ລິ້ງ ສຳຫລັບເຂົ້າຫາ

Chen: ການປະຕິຮູບ ປະຊາທິປະໄຕໃນຈີນ ເປັນໄປຢ່າງຊ້າໆ ແຕ່ຈະບໍ່ຕ່າວປີ້ນ

  • ໄພສານ ວໍຣະຈັກ

ທ່ານ Chen Guangcheng ນັກເຄື່ອນໄຫວຕາບອດຈີນ

ທ່ານ Chen Guangcheng ນັກ​ເຄື່ອນ​ໄຫວ​ຕາບອດ​ຈີນທີ່​ເດີນທາງ​ມາ​ເຖິງສະຫະລັດ
​ເມື່ອ​ບໍ່​ດົນມານີ້ ລຸນຫຼັງ​ທີ່ໄດ້​ຫຼົບໜີ ຈາກ​ການ​ກັກ​ບໍລິ​ເວນ​ ຢູ່ທີ່​ແຂວງ​ Shandong ຂອງ​
ຈີນ​ໃນເດືອນ​ແລ້ວ ກ່າວ​ວ່າ ການ​ປ່ຽນ​ແປງ​ໄປ​ສູ່​ປະຊາທິປະໄຕ​ໃນ​ຈີນ ກຳລັງ​ດຳ​ເນີນ​ໄປ​
ຢ່າງຊ້າໆ ​ແຕ່​ຈະ​ບໍ່​ສາມາດ​ຕ່າວ​ປີ້ນ​ໄດ້.

​ໃນ​ການ​ປະກົດ​ໂຕ​ຕໍ່​ສາທາລະນະ​ຊົນ​ຢ່າງ​ເປັນ​ທາງ​ການ​ເທື່ອ​ທຳ​ອິດ ທີ່​ສະພາຄວາມ​ສຳພັນ​
ກັບ​ຕ່າງປະ​ເທດ ຊຶ່ງ​ມີ​ສຳນັກງານ​ຢູ່​ນະຄອນ​ນິວຢອກ ​ໃນ​ວັນ​ພະຫັດ​ວານ​ນີ້ ທ່ານ Chen
​ຍັງ​ຮຽກຮ້ອງ​ໃຫ້​ລັດຖະບານ​ຈີນ​ແລະ​ພວກ​ເຈົ້າໜ້າ​ທີ່ຂອງ​ພັກ​ຄອມ​ມູນິສຮວມທັງ​ປະທານາ
ທິບໍດີຫູຈິນ​ເຖົາເຄົາລົບ​ລັດຖະທຳ​ມະນູນ ​ແລະ​ກົດໝາຍ​ຂອງ​ປະ​ເທດ. ທ່ານ​ເວົ້າວ່າ ບັນຫາ
​ຢູ່​ຈີນ​ ບໍ່​ແມ່ນ​ເລື່ອງ​ບໍ່​ມີ​ກົດ​ໝາຍ ​ແຕ່​ແມ່ນ​ເລື່ອງ​ການ​ບໍ່​ເຄົາລົບ​ຕໍ່​ກົດໝາຍ​ ທີ່​ມີ​ຢູ່​ແລ້ວນັ້ນ.

​ໃນ​ການ​ຖະ​ແຫຼງຜ່ານ​ນາຍ​ພາສາ​ນັ້ນ ທ່ານ Chen ​ເວົ້າວ່າ ທ່ານ​ເຫັນ​ພ້ອມ​ກັບພວກ​ທີ່
​ເວົ້າວ່າ ປະຊາທິປະ​ໄຕແມ່ນ​ມີຫຼາຍຮູບ​ຫຼາຍ​ແບບ ​ແລະ​ຈີນ​ບໍ່​ຄວນທີ່​ຈະ​ຮຽນ​ແບບເອົາແຕ່
ປະຊາທິປະ​ໄຕແບບຕາ​ເວັນ​ຕົກທໍ່​ນັ້ນ. ພວກ​ເຮົາ​ຍັງ​ຈຳ​ເປັນ​ຈະຕ້ອງ​ໄດ້​ຮຽນ​ຮູ້​ກ່ຽວ​ກັບ​
ປະຊາທິປະ​ໄຕ​ແບບ​ຕາ​ເວັນ​ອອກ ຍີ່ປຸ່ນ ​ເກົາຫຼີ​ໃຕ້ ​ແລະຈີນມີ​ຫຍັງ​ຜິດ​ຖ້າ​ພວກ​ເຮົາ​ມີ​ປະ
ຊາທິປະ​ໄຕ​ຂອງ​ຕົນ​ເອງ? ​ໄຕ້​ຫວັນ​ກໍ​ມີ​ປະຊາທິປະ​ໄຕ​ຄື​ກັນ ຂ້າ​ພະ​ເຈົ້າຍັງ​ຈື່​ໄດ້ ​ເຄີຍ​ມີ​
ຄຳ​ເວົ້າຂອງ​ຈີນ​ໂບຮານ​ທີ່​ກ່າວ​ວ່າ ພວກເຮົາ​ຮຽນຮູ້​ຈາກ​ສິ່ງ​ດີໆ ​ແລະ​ສິ່ງ​ບໍ່​ດີ ພວກ​ເຮົາ
​ແມ່ນ​ພະຍາຍາມ​ຫຼີກເວັ້ນ.

ທ່ານ Chen ທະນາຍຄວາມ​ທີ່​ຮຽນ​ຮູ້​ດ້ວຍ​ຕົນ​ເອງ ​ໄດ້​ສ້າງ​ຄວາມ​ໂກດ​ແຄ້ນ​ໃຫ້​ແກ່​ເຈົ້າ
ໜ້າ​ທີ່​ຈີນ ຍ້ອນ​ໄດ້​ຄັດຄ້ານ​ຕໍ່​ນະ​ໂຍບາຍ​ຄວບ​ຄຸມ​ປະຊາກອນ​ຢ່າງ​ເຄັ່ງຄັດ ​ຂອງ​ລັດ​ຖະ
ບານ​ແລະ​ໃຫ້​ຄວາມ​ຊ່ອຍ​ເຫຼືອ​ແກ່​ປະຊາຊົນ​ໃນ​ການ​ຕໍ່ສູ້​ກັບ​ການ​ກະທຳ​ຜິດ​ຕ່າງໆ​ຂອງ​
ລັດຖະບານ. ທ່ານ​ເວົ້າວ່າ ກົດໝາຍ​ນາໆ​ຊາດ ​ຄວນມີ​ບົດບາດໃນ​ຈີນ ຖ້າ​ຄະນະ​ນຳພາ​
ຂອງ​ຈີນ​ຫາກ​ພົວພັນ​ນຳ​ການ​ປະຕິບັດ​ທີ່​ບໍ່​ຖືກຕ້ອງ​ເໝາະສົມ​ຕໍ່​ປະຊາຊົນ​ຂອງ​ຕົນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG