ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ນັກແຕ້ມ ທີ່ມີຊື່ສຽງຂອງຈີນ ຖືກປະກັນໂຕ ອອກມາແລ້ວ


ນັກເຄື່ອນໄຫວ Ai Weiwei ຖະແຫຼງຕໍ່ພວກນັກຂ່າວ ທີ່ໄປລໍຖ້າຢູ່ນອກເຮືອນຂອງລາວ ໃນກຸງປັກກິ່ງ (23 ມິຖຸນາ 2011)
ນັກເຄື່ອນໄຫວ Ai Weiwei ຖະແຫຼງຕໍ່ພວກນັກຂ່າວ ທີ່ໄປລໍຖ້າຢູ່ນອກເຮືອນຂອງລາວ ໃນກຸງປັກກິ່ງ (23 ມິຖຸນາ 2011)

ນາຍ Ai Weiwei ນັກແຕ້ມທີ່ມີຊື່ສຽງຂອງຈີນໄດ້ຮັບອະນຸຍາດໃຫ້ປະກັນໂຕອອກມາແລ້ວ
ຫຼັງຈາກໄດ້ຖືກຄຸມຂັງເປັນເວລາເກືອບ 3 ເດືອນແຕ່ເຈົ້າໜ້າທີ່ກ່າວວ່າການໄປມາຂອງລາວ
ຍັງຈະຖືກຈຳກັດເປັນເວລານຶ່ງປີ.

ໃນການຖະແຫຼງຂ່າວ ທີ່ກະຊວງການຕ່າງປະເທດຈີນໃນວັນພະຫັດມື້ນີ້ ທ່ານ Hong Lei ໂຄສົກກະຊວງການຕ່າງປະເທດກ່າວວ່າການສືບສວນນັກເຄື່ອນໄຫວຈີນອາຍຸ 54 ປີຄົນນີ້
ຍັງຈະດຳເນີນຕໍ່ໄປໃນໄລຍະເວລາດັ່ງກ່າວ. ໂຄສົກເວົ້າວ່ານາຍ Ai Weiwei ຈະຖືກກັກບໍ
ລິເວນໃນບ່ອນທີ່ທ່ານອາໄສຢູ່ຊຶ່ງໝາຍຄວາມວ່າ ແມ່ນນະຄອນຫຼວງປັກກິ່ງ.

ນັກແຕ້ມທີ່ກ້າປາກກ້າເວົ້າຄົນນີ້ໄດ້ຂໍຂະມາໂທດຕໍ່ພວກນັກຂ່າວແລະພະນັກງານໂທລະພາບ
ທີ່ໄປເຕົ້າໂຮມກັນຢູ່ນອກຫ້ອງສະຕູດີໂອຂອງລາວໃນເຂດຊານເມືອງຂອງກຸງປັກກິ່ງລຸນຫຼັງທີ່
ລາວຖືກປ່ອຍໃນຕອນແລງຂອງວັນພຸດວານນີ້.

ນາຍ Ai Weiwei ເວົ້າວ່າ ລາວມີສຸກຂະພາບແຂງແຮງດີແລະດີໃຈຫຼາຍ ທີ່ໄດ້ກັບຄືນມາ
ເຮືອນ. ແຕ່ລາວໄດ້ຮ້ອງຂໍໃຫ້ພວກນັກຂ່າວເຂົ້າໃຈກ່ຽວກັບວ່າລາວບໍ່ສາມາດໃຫ້ສຳພາດໄດ້
ຍ້ອນສະຖານະການທີ່ລາວຕົກຢູ່ໃນເວລານີ້.

ນາຍ Ai Weiwei ໄດ້ຖືກຈັບໃນຕົ້ນເດືອນເມສາຜ່ານມານີ້ໃນລະຫວ່າງທີ່ມີການປາບປາມ
ພວກຕໍ່ຕ້ານລັດຖະບານແລະພວກນັກເຄື່ອນໄຫວຮ້າຍແຮງສຸດ ຊຶ່ງບາງທີອາດຈະເປັນຍ້ອນ
ມີຄວາມຢ້ານກົວວ່າການລຸກຮືຂຶ້ນທີ່ພາກຕາເວັນອອກກາງອາດຈະແຜ່ລາມໄປຍັງປະເທດຈີນ. ຫຼາຍໆອາທິດລຸນຫຼັງທີ່ໄດ້ມີການຈັບກຸມປັກກິ່ງປະກາດວ່າລາວໄດ້ຖືກຈັບຍ້ອນຫຼົບຫຼີກພາສີ.

ອົງການຂ່າວຊິນຫົວຂອງທາງການຈີນ ລາຍງານວ່າ ນາຍ Ai Weiwei ໄດ້ຖືກປ່ອຍຍ້ອນ
ລາວໄດ້ສາລະພາບວ່າຫຼົບຫຼີກພາສີແທ້ແລະໃຫ້ຄຳໝັ້ນສັນຍາວ່າຈະຈ່າຍເງິນທີ່ລາວຕິດຄ້າງ
ນັ້ນໃຫ້ລັດຖະບານຄືນ. ນອກນັ້ນຊິນຫົວຍັງເວົ້າວ່ານັກແຕ້ມທີ່ເປັນໂຣກເບົາຫວານຄົນນີ້ໄດ້
ຖືກປ່ອຍຍ້ອນເຫດຜົນທາງດ້ານການແພດ.

XS
SM
MD
LG