ອົງການຂ່າວທາງການຂອງຈີນກ່າວວ່າ ອຸບັດເຫດລົດຕໍາກັນຫລາຍຄັນໃນແຂວງຈຽງຊີໃນພາກໃຕ້ຂອງຈີນ ໄດ້ເຮັດໃຫ້ປະຊາຊົນເສຍຊີວິດຢ່າງໜ້ອຍ 17 ຄົນແລະບາດເຈັບຕື່ມອີກ 4 ຄົນ.
ອົງການຂ່າວຊິນຫົວແຈ້ງໃຫ້ຊາບວ່າ ອຸບັດເຫດດັ່ງກ່າວໄດ້ເກີດຂຶ້ນໃນເຊົ້າວັນເສົາວານນີ້ ບົນທາງດ່ວນລະຫວ່າງເມືອງຊຽງໄຮ້ແລະເມືອງຄຸນໝິງ ແລະວ່າ ມີລົດ 4 ຄັນຕໍາກັນ ຊຶ່ງເກີດຂຶ້ນເວລາລົດບັນທຸກຄັນນຶ່ງ ແລ່ນໄປຕໍາກົ້ນລົດບັນທຸກອີກຄັນນຶ່ງ ແລ້ວປີ້ນຂວໍ້າໄປຕັນທາງລົດທີ່ແລ່ນມາທາງກົງກັນຂ້າມ.
ອົງການຂ່າວຊິນຫົວເວົ້າວ່າ ມີ 12 ຄົນຕາຍກັບບ່ອນ ແລະອີກ 5 ຄົນໄດ້ໄປເສຍຊີວິດ ຢູ່ໂຮງໝໍ.
ການສືບສວນສອບສວນຫາສາເຫດກໍາລັງດໍາເນີນໄປໃນເວລານີ້.
