ທ່ານ Du Bo ຮອງຫົວໜ້າກໍາກັບການດໍາເນີນງານກູ້ໄພ
ກ່າວກັບອົງການຂ່າວຊິນຫົວຂອງທາງການຈີນວ່າ ໄດ້ມີ
ການພົບເຫັນສົບຂອງພວກຄົນງານໃນບໍ່ ຕື່ມອີກ 5 ສົບ
ໃນວັນອາທິດມື້ນີ້ ຊຶ່ງເຮັດໃຫ້ຈໍານວນຜູ້ເສຍຊີວິດ ເພີ່ມຂຶ້ນ
ເປັນ 26 ຄົນແລ້ວ. ທ່ານ Du Bo ກ່າວຕື່ມວ່າ ຈາກປະ
ສົບປະການທີ່ໄດ້ເຫັນມາກ່ອນນີ້ ມີທາງເປັນໄປໄດ້ວ່າ
ພວກຄົນງານ 11 ຄົນທີ່ຍັງຫາຍສາບສູນຢູ່ໃນບໍ່ນັ້ນ ຄົງ
ໄດ້ຖືກຂີ້ຖ່ານຫິນຖົມແລະຫາຍໃຈບໍ່ອອກ ຫລັງຈາກບໍ່ລະ
ເບີດຂຶ້ນໃນວັນເສົາວານນີ້ ທີ່ແຂວງ Henan ນັ້ນ.
ອົງການຂ່າວຊິນຫົວເວົ້າຕື່ມວ່າ ຝຸ່ນຖ່ານຫິນຫລາຍກ່ວາ
2500 ໂຕນ ໄດ້ຕັນບໍ່ ຫລັງຈາກເກີດເຫດລະເບີດແລ້ວ ແລະ
ເປັນອຸບປະສັກກີດຂວາງຄວາມພະຍາຍາມ ຊ່ອຍກູ້ໄພ.
ມີຄົນງານ 276 ຄົນກໍາລັງເຮັດວຽກຢູ່ໃນບໍ່ຖ່ານຫິນໃນເມືອງ Yuzhou ເວລາເກີດເຫດລະເບີດ ແຕ່ຄົນງານ 239 ຄົນໜີລອດອອກມາໄດ້.