ລິ້ງ ສຳຫລັບເຂົ້າຫາ

logo-print

ຜູ້​ສະ​ໜັບ​ສະ​ໜູນ​ທ່ານ ທ​ຣຳ ທີ່​ຖືກ​ກ່າວ​ຫາ ສົ່ງ​ລະ​ເບີດ ​ທາງ​ໄປ​ສະ​ນີ ຈະ​ຂຶ້ນ​ສານ​ວັນ​ຈັນ​ມື້ນີ້


ຮູບ​ຖ່າຍ​ຂອງ ທ້າວ ຊີ​ຊາ ຊາ​ຢັອກ, ຢູ່​ເມືອງ ຝອດ ລໍ​ເດີ​ເດລ, ລັດ ຟ​ລໍ​ຣິ​ດາ ໄດ້​ມາ​ຈາກ​ອົງ​ການ​ຂ່າວ ຣອຍ​ເຕີ, 26 ຕຸ​ລາ 2018.

ທ້າວ ເຊ​ຊາ ຊາ​ຢອກ, ຜູ້​ສະ​ໜັບ​ສະ​ໜູນ​ຫົວ​ຮຸນ​ແຮງ ​ຂອງ​ປະ​ທາ​ນາ​ທິ​ບໍ​ດີ ສະ​ຫະ​ລັດ
ທ່ານ ດໍໂນລ ທຣຳ ໄດ້ຖືກກ່າວຫາ ກ່ຽວກັບ ການສົ່ງວັດຖຸ ທີ່ບັນຈຸລະເບີດຢ່າງໜ້ອຍ
13 ກ່ອງ ໄປໃຫ້ຜູ້ຕໍາໜິວິຈານທ່ານປະທານາທິບໍດີນັ້ນ, ໄດ້ຖືກກຳນົດ ສຳລັບການປາ
ກົດຕໍ່ສານຄັ້ງທຳອິດຂອງລາວ ໃນວັນຈັນມື້ນີ້.

ຄົນ​ຮ້າຍ​ອາ​ຍຸ 56 ປີ​ຜູ້ນີ້ ​ມີ​ກຳ​ນົດ​ທີ່​ຈະ​ໄປ​ປາ​ກົດ​ຕົວ​ຕໍ່​ຜູ້​ພິ​ພາກ​ສາ​ ລັດ​ຖະ​ບານ​ກາງ​
ໃນນະຄອນ ໄມອາມີ, ເຊິ່ງຕັ້ງຢູ່ບໍ່ໄກຈາກບ່ອນທີ່ເຈົ້າໜ້າທີ່ລັດຖະບານກາງໄດ້ຈັບລາວ
ໃນວັນສຸກທີ່ຜ່ານມາ ໃກ້ກັບລົດຕູ້ ບ່ອນທີ່ບັນດາເຈົ້າໜ້າທີ່ເວົ້າວ່າ ທ້າວ ຊາຢັອກ ໄດ້
ອາໄສຢູ່. ປ່ອງຢ້ຽມຫຼາຍປ່ອງຂອງລົດຕູ້ນັ້ນ ໄດ້ຕິດ ສຕິກເກີ ທີ່ເວົ້າເຖິງການສະໜັບ
ສະໜູນທ່ານ ທຣຳ ຫຼື ກາຂີດໄຂວ່ໃສ່ໜ້າຂອງຄູ່ປໍລະປັກຂອງທ່ານ ທຣຳ. ທ້າວ ຊາຢັອກ
ໄດ້ຖືກກ່າວຫາ ກ່ຽວກັບ ການສົ່ງວັດຖຸຕ່າງໆໄປ.

ຫຼັງ​ຈາກ​ການ​ໃຫ້​ປາກ​ຄຳ ​ໃນ​ວັນ​ຈັນ​ມື້ນີ້ແລ້ວ, ຄະ​ດີ​ດັ່ງ​ກ່າວ ​ກໍ​ຄາດ​ວ່າ​ຈະ​ຍ້າຍ​ໄປ​ສານ​
ລັດຖະບານກາງໃນນະຄອນ ນິວຢອກ.

ທ້າວ ຊາ​ຢັອກ ໄດ້​ປະ​ເຊີນ​ກັບ​ຂໍ້​ກ່າວ​ຫາ​ລັດ​ຖະ​ບານ​ກາ​ງ​ຫ້າ​ກະ​ທົງ ທີ່​ເຊື່ອມ​ໂຍງ​ກັບ​
ການວາງແຜນສົ່ງຫໍ່ລະເບີດເປັນເວລານຶ່ງສັບປະດາ. ກ່ອງຈົດໝາຍພ້ອມກັບລະເບີດ,
ເຊິ່ງບໍ່ມີກ່ອງໃດໄດ້ແຕກນັ້ນ, ແມ່ນໄດ້ຖືກສົ່ງໄປ ໃຫ້ຜູ້ນຳສັງກັດພັກເດໂມແຄຣັດຫຼາຍ
ຄົນ ທີ່ເປັນຄູ່ປໍລະປັກກັບທ່ານ ທຣຳ, ລວມມີອະດີດປະທານາທິບໍດີ ບາຣັກ ໂອບາມາ,
ອະດີດຮອງປະທານາທິບໍດີ ທ່ານ ໂຈ ບາຍເດັນ ແລະ ຄູ່ແຂ່ງຂອງທ່ານ ທຣຳ ໃນການ
ເລືອກຕັ້ງປີ 2016, ອະດີດລັດຖະມົນຕີການຕ່າງປະເທດ ທ່ານນາງ ຮິລແລຣີ ຄລິນຕັນ,
ພ້ອມກັບບັນດາເຈົ້າໜ້າທີ່ຮັກສາຄວາມປອດໄພລະດັບສູງ ຜູ້ທີ່ໄດ້ປະຕິບັດໜ້າທີ່ໃນ
ລັດຖະບານຂອງທ່ານ ໂອບາມາ.

ລັດ​ຖະ​ມົນ​ຕີ​ກະ​ຊວງ​ຍຸ​ຕິ​ທຳ ທ່ານ ເຈັ​ຟ ເຊັ​ສ​ເຊິນ ​ກ່າວ​ວ່າ ທ້າວ ຊາ​ຢັອກ, ຜູ້​ທີ່ຫຼາຍ​ຄັ້ງ ​
ໄດ້ເຮັດວຽກເປັນ ດີເຈ, ເປັນຄົນຍາມຢູ່ໄນຄລັບ ແລະ ເປັນຄົນສົ່ງພິດຊານັ້ນ, ອາດປະ
ເຊີນກັບການຖືກຂັງຄຸກດົນເຖິງ 48 ປີ ຖ້າຖືກຕັດສິນວ່າມີຄວາມຜິດ.

ຜູ້​ອຳ​ນວຍ​ການ​ອົງ​ການ FBI ທ່ານ ຄ​ຣິ​ສ​ໂຕ​ເຟີ ເວ​ຣ ​ກ່າວ​ວ່າ ອຸ​ປະ​ກອນ​ລະ​ເບີດ​ 13
ໜ່ວຍໄດ້ຖືກສົ່ງໄປໃນກ່ອງໄປສະນີ, ແລະ ແຕ່ລະອັນນັ້ນ ລວມມີທໍ່ແປັບຍາວ 15 ຊັງຕີ
ແມັດ, ມີໂມງນ້ອຍ ແລະ ວັດຖຸທີ່ອາດເປັນລະເບີດ.

ທ່ານ ເວ​ຣ ໄດ້​ກ່າວ​ກ່ຽວ​ກັບ ລະ​ເບີດ​ນັ້ນ​ວ່າ “ອຸ​ປະ​ກອນ​ພວກນີ້ ບໍ່​ແມ່ນ​ສິ່ງຫຼອກຫຼິ້ນ.”
ບັນດາເຈົ້າໜ້າທີ່ໄດ້ກ່າວຕໍ່ອົງການຂ່າວ AP ວ່າ ອຸປະກອນດັ່ງກ່າວບໍ່ໄດ້ຖືກຕັ້ງໃຫ້ລະ
ເບີດໃນເວລາເປີດກ່ອງອອກມາ, ແຕ່ເຂົາເຈົ້າໄດ້ເວົ້າວ່າ ເຂົາເຈົ້າບໍ່ແນ່ໃຈ ວ່າເປັນ
ຍ້ອນອຸປະກອນດັ່ງກ່າວນັ້ນ ບໍ່ໄດ້ເຮັດເປັນຢ່າງດີ ຫຼື ບໍ່ໄດ້ມີເຈຕະນາເພື່ອການທຳ
ຮ້າຍ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG