ລິ້ງ ສຳຫລັບເຂົ້າຫາ

logo-print

ບັນຫາບຸກຄະລິກ ເປັນເລື່ອງທີ່ສຳຄັນ ໃນການ ໂຄສະນາຫາສຽງ ສະຫະລັດ


ຊາວ ອາເມຣິກັນ ຈະເລືອກຕັ້ງເອົາປະທານາທິບໍດີຄົນໃໝ່ໃນວັນທີ 8 ເດືອນພະຈິກນີ້ ແລະ​ໃນ​ຂະນະ​ທີ່ບັນຫາຕ່າງໆຄືເສດຖະກິດ ແລະ ນະໂຍບາຍຕ່າງປະເທດຈະມີຄວາມສຳຄັນ, ການຢັ່ງຫາງສຽງລະບຸວ່າ ຜູ້ລົງຄະແນນສຽງຫຼາຍຄົນແມ່ນເບິ່ງຄືວ່າຈະທຳການຕັດສິນໃຈ ຂອງພວກເຂົາເຈົ້າ ອີງຕາມຄວາມຮູ້ສຶກຂອງພວກເຂົາເຈົ້າກ່ຽວກັບ ບຸກຄະລິກຂອງຜູ້ລົງ ແຂ່ງຂັນທີ່ສຳຄັນສອງຄົນນັ້ນ ເຊິ່ງແມ່ນທ່ານນາງ Hillary Clinton ສັງກັດພັກເດໂມ ແຄຣັດ ແລະ ທ່ານ Donald Trump ຈາກພັກຣີພັບບລີກັນ. ນັກຂ່າວແຫ່ງຊາດຂອງ ວີໂອເອ Jim Malone ມີລາຍງານເພີ່ມເຕີມ ກ່ຽວກັບບັນຫາຕ່າງໆຂອງບຸກຄະລິກ ທີ່ໄດ້ ຄອບງຳການໂຄ ສະນາຫາສຽງຂອງການເລືອກຕັ້ງໃນປີນີ້ແນວໃດ. ຕໍ່ໄປ ພຸດທະສອນ ຈະນຳລາຍລະອຽດ ມາສະເໜີທ່ານ.

ໃນມື້ສຸດທ້າຍຂອງການໂຄສະນາຫາສຽງ, ຜູ້ທີ່ມີຄວາມຫວັງຢາກເຂົ້າໄປກຳ​ຕຳ​ແໜ່​ງຢູ່ໃນ ທຳນຽບຂາວ ທ່ານນາງ Hillary Clinton ແລະ ທ່ານ Donald Trump ຕ່າງ​ກໍ​ໄດ້ເພັ່ງເລັງ​ໃນເບື້ອງຕົ້ນ ໃສ່ຂໍ້ບົກຜ່ອງຂອງກັນ ແລະ ກັນ.

ການກວດສອບຄືນໃໝ່ຂອງອົງການ FBI ໃນການໃຊ້ອີເມລສ່ວນຕົວຂອງທ່ານນາງ Clinton ໃນເວລາທີ່ທ່ານນາງເປັນລັດຖະມົນຕີການຕ່າງປະເທດນັ້ນ, ໄດ້ເຮັດໃຫ້ບັນຫາ ກ່ຽວກັບ ຄວາມໜ້າເຊື່ອຖືກາຍ ເປັນເລື່ອງສຳຄັນ ແລະ ທ່ານ Trump ກໍບໍ່ໄດ້ເສຍເວລາ ໃນການກ່າວໂຈມຕີ ກ່ຽວກັບ​ເລື່ອງນີ້.

ທ່ານ Donald Trump ທີ່ສັງກັດພັກຣີພັບບລີກັນ ໄດ້ກ່າວວ່າ “ນີ້ແມ່ນຂ່າວນອງ​ນັນ ທາງ ການເມືອງທີ່ໃຫຍ່ທີ່ສຸດ ນັບຕັ້ງແຕ່​ໄດ້​ມີຄະດີ Watergate, ແລະ ມັນ ກໍເປັນ ຄວາມຫວັງອັນເລິກເຊິ່ງທີ່ສຸດຂອງທຸກໆຄົນວ່າ ໃນທີ່ສຸດຄວາມ ເປັນທຳກໍຈະມີ ຂຶ້ນຢ່າງງົດງາມ.”

ທ່ານນາງ Clinton ອາດຈະຢູ່ໃນທ່າປ້ອງກັນຕົນເອງ, ແຕ່ທ່ານນາງກໍຍັງໄດ້ກ່າວໂຈມຕີໃນ ສິ່ງທີ່ທ່ານ​ນາງເຊື່ອວ່າເປັນບຸກຄະລິກອັນບົກຜ່ອງຂອງທ່ານ Trump ໃນມື້ສຸດທ້າຍຂອງ ການໂຄສະນາຫາສຽງ.

ທ່ານນາງ Clinton ກ່າວວ່າ “ທ່ານ Donald Trump ໄດ້ສ້າງຄວາມຢ້ານກົວເພີ່ມ ຂຶ້ນ, ເຮັດ ໃຫ້ຄວາມເປັນປະຊາທິປະໄຕຂອງພວກເຮົາເສື່ອມເສຍ ແລະ ດູຖືກ ຄົນ ອາເມຣິກັນ ຈາກກຸ່ມໜຶ່ງໄປຫາອີກກຸ່ມໜຶ່ງ.”

ຈຸດສູນກາງຂອງການໂຄສະນາຫາສຽງມັກຈະກ່ຽວກັບ ເລື່ອງເສດຖະ ກິດ, ນະໂຍບາຍຕ່າງ ປະເທດ ແລະ ບັນຫາຄົນເຂົ້າເມືອງ. ແຕ່ສຳລັບປີນີ້ ມັນແຕກຕ່າງໂດຍຊິ້ນເຊີງ, ອີງ​ຕາມ​ຄຳ​ເວົ້າຂອງຜູ້ຊ່ຽວຊານທ່ານ Matt Dallek.

ທ່ານ Dallek ຈາກມະຫາວິທະຍາໄລ George Washington ໄດ້ກ່າວວ່າ “ການແຂ່ງ ຂັນນີ້ ສ່ວນໃຫຍ່ຈະກາຍເປັນເລື່ອງ ກ່ຽວກັບ ບຸກຄະລິກ ແລະ ນິໄສ. ຂ້າພະເຈົ້າ ຄິດ ວ່າບັນຫາກ່ຽວກັບບຸກຄະລິກນີ້ແມ່ນຈະຄົງເປັນເລື່ອງທີ່ສຳຄັນ. ຂ້າພະເຈົ້າ ຄິດວ່າມັນຈະບໍ່ປ່ຽນໄປໃສ,​ ແລະ ຂ້າພະເຈົ້າຄິດວ່າໃນເລື່ອງທີ່ບໍ່ຄ່ອຍມີນີ້, ບັນ ຫາ ແລະ ນະໂຍບາຍຕ່າງໆບໍ່ແມ່ນເລື່ອງທີ່ເປັນຈຸດສູນກາງດັ່ງ​ທີ່​ເຄີຍ​ເປັນ​ມາພໍ ປານໃດ.”

ການຢັ່ງຫາງສຽງສະແດງໃຫ້ເປັນວ່າ ຜູ້ລົງຄະແນນສຽງຫຼາຍຄົນໄດ້ມີຂໍ້ຂ້ອງໃຈວ່າ ທ່ານນາງ Clinton ມີຄວາມໜ້າເຊື່ອຖືຫຼືບໍ່. ແຕ່ຜູ້​ຄົນ​ໃນຈຳນວນທີ່ຫຼາຍກວ່ານີ້ ກັບ​ພັດ​ຊ້ຳຢ້ານວ່າທ່ານ Trump ຂາດນິໄສທີ່ທີ່ເໝາະສົມກັບຕຳແໜ່ງປະທານາທິບໍດີ.

ຂໍ້ບົກຜ່ອງທີ່ຖືກພົບເຫັນຂອງຜູ້ລົງແຂ່ງຂັນທັງສອງຄົນ ໄດ້ຄອບງຳການໂຄສະນາຫາສຽງ, ນັ້ນ​ແມ່ນ​ຄວາມ​ເຫັນ​ຂອງນັກວິເຄາະ ຈາກມະຫາວິທະຍາໄລລັດ West Virginia ທ່ານ Patrick Hickey.

ທ່ານ Hickey ກ່າວວ່າ “ຂ້າພະເຈົ້າຄິດວ່າ ນີ້ແມ່ນການເລືອກຕັ້ງປະທານາທິບໍດີ ອາເມຣິກັນ ທີ່ແປກຫຼາຍ ຊຶ່ງ​ທັງ​ສອງຜູ້ລົງແຂ່ງຂັນ ​ແມ່ນ​ຖືກ​ເບິ່ງ​ກັນວ່າ ບໍ່ເປັນ ທີ່ ນິຍົມໂດຍປະຊາຊົນ ອາເມຣິກັນ ສ່ວນໃຫຍ່. ປົກກະຕິແລ້ວມັນອາດເກີດ ຂຶ້ນກັບ ຜູ້ລົງແຂ່ງຂັນຄົນໜຶ່ງ, ແຕ່ບໍ່ແມ່ນທັງສອງຄົນ.”

ຄຳຖາມຕ່າງໆ ກ່ຽວກັບ ບຸກຄະລິກ ​ແມ່ນໄດ້ເປັນຈຸດເພັ່ງ​ເລັງຕະຫຼອດການແຂ່ງຂັນ.

ທ່ານ Trump ໄດ້ໂຈມຕີທ່ານນາງ Clinton ກ່ຽວກັບ ບັນຫາ ອີເມລ ໃນການໂຕ້ວາທີປະທາ ນາທິບໍດີ ຄັ້ງທີ 2.

ທ່ານ Trump ໄດ້ກ່າວວ່າ “ແຕ່ຖ້າຂ້ອຍຊະນະ, ຂ້ອຍຈະສັ່ງ​ໃຫ້​ລັດ ຖະມົນຕີ​ຍຸຕິ​ທຳ​ຂອງ​ຂ້ອຍ ຕັ້ງ​ໄອຍະພິເສດຂຶ້ນ ເພື່ອສອບສວນ​ເບິ່ງສະຖານະການຂອງເຈົ້າ.”

ໃນການໂຕ້ວາທີຄັ້ງທີ 3, ມັນແມ່ນທ່ານນາງ Clinton ຜູ້ທີ່ໄດ້ສືບຕໍ່ໂຈມຕີກ່ຽວກັບ ການໃຫ້ ຄຳເຫັນທີ່ເປັນບັນຫາ ຕໍ່​ພວກແມ່ຍິງຂອງທ່ານ Trump.

ທ່ານນາງ Clinton ກ່າວວ່າ “ທ່ານ Donald Trump ຄິດວ່າການກ່າວວິຈານແມ່ ຍິງຈະເຮັດໃຫ້ລາວຍິ່ງໃຫຍ່ກວ່າເກົ່າ. ລາວໂຈມ​ຕີກຽດສັກສີຂອງພວກເຂົາເຈົ້າ, ຄຸນຄ່າໃນຕົວເຂົ້າເຈົ້າ, ແລະ ຂ້າພະເຈົ້າຄິດວ່າມັນບໍ່ມີຜູ້ຍິງຄົນໃດ ບໍ່​ວ່າ​ຢູ່​ໃສ​ກໍ​ຕາມ ທີ່ບໍ່ຮູ້ຈັກວ່າສິ່ງນັ້ນຮູ້ສຶກແນວ ໃດ.”

ທ່ານ Patrick Hickey ເວົ້າວ່າ ດ້ວຍການໂຈມຕີທຸກໆຄັ້ງ ກ່ຽວກັບ ບຸກຄະລິກ, ຜົນທີ່ອອກ ມາຂອງການເລືອກຕັ້ງເບິ່ງຄືວ່າ ຈະຂຶ້ນກັບຜູ້ສະໜັບສະໜູນຝ່າຍໃດ ຈະມີແຮງກະຕຸ້ນໃຫ້ ອອກໄປເລືອກຕັ້ງຫຼາຍກວ່າ.

ທ່ານ Patrick Hickey ກ່າວວ່າ “ແລະ ນີ້ມັນຂ້ອນຂ້າງແມ່ນການຕໍ່ຕ້ານການເລືອກຕັ້ງ, ເປັນການຄັດຄ້ານຕໍ່ຜູ້ທີ່ສະໜັບສະໜູນການເລືອກຕັ້ງ, ເຊິ່ງຂ້າພະເຈົ້າໝາຍຄວາມວ່າ, ໃນ ມື້ເລືອກຕັ້ງ, ຄົນທີ່ອອກມາເລືອກຕັ້ງເປັນສິ່ງທີ່ສຳຄັນ, ຝ່າຍໃດຈະສາມາດຊັກຊວນໃຫ້ຜູ້ ປ່ອນບັດ ອອກ​ໄປ​ລົງຄະແນນສຽງຂອງພວກເຂົາເຈົ້າ​ໄດ້.

ການໂຄສະນາຫາສຽງເລືອກຕັ້ງ ສະຫະລັດ ທີ່ຍາວນານທີ່ສຸດ ແລະ ມີການແບ່ງແຍກກັນ ຫຼາຍທີ່ສຸດ ຈະຈົບລົງໃນວັນອັງຄານສັບປະດາໜ້າຈະມາເຖິງນີ້, ແລະ ສຳລັບຜູ້ລົງຄະແນນ ສຽງຫຼາຍຄົນນັ້ນ, ການຈົບລົງ ນີ້ ແມ່ນຈະບໍ່ເກີດຂຶ້ນໄວພໍ.

((INTRO))
[[Americans will elect a new president on November 8th, and, while issues like the economy and foreign policy will be important, polls indicate that many voters are likely to make their decision based on how they feel about the personal attributes of the two major candidates, Democrat Hillary Clinton and Republican Donald Trump.VOA National correspondent Jim Malone has more on how character issues are dominating this year's election campaign.]]

((NARRATOR))
In the final days of the campaign, White House hopefuls Hillary Clinton and Donald Trump are focused primarily on each other's flaws.

The renewed FBI probe into Clinton's use of a private e-mail server while secretary of state has pushed the issue of her trustworthiness front and center, and Trump wasted little time in seizing on it.

((DONALD TRUMP, REPUBLICAN CANDIDATE))
"This is the biggest political scandal since Watergate, and it's everybody's deepest hope that justice, at last, will be beautifully delivered."

((NARRATOR))
Clinton may be on the defensive, but she's also lashing out at what she believes are Trump's character flaws in the final days of the campaign.

((HILLARY CLINTON, DEMOCRATIC CANDIDATE))
"Donald Trump is out there stoking fear, disgracing our democracy and insulting one group of Americans after another."

((NARRATOR))
Presidential campaigns often center on issues like the economy, foreign policy and immigration.But this year is clearly different, says expert Matt Dallek.

((MATTHEW DALLEK, GEORGE WASHINGTON UNIVERSITY))
"This race has primarily become about character and about personality.I think this issue of character is going to remain front and center.I don't think it is going away, and I think, to an unusual degree, issues and policies are not really as central as they typically are."

((NARRATOR))
Polls show many voters question whether Clinton is trustworthy.But an even greater number fear that Trump lacks the temperament to be president.

The perceived flaws of the two candidates have dominated the campaign, says West Virginia University analyst Patrick Hickey.

((PATRICK HICKEY, WEST VIRGINIA UNIVERSITY))
"I think that this is a very odd American presidential election in that both candidates are viewed unfavorably by the majority of the American people.Usually that might happen to one candidate, but not both."

((NARRATOR))
The questions about character have been center-stage throughout the campaign.

Trump went after Clinton over the e-mail issue in the second presidential debate.

((DONALD TRUMP, REPUBLICAN CANDIDATE))
"But if I win, I am going to instruct my attorney general to get a special prosecutor to look into your situation."

((NARRATOR))
In the third debate, it was Clinton who went on the offensive over Trump's controversial comments about women.

((HILLARY CLINTON, DEMOCRATIC CANDIDATE))
"Donald thinks belittling women makes him bigger.He goes after their dignity, their self-worth, and I don't think there is a woman anywhere who doesn't know what that feels like."

((NARRATOR))
With all the attacks on character, the election outcome likely will depend on which supporters are more motivated to vote, says Patrick Hickey.

((PATRICK HICKEY, WEST VIRGINIA UNIVERSITY))
"And this is a kind of anti-election, as opposed to a pro-election, which I think means that, on Election Day, turnout is really going to be what matters, which side can turn out voters to actually get to the polls."

((NARRATOR))
One of the longest and most divisive U.S. election campaigns will come to a close next Tuesday, and, for many voters, the end can't come soon enough.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG