ລິ້ງ ສຳຫລັບເຂົ້າຫາ

ວັນສຸກ, ໓໑ ພຶດສະພາ ໒໐໒໔

ຜູ້ນຳ​ Catalonia ທີ່ຖືກປົດ ຢູ່ທີ່ Brussels ຂະນະທີ່ສເປນ ຊອກຫາທາງ ຟ້ອງທ່ານ


ປະທານ Catalonia ທ່ານ Carles Puigdemont ຮ້ອງເພງຊາດ Catalonia ໃນລັດຖະສະພາ ຫຼັງຈາກ
ທີ່ໄດ້ລົງຄະແນນສຽງ ແຍກຕົວເປັນເອກກະລາດ,ໃນນະຄອນ Barcelona, ສເປນ, 27 ຕຸລາ, 2017.
ປະທານ Catalonia ທ່ານ Carles Puigdemont ຮ້ອງເພງຊາດ Catalonia ໃນລັດຖະສະພາ ຫຼັງຈາກ ທີ່ໄດ້ລົງຄະແນນສຽງ ແຍກຕົວເປັນເອກກະລາດ,ໃນນະຄອນ Barcelona, ສເປນ, 27 ຕຸລາ, 2017.

ຜູ້ນຳ​ Catalonia ທ່ານ Carles Puigdemont ທີ່​ຖືກປົດ ອອກຈາກຕຳແໜ່ງ ຄາດ​ວ່າ​
ຈະໄປປາກົດ​ຕົວ​ຕໍ່​ສາທາລະນະໃນ​ວັນ​ອັງຄານ​ມື້​ນີ້ ​ທີ່ນະຄອນ Brussels ນຶ່ງ​ມື້ຫຼັງ​ຈາກ​
ທ່ານ​ໄດ້​ເດີນທາງ​ໄປ​ເຖິງ​ທີ່​ນັ້ນ ​ໃນ​ຂະນະ​ທີ່ໄອ​ຍະ​ການ​ຂອງ​ສ​ເປ​ນ ​ໄດ້​ປະກາດ​ແຜນການ
​ທີ່​ຈະ​ຊອກ​ຫາ​ຊ່ອງທາງ ຟ້ອງ​ບັນດາ​ຜູ້ນຳ Catalonia ໃນຂໍ້ຫາ​ປຸ​ກລະດົມ​ມວນ​ຊົນ​ ກໍ່ກະ
ບົດແລະຂໍ້ຫາສໍ້ໂກງ.

ທະນາຍຄວາມ​ຊາວ Belgium ທ່ານ Paul Bakaert ​ໄດ້​ບອກ​ກັບ​ໂທລະພາບ VRT ​
ໃນ​ວັນ​ຈັນ​ວານ​ນີ້​ວ່າ ທ່ານ Puigdemont ​ແມ່ນ​ໄດ້​ຢູ່​ໃນນະຄອນ Brussels ​ແລ້ວ
ແລະ​ໄດ້​ແຕ່ງ​ຕັ້ງ​ໃຫ້​ທ່ານ​ເປັນ​ທະນາຍຄວາມ​ຂອງ​ທ່ານ.

ທ່ານ Bakaert ​ໄດ້​ກ່າວ​ວ່າ “ທ່ານ​ບໍ່​ໄດ້​ຢູ່​ໃນ Belgium ​ເພື່ອ​ສະ​ເພາະ​ເຈາະຈົງຂໍ​ຫຼີ້​ໄພ​
ທາງ​ການ​ເມືອງ​ດອກ. ມັນ​ຍັງ​ບໍ່​ທັນ​ໄດ້​ມີ​ການ​ຕັດສິນ​ໃຈ​ໃດໆ​ເທື່ອ.”

ເຊີນຊົມ: ບັນດາຜູ້ນຳຂອງ Catalonia ທີ່ພາກັນລົບໜີເຂົ້າໄປຍັງ Belgium

Catalan Independence Leaders Flee to Belgium as Spain Seeks Rebellion Charges
please wait

No media source currently available

0:00 0:02:38 0:00

ຫົວໜ້າ​ໄອ​ຍະ​ການ ທ່ານ Jose Manual Maza ​ໄດ້​ກ່າວ​ໃນ​ວັນ​ຈັນວານນີ້​ວ່າ
ທ່ານຈະຊອກຫາຊ່ອງທາງເພື່ອ​ຈະ​ກ່າວ​ຫາ​ບັນດາ​ຜູ້ນຳຂອງ Catalonia ທີ່​ໄດ້​ນຳພາ​
ໃນ​ການ​ຊຸກຍູ້​ໃຫ້​ມີ​ການແຍກ​ຕົວ​ອອກ​ຈາກ​ສ​ເປ​ນ ຊຶ່ງອາດຈະໄດ້ຮັບໂທດຈຳຄຸກ
ເປັນເວລາດົນນານ ຮວມທັງ ໂທດ​ຈຳ​ຄຸກ​ເປັນ​ເວລານານເຖິງ30 ປີ ​ໃນ​ຖານ​ກໍ່ກະບົດ.

ເຂດ Catalonia ​ໄດ້ລົງ​ປະຊາ​ມະຕິ ເມື່ອ​ວັນທີ 1 ຕຸລາຜ່ານ​ມາ​ນີ້ ​ໃນ​ຄຳ​ຖາມ​ທີ່​ວ່າ
ເຂດປົກຄອງ​ຕົນ​ເອງ​ດັ່ງກ່າວ ຄວນຈະ​ແຍກ​ຕົວ​ອອກ​ຈາກ​ສ​ເປ​ນ ຫຼື​ບໍ່. ລັດຖະບານ​
ທີ່​ນະຄອນ Madrid ​ໄດ້​ປະຕິ​ເສດ ​ຕໍ່​ການ​ຊຸກ​ຊູ້ໃຫ້ມີການແຍກໂຕ​ດັ່ງກ່າວ​ແລະ​ຫຼັງ​ຈາກ​ທີ່ສະມາຊິກ​ລັດ ຖະສະພາ Catalonia ​ໄດ້​ປະກາດ​ເອກກະ​ລາດ ​ໃນ​ສັບປະດາ​ແລ້ວ​ນີ້, ລັດຖະບານ​ກາງ​ໄດ້​ເຂົ້າ​ຄວບ​ຄຸມ​ແລະຍຸບສະພາ​ເຂດ​ທ້ອງ​ຖິ່ນດັ່ງກ່າວ.

ການ​ເລືອກ​ຕັ້ງ​ໃໝ່ ​ແມ່ນ​ມີ​ໝາຍ​ກຳໜົດ​ໃສ່​ເດືອນ​ທັນວາ ຈະ​ມາ​ເຖິງ​ນີ້ ​ແລະ​ພັກ​ການ​
ເມືອງແບ່ງ​ແຍກ​ດິນແດນ Catalonia ​ໄດ້​ປະກາດ​ວ່າ ຕົນ​ຈະ​ສົ່ງບັນດາ​ຜູ້​ສະໝັກເຂົ້າ​
ແຂ່ງ​ຂັນ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

XS
SM
MD
LG