36 ຄົນເສຍຊີວິດ ຍ້ອນອຸບັດຕິເຫດ ລົດຕໍາກັນ ໃນຈີນ

ບັນດາເຈົ້າໜ້າທີ່ຈີນເວົ້າວ່າ ລົດຂົນສົ່ງທາດເມທານອລ ໄດ້ຕໍາກັບ
ລົດບັສຄັນນຶ່ງ ເຮັດໃຫ້ 36 ຄົນເສຍຊີວິດ.

ສື່ຂອງລັດຖະບານລາຍງານວ່າ ລົດທັງສອງຄັນນີ້ ໄດ້ລະເບີດຂຶ້ນ
ເປັນໄຟ ໃນຕອນເຊົ້າມືດຂອງວັນອາທິດມື້ນີ້ ລຸນຫລັງທີ່ເກີດອຸບັດ
ຕິເຫດ ໃກ້ກັບເມືອງຢານອານ ທາງພາກເໜືອຂອງປະເທດໃນ ແຂວງ Shaanxi ນັ້ນ.

ໃນຈໍານວນຜູ້ໂດຍສານ 39 ຄົນໃນລົດບັສຄັ້ນນັ້ນ ມີແຕ່ 3 ຄົນ
ເທົ່ານັ້ນ ທີ່ລອດຊີວິດຈາກເຫດລົດຕໍາກັນຄັ້ງນີ້.

ອຸບັດຕິເຫດຮ້າຍແຮງ ບົນທ້ອງຖະໜົນ ແມ່ນມັກເກີດຂຶ້ນເລື້ອຍໆ
ຢູ່ຈີນ ຊຶ່ງສື່ຂອງລັດຖະບານລາຍງານວ່າ ມີຄົນເກືອບຮອດ 70
ພັນຄົນເສຍຊີວິດຍ້ອນ ໃນປີກາຍນີ້.