ເຈົ້າໜ້າທີ່ອິນເດຍໄດ້ຈັບກຸມຜູ້ຕ້ອງສົງໄສຄົນທີ 2 ໃນຄະດີ
ຂົ່ມຂືນເດັກຍິງອາຍຸ 5 ຂອບ ໃນນະຄອນນິວເດລລີນັ້ນແລ້ວ.
ຕໍາຫຼວດໄດ້ກ່າວໃນວັນຈັນມື້ນີ້ວ່າ ຜູ້ຊາຍເພື່ອນບ້ານອາຍຸ
22 ຂອງເດັກເຄາະຮ້າຍ ທີ່ໄດ້ຖືກຈັບກຸມແລ້ວນັ້ນ ໄດ້ບອກ
ຊື່ຂອງຊາຍຄົນທີສອງວ່າ ເປັນຜູ້ສົມຮູ້ຮ່ວມຄິດ.
ລາຍງານຂ່າວເວົ້າວ່າ ເດັກຍິງນັ້ນໄດ້ຫາຍຕົວໄປຈາກບ້ານ
ຂອງລາວໃນນະຄອນນິວເດລລີໃນວັນທີ 15 ເມສາ ແລະ
ໄດ້ຖືກພົບເຫັນ 3 ມື້ ຕໍ່ມາໃນຫ້ອງນຶ່ງທີ່ອັດກະແຈໄວ້.
ຕໍາຫຼວດກ່າວວ່າ ຜູ້ຕ້ອງສົງໄສໄດ້ລັກພາຕົວເດັກໄປຂົ່ມຂືນແລະທໍລະມານ ແລະປ່ອຍ
ໃຫ້ລາວຕາຍ ຫຼັງຈາກທີ່ໄດ້ກະທໍາຮຸນແຮງດັ່ງກ່າວແລ້ວ.
ຫົວໜ້າຝ່າຍການແພດທີ່ໂຮງພະຍາບານ ບ່ອນທີ່ເດັກຍິງຖືກນໍາຕົວໄປຮັກສານັ້ນ ໄດ້
ບອກກັບບັນດານັກຂ່າວໃນວັນຈັນມື້ນີ້ວ່າ ເດັກຍິງມີອາການດີຂຶ້ນຫລາຍແລ້ວ ແລະກໍ
ສາມາດເວົ້າລົມກັບພໍ່ແມ່ຂອງນາງໄດ້ແລ້ວ ແຕ່ກໍຄົງຈະໄດ້ນອນຮັກສາໂຕໃນໂຮງໝໍ
ຕື່ມອີກ 2 ອາທິດ. ຫຼັງຈາກນັ້ນ ນາງຈະຕ້ອງໄດ້ຮັບການສັນຍະກໍາຟື້ນຟູໃໝ່.
ໃນວັນຈັນມື້ນີ້ ສະພາແຫ່ງຊາດອິນເດຍ ໄດ້ໄຂກອງປະຊຸມ ແຕ່ກໍໄດ້ຍົກເລີກ ຫຼັງຈາກທີ່
ພວກຜູ້ແທນໄດ້ພາກັນສະແດງຄວາມໂກດແຄ້ນ ກ່ຽວກັບຄະດີຂົ່ມຂືນດັ່ງກ່າວ.
ເຫດການນີ້ໄດ້ມີຂຶ້ນ ຫລັງຈາກການປະທ້ວງຂອງຜູ້ຄົນຈໍານວນນັບຮ້ອຍໃນວັນອາທິດ
ວານນີ້ ທີ່ຮຽກຮ້ອງໃຫ້ຫົວໜ້າຕໍາຫຼວດຂອງນະຄອນນິວເດລລີ ລາອອກ. ແລະນັ້ນແມ່ນ
ມື້ທີ 3 ຂອງການປະທ້ວງ ທີ່ເກີດຂຶ້ນຫລັງຈາກມີລາຍງານວ່າ ທາງຕໍາຫຼວດບໍ່ໄດ້ເອົາຫົວ
ຊານໍາ ການຫາຍຕົວໄປຂອງເດັກຍິງຜູ້ນັ້ນ ແລະໄດ້ສະເໜີມອບເງິນໃຫ້ພໍ່ແມ່ຂອງເດັກ
ເພື່ອໃຫ້ຄະດີ ງຽບໄປ.
ຂົ່ມຂືນເດັກຍິງອາຍຸ 5 ຂອບ ໃນນະຄອນນິວເດລລີນັ້ນແລ້ວ.
ຕໍາຫຼວດໄດ້ກ່າວໃນວັນຈັນມື້ນີ້ວ່າ ຜູ້ຊາຍເພື່ອນບ້ານອາຍຸ
22 ຂອງເດັກເຄາະຮ້າຍ ທີ່ໄດ້ຖືກຈັບກຸມແລ້ວນັ້ນ ໄດ້ບອກ
ຊື່ຂອງຊາຍຄົນທີສອງວ່າ ເປັນຜູ້ສົມຮູ້ຮ່ວມຄິດ.
ລາຍງານຂ່າວເວົ້າວ່າ ເດັກຍິງນັ້ນໄດ້ຫາຍຕົວໄປຈາກບ້ານ
ຂອງລາວໃນນະຄອນນິວເດລລີໃນວັນທີ 15 ເມສາ ແລະ
ໄດ້ຖືກພົບເຫັນ 3 ມື້ ຕໍ່ມາໃນຫ້ອງນຶ່ງທີ່ອັດກະແຈໄວ້.
ຕໍາຫຼວດກ່າວວ່າ ຜູ້ຕ້ອງສົງໄສໄດ້ລັກພາຕົວເດັກໄປຂົ່ມຂືນແລະທໍລະມານ ແລະປ່ອຍ
ໃຫ້ລາວຕາຍ ຫຼັງຈາກທີ່ໄດ້ກະທໍາຮຸນແຮງດັ່ງກ່າວແລ້ວ.
ຫົວໜ້າຝ່າຍການແພດທີ່ໂຮງພະຍາບານ ບ່ອນທີ່ເດັກຍິງຖືກນໍາຕົວໄປຮັກສານັ້ນ ໄດ້
ບອກກັບບັນດານັກຂ່າວໃນວັນຈັນມື້ນີ້ວ່າ ເດັກຍິງມີອາການດີຂຶ້ນຫລາຍແລ້ວ ແລະກໍ
ສາມາດເວົ້າລົມກັບພໍ່ແມ່ຂອງນາງໄດ້ແລ້ວ ແຕ່ກໍຄົງຈະໄດ້ນອນຮັກສາໂຕໃນໂຮງໝໍ
ຕື່ມອີກ 2 ອາທິດ. ຫຼັງຈາກນັ້ນ ນາງຈະຕ້ອງໄດ້ຮັບການສັນຍະກໍາຟື້ນຟູໃໝ່.
ໃນວັນຈັນມື້ນີ້ ສະພາແຫ່ງຊາດອິນເດຍ ໄດ້ໄຂກອງປະຊຸມ ແຕ່ກໍໄດ້ຍົກເລີກ ຫຼັງຈາກທີ່
ພວກຜູ້ແທນໄດ້ພາກັນສະແດງຄວາມໂກດແຄ້ນ ກ່ຽວກັບຄະດີຂົ່ມຂືນດັ່ງກ່າວ.
ເຫດການນີ້ໄດ້ມີຂຶ້ນ ຫລັງຈາກການປະທ້ວງຂອງຜູ້ຄົນຈໍານວນນັບຮ້ອຍໃນວັນອາທິດ
ວານນີ້ ທີ່ຮຽກຮ້ອງໃຫ້ຫົວໜ້າຕໍາຫຼວດຂອງນະຄອນນິວເດລລີ ລາອອກ. ແລະນັ້ນແມ່ນ
ມື້ທີ 3 ຂອງການປະທ້ວງ ທີ່ເກີດຂຶ້ນຫລັງຈາກມີລາຍງານວ່າ ທາງຕໍາຫຼວດບໍ່ໄດ້ເອົາຫົວ
ຊານໍາ ການຫາຍຕົວໄປຂອງເດັກຍິງຜູ້ນັ້ນ ແລະໄດ້ສະເໜີມອບເງິນໃຫ້ພໍ່ແມ່ຂອງເດັກ
ເພື່ອໃຫ້ຄະດີ ງຽບໄປ.
