ການມາຮອດມາເຖິງຂອງບຸກຄົນທ່ານນີ້ຖືວ່າເປັນໂອກາດເວລາ
ທີ່ມີການຄອງຄອຍຖ້າ ຫຼາຍທີ່ສຸດຂອງປີ ສຳລັບພວກເດັກນ້ອຍ
ເປັນຈຳນວນຫຼວງຫຼາຍ.
ມັນເປັນການປະກົດຕົວໃນຍາມລາຕີ ພ້ອມດ້ວຍກວາງ ຫຼື rain-
deer ທີ່ເຫາະເຫີນ ຢູ່ເທິງທ້ອງຟ້າ ຈາກຂົ້ວໂລກເໜືອແລະ ແກ່
ເລື່ອນຂອງເພິ່ນ ທີ່ເຕັມໄປດ້ວຍ ຂອງຫຼິ້ນພວກເດັກນ້ອຍຕ່າງໆ
ແລ່ນອ້ອມໂລກ ຢຸດແວ່ຕາມບ້ານເຮືອນຜູ້ຄົນໄປແຕ່ລະຫຼັງບ່ອນ
ທີ່ເພິ່ນໄດ້ລົງໄປ ໃນເຮືອນທາງທໍ່ເຕົາໄຟເພື່ອນຳຂອງຕ້ອນຂອງ
ຝາກໄປປະໄວ້ໃຫ້ພວກເດັກຍິງແລະຊາຍທີ່ເປັນຄົນດີຢູ່ຕາມບ້ານເຮືອນເຫລົ່ານັ້ນ.
ການຄອງຄອຍ ມາຕະຫຼອດທັງປີ ແມ່ນເລີ້ມຂຶ້ນຫຼັງຈາກຕົກຄ່ຳຂອງມື້ນີ້ ວັນທີ 24 ທັນວາ. ພໍ່ແມ່ບອກໃຫ້ພວກລູກເຕົ້າເຂົ້ານອນແຕ່ຕອນຫົວຄ່ຳ ແລະໃຫ້ພວກເຂົາເຈົ້າປ່ອຍໃຫ້ຈິນ
ຕະນາການເຕັ້ນລະບຳຢູ່ໃນຫົວຂອງພວກເຂົາເຈົ້າ ແລະວ່າ ຖ້າປາປາໂນແອລຫຼື Santa Claus ມາຮອດບ້ານເຮືອນແລ້ວ ພົບເຫັນວ່າພວກເຂົາເຈົ້າຍັງບໍ່ນອນ Santa Claus ກໍ
ຈະບໍ່ຢຸດແວ່ບ້ານເຮືອນຫຼັງນັ້ນເລີຍ ແລ້ວເຂົ້າໄປບ້ານເຮືອນຫຼັງອື່ນແທນ.
ແຕ່ວ່າພວກເດັກນ້ອຍ ບໍ່ສາມາດເອົາຄຳຖາມ ແລະຄວາມຢາກຮູ້ຢາກເຫັນ ທີ່ວ່ານີ້ ອອກ
ຈາກສະໝອງຂອງພວກເຂົາເຈົ້າ ກໍຄືຄຳຖາມທີ່ວ່າ ເມື່ອໃດ Santa Claus ຈະມາເຖິງທີ່
ນີ້?
ນັ້ນຄືບ່ອນທີ່ສູນກາງປ້ອງກັນອະວະກາດຂອງອາເມຣິກາເໜືອຫຼືອົງການ NORAD ເຂົ້າ
ມາມີບົດບາດ. ພວກເຈົ້າໜ້າທີ່ໆຖານທັບອາກາດ Peterson ໃນລັດ Colorado ພວມ
ພາກັນຕອບໂທລະສັບ ຈາກພວກເດັກນ້ອຍໃນທົ່ວໂລກ ທີ່ຢາກຮູ້ຂໍ້ມູນຫລ້າສຸດ ກ່ຽວກັບ
ວ່າ Santa Claus ເພິ່ນເດີນທາງໄປຮອດໃສແລ້ວແລະຍັງໃຫ້ຂໍ້ມູນວ່າ ເມື່ອໃດເພິ່ນຈະ
ໄປຮອດໄປເຖິງເມືອງທີ່ພວກເຂົາເຈົ້າຢູ່.
ມີພວກເດັກນ້ອຍບາງກຸ່ມ ຈະໄດ້ຟັງການຕອບໂທລະສັບໂດຍແຂກພິເສດ ກໍຄືສະຕີໝາຍ
ເລກນຶ່ງ ທ່ານນາງ Michelle Obama ຜູ້ຊຶ່ງອາສາສະໝັກໃນທຸກໆປີ ຊຶ່ງເປັນນຶ່ງໃນກຸ່ມ
ຜູ້ຕິດຕາມເບິ່ງ Santa Claus ຂອງອົງການ NORAD.
ໂຄງການດັ່ງກ່າວນີ້ ແມ່ນດຳເນີນງານມາໄດ້ 60 ປີ ແລ້ວ ແລະນອກຈາກຮັບສາຍໂທລະ
ສັບຂອງພວກເດັກນ້ອຍແລ້ວ ໂຄງການນີ້ ຍັງໄດ້ເຜີຍແຜ່ທາງອິນເຕີແນັດ ທີ່ສະແດງໃຫ້
ເຫັນວ່າ Santa Claus ໄປຮອດໃສແລ້ວ ພ້ອມທັງໃຫ້ລະອຽດຂອງການເດີນທາງແລະ
ຢຸດແວ່ຕະຫລອດເວລາ.
