ລິ້ງ ສຳຫລັບເຂົ້າຫາ

ຄົນງານບໍ່ແຮ່ຊີເລ ກັບເມືອເຮືອນແລ້ວ

  • ໄພສານ ວໍຣະຈັກ

ຄົນງານບໍ່ແຮ່ ທີ່ຖືກຊ່ອຍຂຶ້ນມາ ທ້າວ Carlos Mamani ຈາກໂບລີເວຍ ຖືກຫ້ອມລ້ອມ ໂດຍພວກນັກຂ່າວ ຂະນະທີ່ກັບໄປເຖິງເຮືອນຂອງລາວ ຢູ່ເມືອງ Copiapo (14 ຕຸລາ 2010)

ພວກຄົນງານບໍ່ແຮ່ຂອງຊີເລ 3 ຄົນຈາກຈຳນວນທັງໝົດ 33 ຄົນ ທີ່ໄດ້ຖືກຊ່ອຍຂຶ້ນມາ ຫຼັງຈາກຕົກຄ້າງເປັນເວລາ 2 ເດືອນຢູ່ໃຕ້ພື້ນດິນນັ້ນ ໃນທີ່ສຸດກໍໄດ້ກັບຄືນໄປເຮືອນ ຂອງພວກເຂົາເຈົ້າແລ້ວ.

ບຸກຄົນທັງ 3 ໄດ້ຮັບອະນຸຍາດ ໃຫ້ອອກຈາກໂຮງພະຍາ ບານທີ່ເມືອງ Copiapo ແລະຖືກນຳໂຕອອກໄປໂດຍລົດ ຂອງລັດຖະບານ ທ່າມກາງການຮັກສາຄວາມປອດໄພຢ່າງ ເຄັ່ງຄັດ.

ນຶ່ງໃນຈຳນວນ 3 ຄົນນັ້ນ ກໍແມ່ນນາຍ Edison Pena
ໄດ້ຖືກຕ້ອນຮັບ ໂດຍສຽງຮ້ອງເຊຍຂອງປະຊາຊົນໃນຄຸ້ມ
ຂອງລາວ ເວລາລາວກັບໄປເຖິງເຮືອນ. ລາວກ່າວຕໍ່ພວກ
ນັກຂ່າວວ່າ ລາວຄິດວ່າລາວອາດຈະບໍ່ມີໂອກາດກັບຄືນມາ
ເຮືອນຂອງລາວອີກແລ້ວ ໃນລະຫວ່າງທີ່ຢູ່ໃຕ້ພື້ນດິນ 69 ມື້ນັ້ນ.

ສ່ວນສະມາຊິກຄົນອື່ນໆ ຂອງພວກຄົນງານບໍ່ແຮ່ ຄາດວ່າຈະໄດ້ຮັບອະນຸຍາດໃຫ້ອອກຈາກ ໂຮງພະຍາບານ ໃນວັນສຸກມື້ນີ້.

ພວກຄົນງານບໍ່ແຮ່ ໄດ້ໃຊ້ເວລາສ່ວນໃຫຍ່ໃນວັນພະຫັດວານນີ້ພັກຜ່ອນກັບປະທານາທິບໍດີ ຊີເລ ທ່ານ Sebastian Penera ແລະຍັງສືບຕໍ່ພາກັນໃສ່ແວ່ນຕາດຳເພື່ອປ້ອງກັນບໍ່ໃຫ້ ຕາຂອງພວກເຂົາເຈົ້າ ໄດ້ຮັບອັນຕະລາຍຈາກແສງກ້າ.

XS
SM
MD
LG