ໃນ ຊົ່ວໂມງທີ 11 ໃນມື້ທີ 11 ໃນເດືອນ 11 ຕົງ ຄົບຮອບ 100 ປີ ຫຼັງຈາກສົງຄາມໂລກ
ຄັ້ງທີ 1 ໄດ້ຍຸຕິລົງ ບັນດາຜູ້ນຳຈາກຫຼາຍກວ່າ 60 ປະເທດ ຊຶ່ງປະເທດສ່ວນໃຫຍ່
ແມ່ນໄດ້ສົ່ງພວກທະຫານຂອງຕົນ ຫຼືບໍ່ ກໍສົ່ງພະນັກງານໄປຍັງແນວໜ້າ ພາກຕາ
ເວັນຕົກ ໄປເຕົ້າໂຮມກັນຢູ່ປະຕູໄຊ Arc de Triompe ເພື່ອລະລຶກເຖິງ ພວກຜູ້ຄົນ
ຈຳນວນຫຼາຍລ້ານຄົນ ທີ່ໄດ້ເສຍຊີວິດໄປໃນສົງຄາມດັ່ງກ່າວ.
ປະທານາທິບໍດີສະຫະລັດ ທ່ານດໍໂນລ ທຣຳ ກັບ ປະທານາທິບໍດີຣັດເຊຍ ວລາດິເມຍ
ປູຕິນ ໄດ້ເປັນແຂກຜູ້ສຸດທ້າຍທີ່ໄປເຖິງສະຖານທີ່ດັ່ງກ່າວ. ທັງສອງທ່ານໄດ້ຈັບມືກັນ
ແລະທ່ານປູຕິນ ໄດ້ຍົກໂປ້ແຖມກ້ອຍຂຶ້ນ ໃນການຕອບຮັບທ່ານທຣຳ ທີ່ໄດ້ຖາມ
ສະບາຍດີວ່າ “ສະບາຍດີບໍ່?”
ປະທານາທິບໍດີຝຣັ່ງ ທ່ານເອມມານູແອລ ມາຄຣົງ ທີ່ຢູ່ຕໍ່ໜ້າສຸສານທະຫານນິລະນາມ
ທີ່ຢູ່ກ້ອງປະຕຸໄຊ ໄດ້ໄຕ້ໄຟຊີວິດ ໃນແຕ່ລະຄືນ ທີ່ສະຫຼັກໃສ່ຂຸມຝັງສົບຄຳວ່າ “ນີ້ແມ່ນບ່ອນຝັງທະຫານຝຣັ່ງ ທີ່ໄດ້ເສຍຊີວິດເພື່ອປະເທດຊາດບ້ານເມືອງ.”
ໃນການກ່າວຄຳປາໄສຄັ້ງນີ້ ທ່ານມາຄຣົງ ໄດ້ກ່າວເຖິງການເສຍສະຫຼະຊີວິດຂອງ
ພວກເຂົາເຈົ້າ ທີ່ໄດ້ເກີດຂຶ້ນໃນນຶ່ງສັດຕະວັດກ່ອນໃນສົງຄາມ 4 ປີ ໃນຢູໂຣບ.
“ຄວາມຮັກຊາດ ແມ່ນແຕກຕ່າງກັນຢ່າງສິ້ນເຊີງກັບການເປັນຊາດ,” ຊຶ່ງທ່ານມາຄຣົງ
ໄດ້ກ່າວໄວ້ ແລະກ່າວຕໍ່ໄປວ່າ “ການເປັນຊາດ ແມ່ນການທຳລະຍົດຕໍ່ການຮັກຊາດ.”
“ຜີສາດຕົວເກົ່າ ໄດ້ຄືນສູ່ຊີບແລ້ວ, ພ້ອມທີ່ຈະສ້າງຄວາມວຸ້ນວາຍ ແລະຄວາມຕາຍ,” ຊຶ່ງທ່ານມາຄຣົງ ໄດ້ກ່າວເຕືອນໄວ້. ແລະຍັງໄດ້ກ່າວເພີ່ມຕື່ມວ່າ “ປະຫວັດສາດບາງທີ
ມັນກໍຂົ່ມຂູ່ ທີ່ຈະໃຫ້ກັບໄປຊ້ຳຮອຍແບບຊົ່ວຮ້າຍ ແລະບ່ອນທຳລາຍ ມໍບະດົກຕົກ
ທອດຂອງຄວາມສັນຕິ ທີ່ພວກເຮົາຄິດວ່າ ພວກເຮົາໄດ້ຜະນຶກມັນດ້ວຍເລືອດ ຂອງບັນ
ພະບຸລຸດຂອງພວກເຮົາ.”
ອ່ານຂ່າວນີ້ເພີ້ມຕື່ມເປັນພາສາອັງກິດ
ເຊີນຊົມ: ການຢ້ຽມຢາມຝຣັ່ງ ເປັນຂ່າວນອງນັນ
