ພຽງ​ຢາງ​ໄດ້​ດຶງຂະ​ນວນ​ລະ​ເບີດນິວ​ເຄລຍລູກທີ່​ໃຫຍ່ສຸດ ​ໃນ​ການ​ທົດ​ລອງ​ຢູ່
ໃຕ້​ດິນ​ໃນ​ວັນ​ອາທິດ​ທີ່​ຜ່ານ​ມ​າແລ້ວ ປະທານາທິບໍດີ​ທຣໍາ ກ່າວ​ວ່າ ທ່ານ​ກຳລັງ​ພິຈາລະ
ນາ ເຖິງຫລາຍ​ທາງ​ເລືອກ​ໃນ​ການ​ຕອບ​ໂຕ້ ຮວມທັງ​ຕັດ​ການ​ຄ້າ​ກັບ​ບັນດາ​ປະ​ເທດ​ທີ່
​ເຮັດ​ທຸລະ​ກິດ​ກັບ​ເກົາຫລີ​ເໜືອນຳ. ນັ້ນ​ອາດ​ຈະ​ກີດ​ຂວາງ​ຢ່າງ​ວອງ​ໄວ​ ຕໍ່ເກືອບ 650
ພັນ​ລ້ານ​ໂດ​ລາ​ ໃນ​ການ​ແລກປ່ຽນ​ການ​ຄ້າ​ປະຈຳ​ປີ ລະຫວ່າງສະຫະລັດ ​ກັບ​ຈີນ ສອງ​
ປະ​ເທ​ດ​ເສດຖະກິດທີ່ໃຫຍ່່​ສຸດຂອງ​ໂລກ ​ເພາະວ່າ​ປັກ​ກິ່ງ​ເປັນ​ພັນທະ​ມິດ​ທີ່​ສຳຄັນ​ປະ
ເທດ​ດຽວ​ຂອງ​ເກົາຫລີ​ເໜືອ ​ແລະ​ເປັນ​ຄູ່ການຄ້າ​ທີ່ໃຫຍ່​ສຸດ.

ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງ Nikki Haley ລາຍງານຕໍ່ສະພາຄວາມໝັ້ນຄົງ.
ເອກອັກຄະລັດຖະທູດສະຫະລັດ ປະຈຳສະຫະປະຊາຊາດ ທ່ານນາງ Nikki Haley ລາຍງານຕໍ່ສະພາຄວາມໝັ້ນຄົງ.

ແມ່ນ​ ປະທານາທິບໍດີ​ທຣໍາ ຈະ​ນຳ​ໃຊ້​ການ​ຂົ່ມຂູ່​ທາງ​ເສດຖະກິດ​ຂອງ​ທ່ານ​ຢ່າງ​ໃດນັ້ນ
​ຍັງ​ບໍ່​ເປັນ​ທີ່​ແຈ້ງ​ຂາວ ​ໃນ​ຂະນະ​ທີ່ສະຫະລັດ ​ແລະ​ບັນດາ​ພັນທະ​ມິດ ພວມກົດ​ດັນ​ໃຫ້
​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ ​ເອົາ​ບາດກ້າວ​ໃໝ່​ຕ້ານ​ພຽງ​ຢາງຢູ່ນິ້. ທ່ານ​
ນາງ Nikki Haley ​ເອກ​ອັກຄະ​ລັດຖະທູດ​ອາ​ເມຣິກັນ ປະຈຳ​ອົງການ​ສະຫະ​ປະຊາ
​ຊາດ ກ່າວ​ຕໍ່​ສະພາ​ຄວາມໝັ້ນຄົງ​ໃນ​ວັນ​ຈັນ​ວານ​ນີ້​ວ່າ “​ເວລາ​ໄດ້​ໝົດລົງແລ້ວ ​ສຳລັບ
ຕະການ​ຢ່າງ​ແຮງ​ເທົ່າ​ທີ່​ຄວນ.”

ໂຄສົກກະຊວງຕ່າງປະເທດຈີນ ທ່ານ Geng Shuang ລາຍງານຕໍ່ນັກຂ່າວທີ່ນະຄອນ Beijing,
ໂຄສົກກະຊວງຕ່າງປະເທດຈີນ ທ່ານ Geng Shuang ລາຍງານຕໍ່ນັກຂ່າວທີ່ນະຄອນ Beijing,

ທ່ານ Geng ​ໄດ້​ປະຕິ​ເສດ ທີ່​ຈະ​ກ່າວ​ວ່າ ມາດ​ຕະການ​ແນວ​ໃດ ​ທີ່​ປັກ​ກິ່ງ​ອາດ​ໃຫ້ກາ​ນສະໜັບສະໜູນ​ຕ້ານ​ພຽງ​ຢາງ ​ໂດຍ​ກ່າວ​ວ່າ ​ຈະ​ຂຶ້ນ​ຢູ່​ກັບ​ການ​ສົນ​ທະ​ນາ​ລະຫວ່າງ
​ສະມາຊິກ​ສະພາ​ທີ່ມີ​ອຳນາດ​ລົງ​ຄະ​ແນນ​ສຽງ​ເອົາ​ບົດບາດ ​ຢູ່​ໃນ​ສະຫະ​ປະຊາ​ຊາດ ທີ່
​ຈະ​ຮ່ວມໃ​ນການ “ຮັບຜິດຊອບ ​ໃນທາງສ້າງສັນ.”

ເອກອັກຄະລັດຖະທູດຈີນ ປະຈຳສະຫະປະຊາຊາດ ທ່ານ Liu Jieyi ຖະແຫລງຢູ່ກອງປະຊຸມຄວາມໝັ້ນຄົງ ສະຫະປະຊາຊາດ ທີ່ນະຄອນ New York.
ເອກອັກຄະລັດຖະທູດຈີນ ປະຈຳສະຫະປະຊາຊາດ ທ່ານ Liu Jieyi ຖະແຫລງຢູ່ກອງປະຊຸມຄວາມໝັ້ນຄົງ ສະຫະປະຊາຊາດ ທີ່ນະຄອນ New York.

ທ່ານ Geng ຍັງໄດ້​ເວົ້າອອກມາດ້ວຍຄວາມບໍ່ພໍ​ໃຈ​ຕໍ່​ຄຳ​ເວົ້າ​ຂອງນາຍົກລັດຖະມົນຕີ
ອອສ​ເຕຣ​ເລຍ ທ່ານ Malcolm Turnbull ທີ່​ວ່າ ​ປັກ​ກິ່ງ​ມີ​ຄວາມ​ຮັບຜິດຊອບ​ ທີ່​ຈະ​ໃຊ້​ອິດທິພົນຂອງຕົນ​ຕໍ່​ເກົາຫລີ​ເໜືອ ​ເພາະວ່າ​ເກົາຫລີ​ເໜືອ​ເປັນ​ຄູ່​ການ​ຄ້າ​ທີ່​ສຳຄັນຂອງເກົາຫຼີເໜືອ.

ອ່ານຂ່າວນີ້ເພີ້ມເປັນພາສາອັງກິດ

US China Trade
please wait
Embed

No media source currently available

0:00 0:00:57 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG