ປະທານາທິບໍດີ ຄິວບາ ທ່ານ Raul Castro ກຳລັງຮຽກຮ້ອງ
ໃຫ້ ລັດຖະບານສະຫະລັດ ຢຸດເຊົາ ການອອກອາກາດ ທາງ
ວິທະຍຸແລະໂທລະພາບທີ່ຄິວບາເຫັນວ່າເປັນໄພອັນຕະລາຍ
ໃນຂະນະທີ່ຄິວບາກ່າວວ່າ ລັດຖະບານຂອງທ່ານ ພໍໃຈທີ່ຈະ
ສືບຕໍ່ປັງປຸງຄວາມສຳພັນ ກັບ ສະຫະລັດ.
ຢູ່ໃນຄຳປາໄສ ທີ່ອອກອາກາດທາງໂທລະພາບ ຂອງລັດ
ຖະບານໃນວັນສຸກວານນີ້ ທ່ານ Castro ກ່າວວ່າ ລັດຖະ
ບານຂອງທ່ານຈະ “ສືບຕໍ່ຢືນຢັດເພື່ອ ຈະໃຫ້ບັນລຸການມີ
ຄວາມສຳພັນ ຢ່າງເປັນປົກກະຕິນັ້ນ ມັນເປັນສິ່ງສຳຄັນທີ່
ສຸດທີ່ ລັດຖະບານສະຫະລັດ ລົບລ້າງບັນດານະໂຍບາຍ
ທັງໝົດໃນອະດີດທີ່ຜ່ານມາ.”
ທ່ານໄດ້ໃຫ້ຂໍ້ສັງເກດວ່າ ລັດຖະບານສະຫະລັດຍັງສືບຕໍ່ອອກອາກາດໄປສູ່ຄິວບາຮວມ
ທັງລາຍການວິທະຍຸ Marti ແລະໂທລະພາບ Marti ເຖິງແມ່ນວ່າ ຄິວບາ ບໍ່ເຫັນດີນຳ.
ວິທະຍຸ Marti ແລະ ໂທລະພາບ Marti ຢູ່ພາຍໃຕ້ຄວາມດູແລຂອງຄະນະສະພາຜູ້ວ່າ
ການກະຈາຍສຽງຂອງສະຫະລັດ ຊຶ່ງຍັງເປັນຜູ້ຄຸ້ມຄອງຂອງວິທະຍຸສຽງອາເມຣິການຳ
ດ້ວຍ.
ນອກນັ້ນທ່ານ Castro ຍັງໄດ້ຕິຕຽນ ນະໂຍບາຍຄົນເຂົ້າເມືອງສະຫະລັດວ່າ ອະນຸຍາດ
ໃຫ້ຄົນເຂົ້າເມືອງທີ່ເປັນຊາວຄິວບາຢູ່ໃນສະຫະລັດໄດ້ ຖ້າຫາກເຂົາເຈົ້າມາເຖິງດິນແດນ
ສະຫະລັດແລ້ວ.
ທ່ານ Castro ຍັງໄດ້ຮຽກຮ້ອງອີກຄັ້ງນຶ່ງ ໃຫ້ສະຫະລັດຍົກເລີກການຂວ້ຳບາດຕໍ່ປະເທດ
ຄອມມູນິສຄິວບາໂດຍເວົ້າວ່າ ປະທານາທິບໍດີໂອບາມາ ສາມາດດຳເນີນການໄດ້ຫລາຍ
ກວ່ານີ້ ເພື່ອຍຸຕິການຂວ້ຳບາດນັ້ນ.
