ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຈີນຄັດຄ້ານຕໍ່ການເອົາຈີນ ໄປສົມທຽບໃສ່ກັບ ພາກຕາເວັນອອກກາງ


ນາຍົກລັດຖະມົນຕີຈີນ ທ່ານ Wen Jiabao
ນາຍົກລັດຖະມົນຕີຈີນ ທ່ານ Wen Jiabao

ນາຍົກລັດຖະມົນຕີຈີນ ທ່ານ Wen Jiabao ໄດ້ປະຕິເສດ ຕໍ່ການປຽບທຽບລະຫວ່າງ ຈີນ
ກັບຄວາມບໍ່ສະງົບ ໃນພາກຕາເວັນອອກກາງແລະອາຟຣິກາເໜືອນັ້ນ.

ທ່ານ Wen Jiabao ໄດ້ກ່າວ ໃນກອງປະຊຸມຖະ​ແຫລ​ງຂ່າວໃນວັນຈັນມື້ນີ້ວ່າ ​“ມັນບໍ່
ຖືກຕ້ອງ” ທີ່​ຈະ​ເອົາຈີນ​ໄປປຽບທຽບກັບພວກປະເທດເຊັ່ນ Tunisia ​ແລະ​ອິຈິບນັ້ນ ຊຶ່ງ
ພວກ​ຜູ້​ນໍາ​ຂອງ​ບັນດາປະ​ເທດ​ດັ່ງກ່າວນັ້ນ ໄດ້​ຖືກ​ບີບບັງ​ຄັບ​ໃຫ້​ອອກຈາກ​ອໍານາດ​ ​
ໂດຍ​ການ​ປະ​ທວງ​ຢ່າງ​ສັນຕິ​ຂອງ​ມະຫາຊົນ.

ທ່ານ Wen Jiabao ​ໄດ້ໃຫ້ຄວາມ​ເຫັນ​ດັ່ງກ່າວ​ ໃນ​ວາລະ​ເສັດ​ສິ້ນກອງ​ປະຊຸມ​ຂອງ​ສະພາ
ປະຊາຊົນແຫ່ງ​ຊາດ ທີ່​ໄດ້​ຮັບ​ຜ່ານແຜນ​ການເສດຖະກິດ 5 ປີ ທີ່ຈະ​ໃຫ້​ອໍານາດ​ແກ່​ພວກ​
ຜູ້​ອຸບປະ​ໂພ​ກບໍລິ​ໂພ​ກ ​ແຕ່​ປະຕິ​ເສດ​ຕໍ່​ການ​ປະຕິ​ຮູບ​ທາງ​ການ​ເມືອງ​ທຸກ​ຢ່າງ.

ແຜນການ​ 5 ປີດັ່ງກ່າວ ໃຫ້ຄໍາ​ໝັ້ນ​ສັນຍາ​ ທີ່​ຈະ​ໃຊ້​ຈ່າຍ​ເງິນ​ຫລາຍ​ຂຶ້ນ ​ເຂົ້າໃສ່ລະບົບ
ສາທາລະນະ​ສຸກ​ໃນ​ເຂດ​ຊົນນະບົດ ແລະ​ຊ່ວຍ​ເຫລືອ​ໃນການ​ສະໜອງ​ວຽກ​ເຮັດ​ງານ​ທໍາໃຫ້​
ພວກ​ຊາວ​ໄຮ່​ຊາວນາ​ທີ່​ຫວ່າງງານ​ນັ້ນ ຊຶ່ງ​ເປັນ​ບາດ​ກ້າວ​ອັນ​ນຶ່ງທີ່​ອາດ​ສາມາດສົ່ງ​ເສີມ​ການ
ຈະ​ເລີ​ນ​ເຕີບ​ໂຕ​ຂອງ​ອຸດ​ສະຫະ​ກໍາ​ດ້ານການ​ໃຫ້​ບໍລິການ​ແລະ​ການ​ອຸບປະ​ໂພ​ກບໍລິ​ໂພ​ກ​ໄດ້.

XS
SM
MD
LG