ລິ້ງ ສຳຫລັບເຂົ້າຫາ

ວັນສຸກ, ໒໑ ມິຖຸນາ ໒໐໒໔

ຕາຍ 46 ຄົນ ໃນເຫດ ກໍ່ຄວາມຮຸນແຮງ ຢູ່ໃນອີຣັກ (ວີດີໂອ)


ຊາວບ້ານຍ່າງຜ່ານ ບ່ອນທີ່ລົດຖືກວາງລະເບີດ ຢູ່ ພາກ ກາງຂອງເມືອງ Baqouba, ວັນທີ 25 ສິງຫາ 2013.
ຊາວບ້ານຍ່າງຜ່ານ ບ່ອນທີ່ລົດຖືກວາງລະເບີດ ຢູ່ ພາກ ກາງຂອງເມືອງ Baqouba, ວັນທີ 25 ສິງຫາ 2013.
ຄວາ​ມຮຸນ​ແຮງລະຫວ່າງກຸ່ມ​ສາສະໜາ ​ໄດ້​ປະ​ທະອີຣັກອີກ
​ໃນວັນ​ອາທິດ​ວານ​ນີ້ ດ້ວຍ​ການວາງ​ລະ​ເບີດ​ລົດ​ແລະ​ຍິງ​ກັນ ​
ທີ່​ເຮັດໃຫ້​ຢ່າງ​ໜ້ອຍ 46 ຄົນເສຍ​ຊີວິດ ​ແລະ​ອີກ 100 ກວ່າ
​ຄົນ​ ໄດ້​ຮັບ​ບາດ​ເຈັບ.

​ເມືອງ Baqouba ​ໄດ້​ເປັນ​ເຂ​ດ​ນຶ່ງ​ທີ່​ຖືກ​ໂຈມ​ຕີ​ຢ່າງ​ໜັກ.
ມີ​ລະ​ເບີດລົດ​ແຕກ​ຂຶ້ນ ຢູ່​ຄຸ້ມຄົນ​ຢູ່​ອາ​ໄສ​ແຫ່ງ​ນຶ່ງ ​ແລະ​ຢູ່ງານ
​ກິນ​ດອງ​ແຫ່ງນຶ່ງ.

​ການໂຈມ​ຕີ​ດ້ວຍ​ລະ​ເບີດ​ຢູ່​ໃນ​ແລະ​ອ້ອມແອ້ມ​ນະຄອນຫລວງ
ແບກ​ແດດ ກໍເຮັດ​ໃຫ້​ມີ​ຜູ​ເສຍຊີວິດ​ຢ່າງ​ໜ້ອຍ 16 ຄົນ.

ຢູ່​ທີ່​ແຫ່ງ​ອື່ນໆ ພວກ​ກໍ່​ການ​ຮ້າຍ​ໄດ້​ດັກ​ຍິງ ລົດ​ບັນທຸກພວກ​ທະຫານ​ອີຣັກ​ຄັນ​ນຶ່ງ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ 5 ຄົນ.

ຍັງບໍ່​ມີ​ໃຜອ້າງເອົາ​ຄວາມ​ຮັບຜິດຊອບສໍາລັບ​ການ​ໂຈມ​ຕີ​ໃນ​ວັນ​
ອາທິດ. ​ແຕ່​ວ່າ ຄວາມ​ຕຶງຄຽດ​ລະ​ຫວ່າງ ຊາວ Sunni ທີ່​ເປັນຊົນ
ກຸ່ມ​ນ້ອຍ​ຂອງອີຣັກ ​ແລະ ຊາວ Shi’ite ທີ່​ເປັນ​ຝ່າຍ​ກໍາ​ອໍານາດ​ນັ້ນ ໄດ້​ຟົດ​ເດືອດຄ່ອຍໆ
ມາ​ຕັ້ງ​ແຕ່​ຄາວ​ທີ່ຕໍາຫລວດເຂົ້າກວດ​ລ້າງ​ພວກ​ປະ​ທ້ວງຊາວ​ Sunni ໃນ​ເດືອນ​ເມສາຜ່ານ​ມາ.

ຊາວ Sunni ກ່າວ​ຫາ​ລັດຖະບານວ່າ ຈໍາກັດ​ຮັດ​ແຄບພວກ​ເຂົາ​ເຈົ້າທາງການ​ເມຶ​ອງ ແລະ​
ບໍ່​ຫົວຊາກັບ​ນໍາ​ຄໍາ​ຮຽກຮ້ອງຕ້ອງການຂອງ​ເຂົາ​ເຈົ້າ.

ບັນ​ດາ​ເຈົ້າ​ໜ້າ​ທີ່ ສະຫະ​ປະຊາ​ຊາດ ກ່າວວ່າ ຄວາມ​ຮຸນ​ແຮງ​ໄດ້​ເຮັດ​ໃຫ້​ມີ​ຜູ້​ເສຍ​ຊີວິດ
ຫລາຍ​ພັນ​ຄົນ ​ແລະ​ຢ້ານ​ວ່າ ອີຣັກ ອາດ​ຈະ​ມຸ່ງ​ໜ້າໄປ​ສູ່ ສົງຄາມ​ກາງ​ເມືອງ ກໍ​ໄດ້.

iraq
please wait
Embed

No media source currently available

0:00 0:00:50 0:00
XS
SM
MD
LG