ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ອຸບັດເຫດລົດ 2 ບັ້ນທີ່ຈີນ ເຮັດໃຫ້ເດັກນັກຮຽນ ເສຍຊິວິດ 14 ຄົນ ແລະລົດຕໍາກັນ 100 ກ່ວາຄັນ


ຕໍາຫລວດຈີນຕັນຖະໜົນໄວ້ ຢູ່ໃກ້ປໍ້ານໍ້າມັນທີ່ລົດຄັນນຶ່ງແລ່ນເຂົ້າໄປຕໍາເອົາ ຍ້ອນໝອກໜາ ສົ່ງຜົນໃຫ້ລົດທີ່ແລ່ນ ມາທາງຫລັງ ຕໍາກົ້ນກັນເປັນ 100 ກ່ວາຄັນ, ວັນທີ 27 ທັນວາ 2010.
ຕໍາຫລວດຈີນຕັນຖະໜົນໄວ້ ຢູ່ໃກ້ປໍ້ານໍ້າມັນທີ່ລົດຄັນນຶ່ງແລ່ນເຂົ້າໄປຕໍາເອົາ ຍ້ອນໝອກໜາ ສົ່ງຜົນໃຫ້ລົດທີ່ແລ່ນ ມາທາງຫລັງ ຕໍາກົ້ນກັນເປັນ 100 ກ່ວາຄັນ, ວັນທີ 27 ທັນວາ 2010.

ໄດ້ເກີດເຫດການໂສກນາດຕະກໍາສອງບັ້ນພ້ອມໆກັນ ໃນ
ວັນຈັນມື້ນີ້ ບົນຖະໜົນຫຼວງ ຫລືໄຮເວຂອງຈີນ ທີ່ຍັງຜົນ
ໃຫ້ເດັກນັກຮຽນ 14 ຄົນເສຍຊີວິດໃນອຸບັດເຫດນຶ່ງ ແລະ
7 ຄົນເສຍຊີວິດ ໃນອຸບັດເຫດລົດຕໍາກົ້ນກັນ 100 ຄັນໃນ
ແຂວງໃກ້ຄຽງນັ້ນ.

ອົງການຂ່າວຊິນຫົວຂອງທາງການຈີນກ່າວວ່າ ພວກເດັກ
ນ້ອຍນັກຮຽນກໍາລັງຂີ່ລົດໄປໂຮງຮຽນໃນຕອນເຊົ້າວັນຈັນ
ມື້ນີ້ ເວລາລົດທີ່ພວກເຂົາເຈົ້າຂີ່ໄປ ແລ່ນເຈືອກອອກນອກ
ທາງ ແລ້ວຕົກລົງໄປໃນຫ້ວຍນໍ້າແຫ່ງນຶ່ງ ໃນພາກກາງຂອງ
ແຂວງຫູນານ. ຂ່າວຊິວຫົວເວົ້າອີກວ່າ ເດັກນັກຮຽນອີກ 6 ຄົນກໍາລັງໄດ້ຮັບການປິ່ນປົວບາດແຜທີ່ໂຮງໝໍແຫ່ງນຶ່ງ.

ທີ່ແຂວງ Guizhou ທີ່ຕິດກັບແຂວງຫູນານນັ້ນ ລົດບັນທຸກ
ຄັນນຶ່ງໄດ້ແລ່ນໄປຕໍາປໍ້ານໍ້າມັນ ໃນເວລາປະມານ 8 ໂມງ
ເຊົ້າ ຍ້ອນໝອກໜາ ຊຶ່ງການອັດຫົນທາງໄວ້ຍ້ອນອຸບັດ
ເຫດດັ່ງກ່າວ ໄດ້ສົ່ງຜົນໃຫ້ລົດທີ່ແລ່ນມາທາງດຽວກັນນັ້ນ
ແລ່ນຕໍາກົ້ນກັນຢ່າງໜ້ອຍ 100 ຄັນ ຍາວຕິດຕໍ່ກັນໄປ ຮອດ 20 ຫຼັກກິໂລແມດ ຢູ່ບົນ ທາງຫຼວງ.

ຊິນຫົວລາຍງານວ່າ ມິ 6 ຄົນຕາຍກັບທີ່, ຄົນນຶ່ງໄປສິ້ນໃຈຢູ່ໂຮງໝໍ ແລະ 15 ຄົນໄດ້ຮັບ ບາດເຈັບ.

XS
SM
MD
LG