ປະທານາທິບໍດີ ເວເນຊູເອລາ ທ່ານ Hugo Chavez ໄດ້ກັບຄືນໄປ ຄີວບາ ເພື່ອຮັບ
ການປິ່ນປົວມະເຮັງ ອີກຮອບນຶ່ງ. ທ່ານໄດ້ຖືກຮັບຕ້ອນ ຈາກ ປະທານາທິບໍດີ Raul
Castro ໃນຕອນແລງວັນເສົາຢູ່ເດີ່ນບິນ ເມືອງຫລວງ Havana.
ທ່ານ Chavez ໄດ້ກ່າວຜ່ານທາງໂທລະສັບ ອອກອາກາດທາງໂທລະ ພາບເວເນຊູເອລາ
ໃນວັນອາທິດວານນີ້ວ່າ ທ່ານໄດ້ເລີ້ມຮັບການບໍາບັດ ສາຍແສງໄຟຟ້າແລ້ວ.
ຜູ້ນໍາເວເນຊູເອລາ ກ່າວວ່າ ທ່ານຄາດວ່າ ຈະໄດ້ກັບຄືນເມືອບ້ານໃນວັນພະຫັດ ເພື່ອ
ພັກຜ່ອນເປັນເວລາສາມວັນ ກ່ອນຈະກັບຄືນໄປຄີວບາ ເພື່ອຮັບການສາຍແສງອີກຮອບ
ນຶ່ງ. ປະທານາທິບໍດີ Chavez ກ່າວວ່າ ການປີ່ນປົວອາດຈະໃຊ້ເວລາປະ ມານ ສີ່ ຫາ
ຫ້າອາທິດ.
ທ່ານ Chvez ຈະຢູ່ໃນຄີວບາ ໃນເວລາດຽວກັນກັບ ສັນຕະປາປາ Benedict ທີ່ຈະເດີນ
ທາງໄປເຖິງໃນມື້ວັນຈັນນີ້. ໂຄສົກສໍານັກ Vatican ກ່າວວ່າ ປັດຈຸບັນນີ້ຍັງບໍ່ມີແຜນວ່າ
ສອງຄົນຈະມີການພົບປະກັນ ຫລືບໍ່.