ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຈີນຕັ້ງຂໍ້ຫາຕໍ່ນາຍ Ai Weiwei


ນັກປະທ້ວງຄົນນຶ່ງ ຖືຮູບທ່ານ Ai Weiwei ຢືນຢູ່ຕໍ່ໜ້າສຳນັກງານ ປະສານງານຂອງຈີນ ທີ່ຮົງກົງ (7 ເມສາ 2011)
ນັກປະທ້ວງຄົນນຶ່ງ ຖືຮູບທ່ານ Ai Weiwei ຢືນຢູ່ຕໍ່ໜ້າສຳນັກງານ ປະສານງານຂອງຈີນ ທີ່ຮົງກົງ (7 ເມສາ 2011)

ຈີນ​ໄດ້​ກ່າວ​ຢືນຢັນ​ເປັນ​ເທື່ອ​ທໍາ​ອິດ​ທີ່​ວ່າ ຕົນ​ກໍາລັງ​ທໍາ​ການ​ສືບສວນນາຍ Ai Weiwei ນັກ​ເຄື່ອນ​ໄຫວ​ແລະ​ນັກ​ແຕ້ມ​ຮູບ​ທີ່​ມີ​ຊື່​ສຽງ ທີ່​ໄດ້ຖືກຈັບ​ກຸມ​ໃນ​ຂະນະ​ທີ່ຜູ້ກ່ຽວ​ກໍາລັງ​ພະຍາຍາມ​ຂຶ້ນ​ເຮືອບິນທີ່​ສະໜາມ​ບິນ​ລະຫວ່າງ​ຊາດ​ກຸງ​ປັກ​ກິ​ງ​ໃນ​ວັນ​ອາທິດ​ຜ່ານ​ມາ​ນີ້.

ທ່ານ Hong Lei ​ໂຄສົກ​ປະ​ຈໍາ​ກະຊວງ​ການ​ຕ່າງປະ​ເທດ​ຈີນ ກ່າວໃນ​ວັນ​ພະຫັດ​ມື້​ນີ້​ວ່າ ນາຍ Ai ກໍ​ງລັງ​ຖືກ​ສືບສວນ​ໃນ​ຂໍ້​ຫາ​ຖານສົງ​ໄສ​ທໍາ​ອາຊະ​ຍາ​ກໍາດ້ານ​ເສດຖະກິດ ​ແລະ​ປະຕິ​ເສດ​ວ່າ​ຄະດີ​ບໍ່​ມີ​ສ່ວນ​ພົວພັນ​ໃດໆ​ກັບ​ດ້ານ​ສິດທິ​ມະນຸດ ຫລື​ເສລີພາບ​ໃນ​ການສະ​ແດງ​ຄວາມ​ຄິດ​ຄວາມ​ເຫັນ​ອອກ​ມາ​ນັ້ນ. ​ໂຄສົກ​ທ່ານ​ນີ້​ກ່າວ​ຕໍ່​ໄປ​ວ່າ ພວກ​ປະ​ເທດ​ອື່ນໆກໍ​ຄວນ​ເຄົາລົບ​ນັບຖື​ການ​ຮັບ​ມື​ຂອງ​ຈີນ​ໃນ​ຄະດີ​ດັ່ງກ່າວ​ນີ້.

ພວກ​ປະ​ເທດ​ຝ່າຍ​ຕາ​ເວັນ​ຕົກ​ໃຫຍ່ໆ​ໄດ້​ພາກັນ​ປະ​ທ້ວງ​ການ​ຄຸມ​ຂັງ​ນາຍ Ai ຊຶ່ງ​ໄດ້​ນໍາ​ຮູບ​ແຕ້ມ​ຂອງ​ລາວ​ໄປສະ​ແດງ​ໃນ​ບ່ອນ​ວາງສະແດງຮູບ​ພາບ​ທີ່ມີ​ຊື່​ສຽງ​ຂອງ​ໂລກ​ບາງ​ແຫ່ງ​ມາແລ້ວ ​ແລະ​ເປັນ​ຜູ້​ຊ່ອຍ​ອອກ​ແບບ​ສະໜາມກີລາ​ໂອ​ລິມປິກຮູບຊົງຮັງນົກຫຼື Bird’s Nest ​ໃນ​ກຸງ​ປັກກິ​ງ ນັ້ນ. ທ່ານ John Huntsman ​ເອກ​ອັກຄະ​ລັດຖະທູດ​ສະຫະລັດ​ປະ​ຈໍາ​ຈີນກ່າວ​ຢູ່​ທີ່ນະຄອນ​ຊຽງ​ໄຮ້​ໃນ​ແລງ​ວັນ​ພຸດ​ວານ​ນີ້​ວ່າ ສະຫະລັດຈະ ​ບໍ່​ຢຸດ​ເຊົາການ​ສະໜັບສະໜຸນ​ພວກ​ນັກ​ເຄື່ອນ​ໄຫວ​ໃນ​ດ້ານ​ສັງ​ຄົມ​ນັ້ນ​ຈັກ​ເທື່ອ ​ເຊ່ນ​ນາຍ Ai Weiwei ນີ້.

ທ່ານ Hong Lei ບໍ່​ໄດ້​ໃຫ້​ຄໍາ​ຊີ້​ແຈງ​ເພີ່ມ​ຕື່ມ​ກ່ຽວ​ກັບ​ອາຊະ​ກໍາ​ທີ່ນາຍ Ai ອາດຈະ​ໄດ້​ກະທໍາ​ໄປ​ນັ້ນ. ການ​ຈັບ​ກຸມ​ຜູ້ກ່ຽວ​ມີ​ຂຶ້ນ​ທ່າມກາງທີ່​ມີ​ການ​ປາບ​ປາມ​ຢ່າງ​ແຜ່​ ຫລາຍ​ພວກ​ຄັດຄ້ານ​ລັດຖະບານ​ ທີ່​ວ່າ ນາຍ Ai ວັຍ 53 ປີ​ຄົນ​ນີ້​ໄດ້​ຖືກບັນທຶກຈາກບັນຊີສື່ສັງຄົມ Twitter ຂອງ​ຜູ້ກ່ຽວ​.

XS
SM
MD
LG