ລິ້ງ ສຳຫລັບເຂົ້າຫາ

ວັນອາທິດ, ໒໑ ເມສາ ໒໐໒໔

ຈີນແລະອາຊຽນ ເຮັດຂໍ້ຕົກລົງ ໃຊ້ເງິນຢວນ ຈ່າຍຄ່າການຊື້ຂາຍສິນຄ້າກັນ


ທ່ານເຫວິ້ນເຈຍບາວ ກ່າວຄໍາປາໄສຕໍ່ກອງປະຊຸມສຸດຍອດວ່າດ້ວຍ
ທຸລະກິດແລະການລົງທຶນລະຫວ່າງຈີນແລະກຸ່ມອາຊຽນ ທີ່ Nanning, ຈີນ, ວັນທີ 23 ຕຸລາ 2011.
ທ່ານເຫວິ້ນເຈຍບາວ ກ່າວຄໍາປາໄສຕໍ່ກອງປະຊຸມສຸດຍອດວ່າດ້ວຍ ທຸລະກິດແລະການລົງທຶນລະຫວ່າງຈີນແລະກຸ່ມອາຊຽນ ທີ່ Nanning, ຈີນ, ວັນທີ 23 ຕຸລາ 2011.



















ຈີນ​ໄດ້​ຢືນຢັນ​ລາຍ​ງານ​ຂ່າວ​ທີ່​ວ່າ​ ຕົນ​ກໍາລັງເຮັດ​ຂໍ້​ຕົກລົງ​ສະບັບ​ນຶ່ງກັບ​ກຸ່ມ​ອາ​ຊຽນ ເພື່ອໃຊ້​ຈ່າຍ​ຄ່າການ​ຄ້າ​ກັນ​ເປັນ​ເງິນ​ຢວນ.

ອົງການ​ຂ່າວ​ຊິນ​ຫົວ​ຂອງທາງ​ການ​ຈີນ​ອ້າງ​ຄໍາ​ເວົ້າ​ຂອງ​ເຈົ້າ​ໜ້າ​ທີ່​ທະນາຄານແຫ່ງ​ຊາດ​ຈີນ​ທ່ານນຶ່ງ​ທີ່​ກ່າວວ່າ ການ​ເຮັດ​ສັນຍາ​ດັ່ງກ່າວ​ກໍາລັງ​ດໍາ​ເນີນ​ໄປ​ຢູ່​ໃນ​ເວລາ​ນີ້.

ທ່ານ Jin Qi ຮອງ​ຜູ້​ອໍານວຍ​ການ​ທະນາຄານ​ປະຊາຊົນ​ຈີນ ກ່າວ​ຢູ່​ນອກ​ກອງ​ປະຊຸ​ມສຸດ​ຍອດ​ວ່າ​ດ້ວຍ​ການ​ຮ່ວມ​ມື​ດ້ານ​ການ​ເງິນ​ແລະ​ການພັດທະນາ​ລະຫວ່າງ​ຈີນ​ກັບ​ອາ​ຊຽນ ທີ່ Nanning ​ເມືອງຫລວງ​ຂອງ​ມົນທົນ Guangxi Zhuang ຂອງ​ຈີນ.

ລາຍ​ງານ​ຂ່າວ​ໃນ​ວັນ​ພະຫັດ​ຜ່ານ​ມາເວົ້າ​ວ່າ ຂໍ້​ຕົກລົງລະຫວ່າງ​ຈີນ​ແລະ​ກຸ່ມ​ອາ​ຊຽນກ່ຽວ​ກັບ​ເລື້ອງ​ນີ້ ​ເບິ່ງ​ຄື​ວ່າ​ຈະ​ມີ​ການ​ລົງ​ນາມ​ກັນ​ໃນ​ທ້າຍ​ປີ​ນີ້ ຫລື​ໃນ​ຕົ້ນ​ປີໜ້າ.

ພາຍ​ໃຕ້​ຂໍ້​ຕົກລົງທີ່​ວ່າ​ນີ້ ພວກ​ທະນາຄານ​ໃນ​ຈີນ​ແລະ​ໃນ​ບັນດາ​ປະ​ເທດ​ກຸ່ມ​ອາ​ຊຽນ ຈະ​ເລີ້ມ​ຕົ້ນ​ແລກປ່ຽນ​ເງິນ​ຢວນຂອງ​ຈີນ​ກັບ​ເງິນຕາ​ຂອງ​ພວກ​ປະ​ເທດ​ອາ​ຊຽນ​.

ຂ່າວ​ຊິນ​ຫົວ​ຍັງ​ອ້າງ​ຄໍາ​ເວົ້າ​ຂອງ​ທ່ານ Lian Ping ຫົວໜ້ານັກ​ເສດຖະສາດຂອງ​ທະນາ
ຄານສື່ສານຄົມມະນາ​ຄົມ​ ວ່າ ຂໍ້​ຕົກລົງ​ດັ່ງກ່າວ​ຈະເສີມ​ ຂະຫຍາຍການຄ້າ​ລະຫວ່າງ​ຈີນ​
ແລະ​ກຸ່ມ​ອາ​ຊຽນຂຶ້ນຢ່າງ​ຫລວງຫລາຍ ​ແລະ​ຮັບປະກັນ​ສະຖຽນ​ລະ​ພາບ​ດ້ານ​ການ​ເງິນ
ໃນ​ພາກ​ພື້ນ.

ທ່ານ Lian Ping ໃຫ້​ຂໍ້​ສັງ​ເກດ​ວ່າ ຜ່ານ​ມາ​ເງິນ​ໂດ​ລາ​ສະຫະລັດແມ່ນໄດ້​ເປັນ​ເງິນຕາ​ຄອບ​ງໍາ​ໃນ​ການ​ຈ່າຍ​ແລະ​ການ​ຕົກລົງ​ຊື້​ຂາຍ​ກັນ​ຢູ່ໃນພາກພື້ນ​ເອ​ເຊຍປາຊີ​ຟິກນັ້ນ.

ໃນ​ຖານະ​ເປັນ​ປະ​ເທດ​ທີ່​ມີ​ເສດ​ຖະກິດ​ໃຫຍ່ອັນ​ດັບ​ສອງ​ຂອງ​ໂລກ ຈີນ​ໄດ້​ມີ​ຄວາມ​ກະຕືລື​ລົ້ນ​ມາໃນ​ການຢາກ​ໃຫ້​ເງິນຕາ​ຂອງ​ຕົນມີ​ບົດບາດຫລາຍ​ຂຶ້ນ​ໃນ​ລະຫວ່າງ​ຊາດ​ນັ້ນ.

XS
SM
MD
LG