ລິ້ງ ສຳຫລັບເຂົ້າຫາ

logo-print

ສະຫະລັດ ກ່າວວ່າ ຈີນ ຝ່າຝືນ ກົດ​ປະຕິບັດ​ສາກົນ ໃນທະເລຈີນໃຕ້


ສິ່ງກໍ່ສ້າງອັນໜຶ່ງຂອງຈີນ ຢູ່ໃນເຂດທະເລຈີນໃຕ້.

ລັດຖະມົນຕີປ້ອງ​ກັນປະ​ເທດສະຫະລັດ ທ່ານ Ashton Carter
​ໄດ້​ຮຽກຮ້ອງ​ໃຫ້​ຢຸດ​ເຊົາໃນທັນທີ ແລະຢ່າງເປັນການຖາວອນ
ການກໍ່ສ້າງເກາະ ດອນໃນທະເລຈີນໃຕ້ ​ແລະເຮັດໃຫ້ເຂດ ທີ່
ມີການຂັດແຍ້ງດັ່ງກ່າວກາຍເປັນ ​ການແຂ່ງຂັນທາງທະຫານ
ໂດຍ​ກ່າວ​ວ່າ ການ​ອ້າງ​ເອົາກຳມະສິດຢູ່ໃນເຂດ ທະເລທີ່ມີການ
ຂັດແຍ້ງຂອງປັກ​ກິ່ງ ແມ່ນຂັດຕໍ່ກົດ​ປະຕິບັດ​ສາກົນ. ນັກ​ຂ່າວ
ວີ​ໂອ​ເອ Victor Beattie ລາຍ​ງານ​ວ່າ ທ່ານ Carter ໄດ້​ໃຫ້
​ຄຳໜັ້ນສັນຍາ ວ່າ ສະຫະລັດຍັງຈະສືບຕໍ່ ເປັນມະຫາອຳນາດ
ທີ່ສຳຄັນ ຢູ່ໃນຂົງເຂດເອເຊຍປາຊິຟິກ ໃນອີກຫຼາຍປີຕໍ່ໜ້າ.
ກິ່ງສະຫວັນ ມີລາຍລະອຽດເລື້ອງນີ້ມາສະເໜີ ທ່ານ.

ໃນການຖະແຫຼງ​ຢູ່​ທີ່ລັດຮາ​ວາຍ ໃນລະຫວ່າງ​ພິທີ​ສັບ​ປ່ຽນຜູ້​ບັນຊາ​ການ ຢູ່​ກອງ​ບັນຊາ​ການທະຫານສະຫະລັດໃນ​ເຂດປາຊິ​ຟິກ ​ເມື່ອວັນ​ພຸດ​ອາທິດແລ້ວ​ນີ້ ລັດຖະມົນຕີ​ປ້ອງ​
ກັນ​ປະ​ເທດສະຫະລັດ ທ່ານ Ashton Carter ​ໄດ້ຮຽກຮ້ອງ ໃຫ້ມີການແກ້ໄຂຢ່າງສັນຕິ
ຕໍ່ບັນຫາຂັດແຍ້ງພ້ອມທັງຢຸດ​ເຊົາໃນທັນທີ ແລະຢ່າງຖາວອນ ໃນການຖົມດິນເພື່ອໃຫ້ ເປັນເກາະເປັນດອນ ໂດຍປະເທດໃດປະເທດໜຶ່ງ ທີ່ອ້າງກຳມະສິດ ​ໃນ​ທະ​ເລ​ຈີນ​ໃຕ້.

ທ່ານ Cater ກ່່າວ​ວ່າ “ພວກເຮົາຍັງຄັດຄ້ານ ຕໍ່ການເຮັດໃຫ້ເຂດຂັດແຍ້ງກາຍເປັນ
ການແຂ່ງຂັນກັນທາງທະຫານຕື່ມຂຶ້ນ. ສອງ​ມາ ​ແລະມັນຈະ​ບໍ່ມີ​ການ​ພິດ​ພາດໃດໆ

ທີ່​ວ່າ ສະຫະລັດ ຈະ​ສົ່ງເຮືອບິນ ກຳປັ່ນ ​ແລະ​ປະຕິບັດ​ງານ ບໍ່​ວ່າ​ບ່ອນ​ໃດ​ກໍຕາມ
ທີ່​ກົດໝາ​ຍນາໆ​ຊາດອະ​ນຸຍາດ​ໃຫ້ ດັ່ງ​ທີ່​ເຮົາໄດ້ກະ​ທຳ​ຢູ່ໃນ​ທົ່ວ​ໂລກ. ສຸດ​ທ້າຍ​ນີ້ ດ້ວຍ​ການ​ປະ​ຕິ​ບັດ​ຢູ່​ໃນ​ທະ​ເລ​ຈີນ​ໃຕ້ ຈີນ​ໄດ້​ເອົາ​ບາດກ້າວ​ທີ່ຂັດກັບທັງ​ຫລັກການ​ປະຕິບັດຂອງສາກົນ ທີ່ໄດ້ກ່າວຢ້ຳຢູ່ໃນໂຄງຮ່າງຄວາມ​ໝັ້ນຄົງ​ຂອງເຂດເອ​ເຊຍ
ປາຊິ​ຟິກ ແລະຄວາມເປັນເອກກະສັນຂອງຂົງເຂດ ທີ່ ເຫັນພ້ອມກັບວິທີການບໍ່
ບີບ
ບັງຄັບ ໃນການແກ້ໄຂບັນຫາຂັດແຍ້ງນີ້ ແລະບັນຫາຂັດແຍ້ງອື່ນໆ ທີ່ມີມາ
ດົນນານແລ້ວ.”

ຈີນ ​ໄດ້​ຍື່ນປະທ້ວງຕໍ່ວໍ​ຊິງ​ຕັນ ກ່ຽວ​ກັບເລື້ອງ​ເຮືອບິນ​ສອດ​ແນມສະຫະລັດ ທີ່​ໄດ້​ບິນ​ຜ່ານ
​ໝູ່​ເກາະ Spratly ເມື່ອໄວໆ​ນີ້ ບ່ອນ​ທີ່ຈີນ ກຳລັງ​ພົວພັນ​ກັບ​ການ​ຖົມເກາະຖົມດອນ. ​ໃນ
​ເດືອນ​ນີ້ ທຳນຽບຫ້າ​ແຈ ​ກ່າວ​ວ່າ ຈີນໄດ້ຖົມ​ດິນ 800 ​ເຮັກຕາ ຢູ່​ໃນສະຖານທີ່ຫ້າ​ແຫ່ງ​ທີ່
​ແຕກ​ຕ່າງ​ກັນ ສ່ວນ​ໃຫຍ່​ແມ່ນມີຂຶ້ນໃນ​ປີ​ນີ້.

ຢູ່​ໃນ​ການໃຫ້ຄວາມເຫັນຂອງ​ທ່ານ ​ໃນ​ວັນ​ພຸດ​ອາທິດແລ້ວ​ນີ້ ລັດຖະມົນຕີປ້ອງ​ກັນ​ປະ​
ເທດສະຫະລັດ ຍັງ​ໄດ້​ສະ​ເໜີແນະວ່າ ການ​ອ້າງກຳມະສິດ​ໃໝ່ແບບໝັ້ນໃຈຂອງ​ຈີນ
ຈະບໍ່ດຳເນີນໄປ​ໂດຍ​ທີ່​ບໍ່ມີ​ການ​ທ້າ​ທາຍໃດໆ.

ທ່ານ Carter ກ່າວ​ວ່າ “ການເອົາບາດກ້າວຂອງຈີນ ແມ່ນນຳເອົາປະເທດອື່ນໆ ມາເຕົ້າໂຮມກັນ ໃນວິທີທາງໃໝ່ ແລະພວກເຂົາເຈົ້າໄດ້ຮຽກຮ້ອງຫລາຍຂຶ້ນໃຫ້
ອາເມຣິກັນ ເຂົ້າໄປພົວພັນໃນເຂດເອເຊຍປາຊີຟິກ. ແລະພວກເຮົາກໍຈະປະຕິ
ບັດຕາມ. ພວກເຮົາຍັງຈະສືບຕໍ່ເປັນມະຫາອຳນາດ ຫລັກໃນດ້ານຄວາມໝັ້ນຄົງ
ຢູ່ໃນ ຂົງເຂດເອເຊຍປາຊີຟິກ ໃນອີກຫຼາຍໆທົດສະວັດຕໍ່ໜ້າ.”

ທ່ານ Carter ຍັງ​ໄດ້​ພົບ​ປະ​ຢູ່ທີ່ລັດ​ຮາ​ວາຍ ກັບຄູ່​ຕຳ​ແໜ່​ງຝ່າຍຟິລິບປີນ ທ່ານ Voltaire Gazmin ​ແລະ​ໄດ້​ໃຫ້ການ​ຢືນຢັນ​ວ່າ ສະຫະລັດ ມີຄວາມໝັ້ນ​ໝາຍ​ທີ່​ຈະ​ປ້ອງ​ກັນ ຟິລິບ
ປີນ ແບບບໍ່ມີມື້ສັ່ນຄອນ. ປະ​ເທດ​ທັງສອງ​ ໄດ້ມີ​ສົນທິສັນຍາ ດ້ານປ້ອງ​ກັນປະເທດຮ່ວມ
ກັນ ມາ​ເປັນເວລາດົນ​ນານ. ມະນີ​ລາ ກຳລັງລໍຖ້າຟັງ ການ​ຕັດສິນ​ ​ແລະ​ການດຳເນີນຄວາມ
ພະຍາຍາມ​ທາງ​ດ້ານ​ການ​ທູດ ຂອງສາກົນ​ເພື່ອ​ແກ້​ໄຂ​ບັນຫາຂັດແຍ້ງເລື້ອງ​ເຂດ​ນຳ້ແດນ
​ດິນ​ກັບປັກ​ກິ່ງ.

ນັກວິ​ເຄາະດ້ານປ້ອງ​ກັນປະເທດປະຈຳ​ຂົງ​ເຂດ Pacific Forum ທ່ານ Ralp Cossa ທີ່​
ມີ​ຫ້ອງການ​ຢູ່ລັດຮາ​ວາຍ ກ່າວ​ວ່າ ການໃຫ້ຄວາມເຫັນ​ ຂອງທ່ານ Carter ບໍ່​ມີ​ຫຍັງ​ໃໝ່. ທ່ານ​ກ່າວ​ວ່າ ​ມັນສອດຄ່ອງກັບຄຳປະກາດປີ 2002 ກ່ຽວ​ກັບ​ການ​ປະຕິບັດ​ຂອງ​ປະ​ເທດ
ຕ່າງໆຢູ່​ໃນທະ​ເລ​ຈີນ​ໃຕ້ ລະຫວ່າງ​ສະມາຄົມ​ ​ອາ​ຊຽນ​ແລະ​ຈີນ ​ບັງ​ຄັບ​ໃຫ້​ທັງສອງຝ່າຍ
ປະຕິບັດຕາມກົດການປະພຶດ ທີ່​ແນ​ໃສ່​ເພື່ອໃຫ້ສັນຕິພາບ ​ແລະ​ສະຖຽນ​ລະ​ພາບ.

ທ່ານ Cossa ອະທິບາຍ​ວ່າ ເພື່ອທວນຄືນ​ໃນຄຳ​ຖະ​ແຫລ​ງ​ຂອງທ່ານ Carter ​ເຖິງ​ຄວາມ​
ບໍ່​ເຕັມ​ໃຈ​ຂອງກຳລັງ​ຮັກສາ​ຄວາມ​ປອດ​ໄພ​ອີຣັກ ທີ່ຈະຢືນຢັດແລະຕໍ່ສູ້ ​ແລະ​ການອ້າງກຳ
ມະສິດແບບໝັ້ນໃຈຫຼາຍຂຶ້ນຂອງຈີນ ໃນທະ​ເລ​ຈີນ​ໃຕ້. ທ່ານ​ກ່າວ​ວ່າ ຢູ່​ໃນທັງ​ສອງ​ກໍລະນີ
​ເປັນຄວາມເວົ້າແບບກົງໆ​ທີ່ມີ​ຄວາມ​ຈິງ ​ແລະ​ມີ​ຄວາມ​ຈຳ​ເປັນ.

​ເຈົ້າ​ໜ້າ​ທີ່​ຂັ້​ນສູງ​ຂອງສະ​ຖາ​ບັນ East-West ທ່ານ Denny Roy ກ່າວ​ວ່າ ຄຳ​ຖະ​ແຫລງ
ຂອງທ່ານ Carter ​ເປັນ​ທາງ​ນຶ່ງທີ່ກ່າວວ່າ ວໍ​ຊິງ​ຕັນ ຈະ​ບໍ່​ໃຫ້​ກຽດ​ໃດໆ​ໃນ​ຄວາມພະຍາ
ຍາມ​ຂອງ ຈີນທີ່​ສ້າງ​ຕັ້ງເຂດ​ເສດຖະກິດ ຫລື ເຂດ​ແດນ​ທາງທະເລ ອ້ອມ​ເກາະດອນທີ່​ສ້າງ​
ຂື້ນ​ໃດໆ​ຂອງ​ເຂົາ​ເຈົ້າ. ທ່ານ​ກ່າວ​ວ່າ ຈີນ ແນ່​ນອນ​ທີ່​ສຸດວ່າ ຈະ​ບໍ່​ຢຸດເຊົາໃນ​ຄວາ​ມພະຍາ
|ຍາມເພື່ອຖົມດິນຢູ່​ທະ​ເລ​ຈີນ​ໃຕ້ ​ແລະ​ນັ້ນ​ອາດຈະບ່ອນ​ທຳລາຍຕໍ່ຈຸດປະສົງ​ຂອງ ​ສະຫະ
ລັດ​ ທີຈະສືບຕໍ່ຮັກສາ​ການ​ເປັນ​ຜູ້ນຳຢູ້​ໃນ​ຂົງ​ເຂດ. ທ່ານ Roy ກ່າວ​ວ່າ ​ມັນ​ຍັງ​ຈະ​ເພີ້​ມໂອ
ກາດ ໃຫ້ເກີດອຸປະຕິ​ເຫດ ທີ່ພົວພັນກັບກຳ​ປັ່ນ ​ແລະເຮືອບິນລົບ ຂອງສະຫະລັດ ແລະ​
ຈີນນຳ ດ້ວຍ.

ໜັງສືພິມປະຊາຊົນລາຍວັນ​ຂອງ​ທາງຈີນ ​ສະບັບທີ່ອອກໃນ​ທີ່ 28 ພຶດສະພາ ຜ່ານມາກ່າວ
ວ່າ ການ​ກໍ່ສ້າງ​ເກາະດອນ​ຂອງ​ຈີນຢູ່ໃນເຂດທະ​ເລ​ຈີນ​ໃຕ້ ​ແມ່ນ​ແນໃສ່ເພື່ອໃຫ້​ບໍລິການ
​ຕໍ່ກຳ​ປັ່ນ​ທີ່​ດີ​ຂື້ນ. ລາຍ​ງານ​ກ່າວ​ວ່າ ນີ້​ຈະ​ຊ່ວຍ​ໃຫ້​ຈີນສາມາດແບກຫາບພາລະຄວາມ​ຮັບ
ຜິ​ດຊອບ​ທາງດ້ານ​ສາ​ກົນ ຢູ່ໃນທະ​ເລ​ຈີນ​ໃຕ້ ຮວມທັງ​ການປະຕິບັດງານ​ຄົ້ນ​ຫາ ແລະ​ກູ້​ໄພ
ການປ້ອງ​ກັນ ​ແລະບັນເທົາໄພພິບັດ ​ການສັງ​ເກດການດ້ານດິນ​ຟ້າອາ​ກາດ ສັງ​ເກດການ
ດ້ານ​ນິ​ເວດ​ວິທະຍາ ຄວາມ​ປອດ​ໄພ​ຂອງ​ການ​ເດີນ​ເຮືອ ​ແລະ​ການ​ບໍລິການໃນການ​ຫາ​ປາ.
ລາຍ​ງານ​ຍັງ​ຕິຕຽນວໍ​ຊິງ​ຕັນ ທີ່ບໍ່ສາມາດ​ໃຫ້​ກຽດຕໍ່​ຄວາ​ມໝັ້ນ​ໝາຍຂອງຕົນ​ເພື່ອ​ວາງຕົວ
ເປັນ ກາງ ຢູ່​ໃນ​ທ​ະ​ເລ​ຈີນ ໂດຍ​ເຕືອນ​ວ່າ ການເຂົ້າຫຍຸ້ງກ່ຽວແຊກແຊງດັ່ງກ່າວນີ້ ຈະເຮັດ
ໃຫ້ບໍ່​ມີ​ສະຖຽນ​ລະ​ພາບ.

​ໃນ​ວັນ​ອັງຄານອາທິດແລ້ວ ຈີນ​ໄດ້​ນຳອອກເຜີ​ຍ​ແຜ່​ນະ​ໂຍບາຍ​ປົກຂາວ ທີ່ກ່າວ​ວ່າ ຄວາມ
​ຕັ້ງ​ໃ​ຈທີ່ຈະຂະຫຍາຍກຳລັງ​ທະ​ຫານຂອງຕົນ​ ອອກ​ໄປໄກ​ຈາກ​ຊາຍ​ແດນ ​ໃນ​ຂະນະ​ທີ່​ຢືນ
ຢັດວ່າ ຕົນ​ບໍ່​ຕ້ອງການ​ປະ​ເຊີນ​ໜ້າ​ກັບ​ບັນດາ​ເພື່ອນ​ບ້ານ​ໃດໆ.

ລັດຖະມົນຕີປ້ອງກັນ​ປະ​ເທດ Carter ກຳລັງ​ພົວ​ພັນ​ກັບ​ການ​ເດີນທາງ​ເທື່ອ​ທີ ສອງໄປ
ຢ້ຽມຢາມ​ຂົງເຂດ​ເອ​ເຊຍປາຊິ​ຟິກ ນັບ​ຕັ້ງ​ແຕ່ທ່ານໄດ້​ເຂົ້າ​ຮັບ​ໜ້າ​ທີ່​ໃນ​ເດືອນ​ກຸມພາຜ່ານ
ມາ. ໃນການຢ້ຽມຢາມເປັນເວລາ 10 ວັນ​ ຕໍ່​ຂົງ​ເຂດນັ້ນ ທ່ານ​ເຂົ້າຮ່ວມກອງ​ປະຊຸ​ມຄວາມ
​ໝັ້ນຄົງພູມີພາກ Shangri-La ຊຶ່ງ​ຈະ​ມີຮວມທັງຜູ້ ຕາງໜ້າ​ຈີນ ທີ່ສິງກະໂປ ພ້ອມ​ທັງການ
​ຢຸດແວ່ ​ຢູ່ອິນ​ເດຍ ​ແລະ​ຫວຽດນາມນຳ ດ້ວຍ.

US Military China
please wait
Embed

No media source currently available

0:00 0:00:57 0:00

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG