ບັນດາໜ່ວຍປ່ອນບັດຕ່າງໆ ໄດ້ເປີດແລ້ວ ຢູ່ໃນສາທາລະນະ
ລັດ ອາຟຣິກາກາງ ຊຶ່ງໄດ້ມີການຊັກຊ້າມາເປັນເວລາດົນນານ
”ທີ່ຫຼາຍໆຄົນຫວັງວ່າ ຈະຊ່ວຍ ຍຸຕິຄວາມຮຸນແຮງ ທີ່ດຳເນີນ
ມາໄດ້ເກືອບສາມປີແລ້ວ ລະຫວ່າງຊາວຄຣິສຕຽນ ແລະ ຊາວ
ມຸສລິມ ນັບແຕ່ໄດ້ມີການເຮັດລັດຖະປະຫານ ໃນປີ 2013.
ມີການຮັກສາຄວາມປອດໄພຢ່າງເຄັ່ງຄັດໃນວັນພຸດມື້ນີ້
ລະຫວ່າງການເລືອກຕັ້ງ ປະທານາທິບໍດີ ແລະການເລືອກຕັ້ງ
ສະມາຊິກສະພາ ຊຶ່ງການຊັກຊ້າຫວ່າງມໍ່ໆມານີ້ ກໍແມ່ນໃນວັນ
ອາທິດຜ່ານມາເພື່ອຮັບມືກັບບັນຫາຫຍຸ້ງຍາກທາງດ້ານ
ເທັກ ນິກ.
ກໍາລັງຮັກສາສັນຕິພາບສະຫະປະຊາຊາດ ໄດ້ຖືກສົ່ງໄປຮັກສາການຢູ່ຕາມເຂດ ທີ່ສຳ
ຄັນຕ່າງໆ ມີກຳລັງທະຫານ 300 ຄົນ ພາກັນຍາມ ຢູ່ໃນນະຄອນຫລວງ Bangui ແລະ
ຕຳຫລວດ 1,800 ຄົນ ແລະສາລະວັດທະຫານ ພາກັນຢືນຍາມຢູ່ໃນເຂດຕ່າງໆທົ່ວ
ປະເທດ.
ເລຂາທິການໃຫຍ່ ສະຫະປະຊາຊາດ ທ່ານ Ban Ki-moon ໄດ້ຮຽກຮ້ອງໃຫ້ “ທຸກໆຊົນ
ຊາດທີ່ມີສ່ວນໄດ້ສ່ວນເສຍທັງໝົດຂອງປະເທດ ຈົ່ງປະຕິບັດຕົນເພື່ອຄໍ້າປະກັນວ່າ ການ
ເລືອກຕັ້ງໄດ້ດຳເນີນໄປດ້ວຍຄວາມສະງົບ ແລະຢູ່ໃນວິທີທີ່ໜ້າເຊື່ອຖືໄດ້.”
ຄາດວ່າມີປະຊາຊນຫຼາຍກວ່າ 1 ລ້ານ 8 ແສນຄົນຈະພາກັນໄປປ່ອນບັດເລືອກ ເອົາໃນ
ລະຫວ່າງບັນດາຜູ້ສະມັກປະທານາທິບໍດີ 30 ຄົນແລະອີກຫຼາຍຄົນແມ່ນ ສະມັກລົງແຂ່ງ
ຂັນເປັນສະມາຊິກສະພາ. ຮວມຢູ່ໃນບັນດາຜູ້ສະມັກເປັນປະທານາທິບໍດີ ກໍມີອະດີດ
ນາຍົກລັດຖະມົນຕີ Martin Ziguele ແລະອະດີດນາຍົກ ລັດຖະມົນຕີ Anicet
Georges Dologuele ທີ່ເບິ່ງກັນວ່າ ໄດ້ຮັບຄວາມນິ ຍົມ.
