ເມື່ອວັນທີ 1 ພຶດສະພາຜ່ານມານີ້ທາງມະຫາວິທຍະໄລຈຸລາລົງກອນຣາດຊະວິທະຍາໄລ
ສົງທີ່ບາງກອກ ປະເທດໄທ ໄດ້ມອບປລິນຍາບັດກຽດຕິຄຸນດຸສະດີບັນດິດກິດຕິມະສັກ ຫຼື
ປລິນຍາເອກກິດຕິມະສັກ ສາຂາພຸດທະສາສະໜາ ໃຫ້ແກ່ພະມະຫາອາຈານ ຈັນດາພອນ
ຈັກກະວາໂຣ ຮອງເຈົ້າອາວາດວັດລາວພຸດທະວົງ ໃນຂົງເຂດນະຄອນຫຼວງວໍຊິງຕັນພ້ອມ
ທັງເປັນປະທານອຳນວຍການບໍລິຫານຂອງຄະນະສົງລາວໃນສະຫະລັດ ແລະເປັນຜູ້ກຳກັບ
ປະສານງານ ໃນໂຄງການສ້າງວັດລາວພຸດທະຄະຍານາໆຊາດ ນຳດ້ວຍນັ້ນ ແມ່ນໄດ້ສ້າງ
ຄວາມຊື່ນຊົມຍິນດີໃຫ້ແກ່ປະຊາຄົມລາວ ໂດຍສະເພາະແລ້ວແມ່ນຢູ່ໃນສະຫະລັດຕະຫຼອດ
ທັງເປັນແຮງກະຕຸກຊຸກຍູ້ໃນການເຜີຍແຜ່ພະພຸດທະສາສະໜາຂອງລາວ ຢູ່ໃນຕ່າງແດນນຳ
ດ້ວຍ.
ດຣ ພະອາຈານມະຫາຈັນດາພອນມີພູມລຳເນົາເດີມຈາກບ້ານຕານເທິງໃນເຂດເມືອງເຊບັ້ງ
ໄຟໃນສະໄໝນັ້ນຫຼືເມືອງໜອງບົກໃນປັດຈຸບັນ ໄດ້ບວດເຂົ້າມາໃນບໍວອນພຸດທະສາສະໜາ
ຂະນະທີ່ມີອາຍຸ 7 ປີ ຫຼັງຈາກມານດາຂອງເພິ່ນໄດ້ເສຍຊີວິດ.
// ສຽງ //
ດຣ ພະອາຈານມະຫາຈັນດາພອນ ເວົ້າວ່າ ລຸນຫຼັງທີ່ໄດ້ຮຽນຈົບທຳຕີທີ່ບ້ານໜອງລີແລ້ວ
ກໍໄດ້ມາຮຽນທຳໂທຕໍ່ ທີ່ບ້ານຕານເທິງ ແລະຫຼັງຈາກໄດ້ມາຮຽນ ມະຫາສາມປະໂຫຍກທີ່
ວັດນັນທະຄາມແຂວງຄຳມ່ວນໂດຍມີຍາທ່ານຄຳພາເປັນເຈົ້າຄະນະເມືອງເປັນຜູ້ດູແລແລະ
ມີອາຈານຄຳແດງ ເປັນພໍ່ອຸບປະຖຳຄໍ້າຊູ. ດຣ ພະອາຈານມະຫາຈັນພອນ ໄດ້ຕິດຕາມພໍ່
ລ້ຽງ ຄືອາຈານຄຳແດງໄປຢູ່ທີ່ວັດໄຊຍະຣັດຕະນະຣັງສີຫຼືວັດທົ່ງສະຫວັນນະເຂດ ຊຶ່ງຢູ່ທີ່
ວັດດັ່ງກ່າວນີ້ ເພິ່ນກໍໄດ້ຮຽນຈົບມະຫາປະໂຫຍກສີ່ ຫ້າ ແລະຫົກ ແລະຫຼັງຈາກນັ້ນກໍໄດ້
ໄປຮຽນພາສາປາລີຕໍ່ທີ່ວັດພະທາດພະນົມມະຫາວິຫານ ໃນຈັງຫວັດນະຄອນພະນົມ ປະ
ເທດໄທເປັນເວລານຶ່ງປີ ກ່ອນທີ່ຈະໄດ້ມາຮຽນຕໍ່ນະຄອນວຽງຈັນ.
// ສຽງ //
ຍ້ອນເຫດຜົນທາງດ້ານການແພດ
ແລະອື່ນໆໃນປີ 1979 ດຣ ພະ
ອາຈານມະຫາຈັນດາພອນຈຶ່ງໄດ້
ອົບພະຍົບ ມາຢູ່ທີ່ສູນໜອງຄາຍ
ປະເທດໄທ ແລະຢູ່ທີ່ນັ້ນເປັນເວ
ລາ 3 ປີຈຶ່ງໄດ້ມາສະຫະລັດອະ
ເມຣິກາໃນປີ 1981 ຊຶ່ງເພິ່ນໄດ້
ເລົ່າສູ່ຟັງ ເຖິງການບຸກເບີກ ໃນ
ການເຜີຍແຜ່ພະພຸດທະສາສະໜາຂັ້ນເລີ່ມຕົ້ນຢູ່ໃນສະຫະລັດດັ່ງນີ້.
// ສຽງ //
ຕໍ່ຄຳຖາມທີ່ວ່າ ພະອາຈານມີຄວາມຮູ້ສຶກແບບໃດ ຕໍ່ການທີ່ໄດ້ຮັບປລິນຍາບັດກຽດຕິຄຸນ
ດຸສະດີບັນດິດກິດຕິມະສັກໃນການເຜີຍແຜ່ພະພຸດທະສາສະໜາໃນຄັ້ງນີ້ ດຣ ພະອາຈານ
ມະຫາຈັນດາພອນກ່າວວ່າ.
// ສຽງ //
ການໄດ້ຮັບປລິນຍາບັດກຽດຕິຄຸນ ຂອງພະອາຈານມະຫາຈັນດາພອນໃນຄັ້ງນີ້ ແມ່ນໄດ້
ສ້າງຄວາມປິຕິຍິນດີໃຫ້ແກ່ປະຊາຄົມລາວ ໂດຍສະເພາະແລ້ວແມ່ນໃນເຂດນະຄອນຫຼວງ
ວໍຊິງຕັນ ແລະໃນເດືອນແລ້ວ ຢູ່ທີ່ວັດລາວພຸດທະວົງກໍໄດ້ຈັດພິທີເຖລະພິເສກຫົດສົງຂຶ້ນ.
ທ່ານບຸນຊູ ມູນຄະຕິຫົວໜ້າຄະນະກອງອຳນວຍການ ໃນການຈັດງານວັນທີ 4 ກໍລະກົດ
ໃນປີນີ້ກ່າວຊີ້ແຈງສູ່ຟັງວ່າ.
// ສຽງ //
ອະດີດນາຍພົນສຸດໃຈ ວົງສະຫວັນ ບຸກຄົນສຳຄັນຜູ້ນຶ່ງ ຂອງປະຊາຄົມລາວໃນເຂດນະ
ຄອນຫຼວງວໍຊິງຕັນ ກໍໄດ້ສະແດງຄວາມດີໃຈກ່ຽວກັບການໄດ້ຮັບປລິນຍາບັດກິດຕິມະສັກ
ຂອງພະອາຈານມະຫາຈັນດາພອນໃນຄັ້ງນີ້ວ່າ:
// ສຽງ //
ທ່ານສົມພອນ ໄຊຍະສິດເສນາ ຊຶ່ງເປັນບຸກຄົນສຳຄັນອີກຄົນນຶ່ງຂອງປະຊາຄົມລາວໃນ
ເຂດນະຄອນຫຼວງວໍຊິງຕັນ ພ້ອມທັງເປັນຜູ້ນຳພາ ແລະສັງກັດຢູ່ໃນຄະນະບໍລິຫານງານ ຂອງສະມາຄົມວັດລາວພຸດທະວົງມາຫຼາຍໆສະໄໝນັ້ນໄດ້ກ່າວຊົມເຊີຍໃນລະຫວ່າງການ
ຈັດງານເຖລະພິເສກຫົດສົງກ່ຽວກັບການໄດ້ຮັບປລິນຍາເອກກິດຕິມະສັກຂອງພະອາຈານ
ມະຫາຈັນດາພອນດັ່ງນີ້.
// ສຽງ //
ສ່ວນ ດຣ ພະມະຫາວັນນະໄຊ
ຊະຍະວັນໂນ ຜູ້ອຳນວຍການວິ
ທະຍາໄລສົງນະຄອນພະນົມ ກໍ
ໄດ້ກ່າວມ້ວນທ້າຍສະແດງຄວາມ
ຊື່ນຊົມກັບພະອາຈານມະຫາຈັນ
ດາພອນເນື່ອງໃນ ໂອກາດທີ່ໄດ້
ຮັບປລິນຍາເອກ ກິດຕິມະສັກ
ຈາກມະຫາວິທະຍາໄລມະຫາຈຸ
ລາລົງກອນຣາດຊະວິທະຍາໄລ
ມີໃຈຄວາມຕອນນຶ່ງວ່າ:
// ສຽງ //
ດຣ ພະມະຫາວັນນະໄຊກ່າວວ່າ ຈາກຜົນງານຂອງພະອາຈານຈັນດາພອນ ຊຶ່ງກໍເປັນທີ່
ປາກົດຊັດວ່າ ທ່ານມີຜົນງານ ມີຄວາມຮູ້ຄວາມສາມາດຫຼາຍໆດ້ານ ໂດຍສະເພາະດ້ານ
ການສົ່ງເສີມພະພຸດທະສາສະໜາບໍ່ວ່າຈະເປັນດ້ານສັງຄົມສົງເຄາະໂດຍສະເພາະໃນສ່ວນ ວິທະຍາໄລສົງນະຄອນພະນົມນັ້ນ ທ່ານກໍໄດ້ສະໜັບສະໜຸນ ການສຶກສາໃຫ້ແກ່ພະນິສິດ
ໂດຍການສະໜັບສະໜຸນ ໃຫ້ທຶນການສຶກສາກັບພະນິສິດ ວິທະຍາໄລສົງນະຄອນພະນົມ
ເປັນເວລາຫຼາຍປີມາແລ້ວ ແລະເມື່ອນິສິດຮຽນຈົບປລິນຍາຕີ ຈາກວິທະຍາໄລສົງນະຄອນ
ພະນົມ ທ່ານກໍໄດ້ສະໜັບສະໜຸນ ສົ່ງເສີມໃຫ້ໄດ້ຮັບທຶນການສຶກສາ ໄປຮຽນຕໍ່ທີ່ປະເທດ
ອິນເດຍ ແລະສ່ວນນຶ່ງທ່ານກໍໄດ້ສະໜັບສະໜຸນໃຫ້ໄປປະຕິບັດສາສະໜາກິດຢູ່ທີ່ປະເທດ
ສະຫະລັດອະເມຣິກາ ນອກຈາກນັ້ນ ທ່ານກໍຍັງໄດ້ສະໜັບສະໜຸນສົ່ງເສີມງານດ້ານສິນລະ
ປະວັດທະນະທຳ ຈະເຫັນໄດ້ຊັດ ຈາກການນຳນາດຕະສິນ ວິທະຍາກອນ ຫຼືຊ່າງຝີມືພື້ນ
ບ້ານ ນຳໄປເຜີຍແຜ່ຜົນງານ ທີ່ປະເທດສະຫະລັດອະເມຣິກາເປັນເວລາຫຼາຍປີ. ຈາກຜົນ
ງານທີ່ຜ່ານມານີ້ ກໍທຳໃຫ້ມະຫາວິທະຍາໄລມະຫາຈຸລາລົງກອນຣາດຊະວິທະຍາໄລມີມະ
ຕິເປັນເອກກະສັນ ໄດ້ມອບປລິນຍາພຸດທະສາດດຸດສະດີບັນດິດກິດຕິມະສັກ ໃຫ້ກັບທ່ານ.
ອາດຕະມາພາບກໍຂໍສະແດງຄວາມຊື່ນຊົມ ແລະກໍຂໍອະນຸໂມທະນາຄຸນມານະໂອກາດນີ້.
