ຕຳຫຼວດຈີນ ໄດ້ຈັບພະນັກງານຫ້າຄົນຂອງບໍລິສັດ Shanghai
ສົ່ງອາຫານ ທີ່ຖືກກ່າວຫາວ່າ ຂາຍຊີ້ນໝົດກຳໜົດ ໃຫ້ແກ່ຮ້ານ
ອາຫານໄວທັນໃຈຫຼາຍຮ້ານ ຮວມທັງຮ້ານ McDonald'sແລະ
KFC.
ຕໍາຫລວດນະຄອນ Shanghai ກ່າວໃນວັນພຸດມື້ນີ້ວ່າ ພວກທີ່
ຖືກຈັບ ແມ່ນຮວມທັງ ຫົວໜ້າບໍລິສັດ Husi Food ແລະຜູ້ຈັດ
ການດ້ານຄຸນນະພາບ. ບໍລິສັດ Husi Food ແມ່ນສ່ວນນຶ່ງຂອງ
ບໍລິສັດນຳສົ່ງອາຫານ ໃນກຸ່ມ OSI ຂອງສະຫະລັດ.
ໂທລະພາບ Dragon ຂອງຈີນ ໄດ້ລາຍງານໃນວັນອາທິດແລ້ວນີ້
ວ່າ ພວກພະນັກງານຂອງບໍລິສັດ Husi Food ໄດ້ປະສົມຊີ້ນທີ່ໝົດອາຍຸ ກັບຊີ້ນສົດ ຕິດກາ ໃສ່ໃໝ່ ໃຊ້ວັນທີຍັງບໍ່ໝົດກຳໜົດ ແລະໃຊ້ຊີ້ນທີ່ຕົກລົງພື້ນແລ້ວນັ້ນ.
ອົງການຂ່າວຊິນຫົວ ຂອງທາງການຈີນ ໃນວັນພຸດມື້ນີ້ ໄດ້ອ້າງຄຳເວົ້າຂອງບັນດາເຈົ້າໜ້າທີ່ ທີ່ກ່າວວ່າ ບັນຫາຈຳນວນນຶ່ງທີ່ບໍລິສັດ Husi Food ບໍ່ໄດ້ຈຳກັດ ແຕ່ສະເພາະສ່ວນບຸກຄົນ ເທົ່ານັ້ນ ແຕ່ໄດ້ຖືກ “ຈັດແຈງ ແລະຈັດຕັ້ງໂດຍບໍລິສັດ.”
ບັນດາຮ້ານອາຫານ ຮວມທັງ McDonald, KFC, Burger King ແລະ Starbucks ໄດ້ສັ່ງໃຫ້ເກັບຄືນຊີ້ນ ຂອງບໍລິສັດ Husi Food ທັງໝົດ. ຍັງບໍ່ທັນມີລາຍງານ ກ່ຽວກັບ ການເຈັບປ່ວຍ ໃດໆຈາກຊີ້ນນີ້ເທື່ອ . ຊີ້ນຈຳນວນນຶ່ງໄດ້ຖືກສົ່ງໄປຂາຍທີ່ປະເທດຍີ່ປຸ່ນ.
ລາຍງານນີ້ໄດ້ເຮັດໃຫ້ຊາວຈີນເກີດຄວາມໂກດແຄ້ນ ຊຶ່ງເປັນຜູ້ທີ່ມີຄວາມຮູ້ສຶກຕໍ່ບັນຫາ
ຄວາມປອດໄພຂອງອາຫານ ຫລັງຈາກໄດ້ເກີດຂ່າວນອງນັນຊຳ້ແລ້ວຊຳ້ອີກ ກ່ຽວກັບ
ຄວາມປອດໄພດ້ານອາຫານ ໃນລະຫວ່າງບໍ່ເທົ່າໃດປີທີ່ຜ່ານມານີ້ ທີ່ ເຮັດໃຫ້ຫລາຍຄົນ
ເສຍຊີວິດຮວມທັງພວກເດັກນ້ອຍທາລົກນຳ.
