ບັນດາເຈົ້າໜ້າທີ່ກ່າວວ່າ ເຂົາເຈົ້າຕ້ອງໄດ້ງົດການຊອກຄົ້ນ
ຫາພວກຄົນງານບໍ່ແຮ່ 34 ຄົນທີ່ຫາຍສາບສູນລຸນຫລັງ
ປ່ອງທາງລົງສູ່ບໍ່ ໄດ້ພັງລົງໃນວັນເສົາວານນີ້ ຊຶ່ງເປັນໄພອັນຕະລາຍຕໍ່ຄວາມປອດໄພຂອງພວກພະນັກງານ ກູ້ໄພນັ້ນ.
ໄດ້ມີການຂາດການຕິດຕໍ່ກັນ ມາຕັ້ງແຕ່ວັນພະຫັດສັບປະ ດາແລ້ວນີ້ ກັບພວກຄົນງານບໍ່ແຮ່ 34 ຄົນ ທີ່ຕົກຄ້າງຢູ່ໃນບໍ່ຄໍາແລະທອງແດງແຫ່ງນຶ່ງທີ່ຍຸບລົງ ໃກ້ໆກັບເມືອງ Copiapo ຫ່າງຈາກນະຄອນຫລວງ Santiago ໄປທາງທິດເໜືອ ປະມານ 700 ຫລັກກິໂລແມັດ. ເຊື່ອກັນວ່າພວກຄົນງານເຫລົ່ານີ້ ຢູ່ເລິກຈາກໜ້າດິນ ລົງໄປປະມານ 300 ແມັດ.
ຍັງບໍ່ທີ່ຈະແຈ້ງເທື່ອວ່າ ແມ່ນຫຍັງພາໃຫ້ບໍ່ແຮ່ແຫ່ງນີ້ພັງລົງ. ແຕ່ບໍ່ແຫ່ງນີ້ມີປະວັດການ
ເກີດອຸບັດເຫດມາຫລາຍຄັ້ງ ແລະໄດ້ຖືກໃຫ້ປິດລົງໃນຫວ່າງບໍ່ເທົ່າໃດປີຜ່ານມາ ກ່ອນມີ
ການເປີດຄືນນັ້ນ.
ປະເທດ Chile ເປັນແຫລ່ງສະໜອງວັດຖຸທອງແດງ ລາຍໃຫຍ່ທີ່ສຸດຂອງໂລກ.
