ຈີນປະກາດໃຫ້ການຊ່ອຍເຫລືອອາຫານປະເພດເມັດແລະເງິນສົດເປັນມູນຄ່າ 82 ລ້ານໂດ
ລາ ເພື່ອຊ່ອຍບັນເທົາທຸກພວກປະສົບໄພແຫ້ງແລ້ງ ໃນແຫລມຕາເວັນອອກຂອງອາຟຣິ
ກາ ໂດຍກ່າວວ່າເປັນການບໍລິຈາກເງິນກ້ອນໃຫຍ່ທີ່ສຸດທີ່ເຄີຍມີມານັບແຕ່ພັກຄອມມີວນິສ
ຂຶ້ນຄອງອໍານາດໃນປີ 1949 ເປັນຕົ້ນມາ.
ອົງການຂ່າວຊິນຫົວຂອງທາງການຈີນກ່າວໃນວັນອາທິດວານນີ້ວ່າ ການສົ່ງເຂົ້າປາອາຫານ
ບັນເທົາທຸກພາວະສຸກເສິນຖ້ຽວທໍາອິດໄດ້ອອກຈາກທ່າເຮືອ Tianjin ໄປໃນວັນທີ 2 ຕົ້ນ
ເດືອນນີ້.
ການບໍລິຈາກດັ່ງກ່າວແມ່ນຕໍ່າກວ່າຫລາຍຈາກຈໍານວນທີ່ທາງທະນາ ຄານໂລກໄດ້ໃຫ້ຮັບ
ປາກໄວ້ ເພື່ອເພິ່ມການຊ່ອຍເຫລືອໃຫ້ແກ່ພວກປະເທດໃນພາກພື້ນທີ່ປະສົບກັບໄພແຫ້ງ
ແລ້ງ ຂຶ້ນເປັນ 1,880 ລ້ານໂດລາ ຈາກຈໍານວນ 500 ລ້ານໂດລາທີ່ໄດ້ອະນຸມັດໄປແລ້ວ
ນັ້ນ. ສະຫະລັດອາເມຣິກາແມ່ນເປັນປະເທດດຽວ ທີ່ບໍລິຈາກໃຫ້ແກ່ຂົງເຂດດັ່ງກ່າວຫລາຍ
ກວ່າໝູ່ ໂດຍໄດ້ໃຫ້ຄໍາໝັ້ນສັນຍາໄວ້ເກືອບ 650 ລ້ານໂດລານັ້ນ.
ເຖິງຢ່າງໃດກໍດີ ທ່ານ Yang Jiechi ລັດຖະມົນຕີຕ່າງປະເທດຈີນ ກ່າວໃນວັນເສົາຜ່ານ
ມານີ້ທີ່ນະຄອນນີວຢອກວ່າ ການບໍລິຈາກໃນມູນຄ່າ 82 ລ້ານໂດລາຂອງຈີນນັ້ນ ແມ່ນ
ຮວມທັງການຊ່ອຍເຫລືອດ້ານອາຫານປະເພດເມັດຈໍານວນໃຫຍ່ທີ່ສຸດຂອງຕົນ ນັບແຕ່
ການກໍ່ຕັ້ງຈີນສະໄໝໃໝ່ຂຶ້ນມາ.
