ບັນດາເຈົ້າໜ້າທີ່ຈີນ ໄດ້ສົ່ງຄະດີສໍ້ລາດບັງຫລວງ ຕໍ່ອະດີດຫົວ
ໜ້າຮັກສາຄວາມປອດໄພແຫ່ງຊາດ ທ່ານ Zhou Yongkang
ໄປໃຫ້ຄະນະໄອຍະການ ອັນເປັນການເຄື່ອນໄຫວຫລ້າສຸດ ໃນ
ການປຸກລະດົມຕ້ານການສໍ້ລາດບັງຫຼວງຂອງ ປະທານປະເທດ
Xi Jinping.
ຄະນະກຳມາທິການສູນກາງ ເພື່ອກວາດກາດ້ານລະບຽບວິໄນ
ຊຶ່ງເປັນສິ້ງຊອມ ເພື່ອຕໍ່ຕ້ານການສໍ້ລາດບັງຫລວງຂອງປັກກິ່ງ
ໄດ້ປະກາດຢູ່ໃນໜ້າເວັບໄຊຂອງຕົນ ໃນວັນພຸດມື້ນີ້ວ່າ ຄະດີ
ຂອງທ່ານ Zhou ພ້ອມດ້ວຍບຸກຄົນອຶ່ນໆອີກຫຼາຍຄົນ ໄດ້ຖືກ
ສົ່ງໄປຫາ“ອົງການຈັດຕັ້ງຕຸລາການ” ເພື່ອແຜ້ວທາງໄປສູ່ການ
ດຳເນີນຄະດີ.
ທ່ານ Zhou ເປັນເຈົ້າໜ້າທີ່ຂັ້ນສູງສຸດ ທີ່ໄດ້ຖືກຈັບ ຢູໃນການກວດລ້າງຕ້ານການສໍ້ລາດ
ບັງຫລວງ ຂອງປະທານປະເທດ Xi Jinping.
ໃນຕົ້ນເດືອນທັນວາຜ່ານມາ ທ່ານ Yongkang ໄດ້ຖືກຈັບ ແລະປົດອອກຈາກ ການເປັນ
ສະມາຊິກພັກຄອມມິວນິສ ໃນຂໍ້ຫາເປີດເຜີຍຄວາມລັບຂອງປະເທດ ແລະຮັບສິນບົນ.
ສະມາຊິກບຳນານຂັ້ນນຳພາ ຂອງຄະນະກໍາມະການກົມການເມືອງສູນກາງພັກທ່ານນີ້
ແມ່ນເຈົ້າໜ້າທີ່ສູງສຸດຂອງພັກຄອມມິວນິສຈີນ ທີ່ໄດ້ຖືກດຳເນີນຄະດີ ໃນຮອບສາມທົດ
ສະວັດກວ່າໆ.
ຍັງບໍ່ເປັນທີ່ແຈ້ງຂາວເທື່ອວ່າ ນະໂຍບາຍປຸກລະດົມຕ້ານການສໍ້ລາດບັງຫຼວງຈະເປັນຜົນ
ສຳເລັດຫລືບໍ່ ໃນເມື່ອເປັນທີ່ປາກົດວ່າ ບໍ່ໄດ້ຜົນ ໃນການປະຕິບັດງານ ຄຽງຄູ່ກັບການ
ປະຕິຮູບຢ່າງກວ້າງຂວາງໃດໆໃນລະບົບການເມືອງຂອງຈີນ. ຍິ່ງ ໄປກວ່ານັ້ນ ບັນດາ
ສານຂອງປະເທດ ຍັງຄວບຄຸມໂດຍພັກຄອມມິວນິສເຮັດໃຫ້ ມີຄວາມລຳບາກ ໃນການ
ຕັດສິນວ່າ ການລົງໂທດໃນດ້ານສໍ້ລາດບັງຫລວງນັ້ນມີຈຸດປະສົງທາງການເມືອງຫລືບໍ່.
ແຕ່ວ່າ ປະທານປະເທດ ທ່ານ Xi ໄດ້ໃຫ້ຄຳໝັ້ນສັນຍາ ທີ່ຈະດຳເນີນການໄປໜ້າ ໃນ
ການປຸກລະດົມດັ່ງກ່າວ ໂດຍກ່າວວ່າ ການແຜ່ຂະຫຍາຍຢ່າງຮ້າຍແຮງ ຂອງການສໍ້
ລາດບັງຫລວງ ເປັນໄພຂົ່ມຂູ່ຕໍ່ຄວາມຖືກຕ້ອງຊອບທຳແລະການປົກ ຄອງຂອງພັກ
ຄອມມິວນິສຊຶ່ງເປັນພັກການເມືອງທີ່ປົກຄອງປະເທດພຽງພັກດຽວ ເທົ່ານັ້ນໃນຈີນ.
