ການໂຈມຕີດ້ວຍລະເບີດລົດຢູ່ເມືອງ Kirkuk ທີ່ຄວບຄຸມໂດຍ
ຊາວເຄີດ ໃນພາກເໜືອອີຣັກ ໄດ້ສັງຫານ ຢ່າງໜ້ອຍ 25 ຄົນ
ແລະໄດ້ຮັບບາດເຈັບອີກ 25 ຄົນ.
ພວກທີ່ເສຍຊີວິດ ແມ່ນຮວມທັງ ພົນລະເຮືອນ ແລະ ທະຫານ
ຊາວເຄີດ ທີ່ປະຈຳການຢູ່ດ່ານກວດແຫ່ງນຶ່ງ.
ເຫດລະເບີດ ໄດ້ເຮັດໃຫ້ປະຕູປ່ອງຢ້ຽມຂອງເຮືອນຊານ ທີ່ຢູ່
ໃກ້ຄຽງນັ້ນແຕກ. ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບ
ໃນການໂຈມຕີດັ່ງກ່າວນີ້ເທື່ອ.
ກ່ອນໜ້ານັ້ນ ໃນຕອນເຊົ້າຂອງວັນສຸກວານນີ້ ກຳລັງຂອງຊາວເຄີດໄດ້ເຂົ້າຢຶດ ເອົາບໍ່ນ້ຳ
ມັນ 2 ແຫ່ງໃນພາກເໜືອຂອງອີຣັກໃກ້ໆເມືອງ Kirkuk ໂດຍເວົ້າວ່າ ຕົນຢາກໃຫ້ສະຖານ
ທີ່ທັງສອງຢູ່ໃນຄວາມປອດໄພ.
ລັດຖະບານກາງອີຣັກທີ່ນະຄອນຫຼວງແບັກແດດໄດ້ປະນາມການເຂົ້າຢຶດດັ່ງກ່າວ ແລະທວງ
ໃຫ້ກຳລັງຂອງຊາວເຄີດຖອນອອກໄປໃນທັນທີ.
ກຳລັງຂອງຊາວເຄີດ ໄດ້ເຂົ້າຄວບຄຸມເມືອງ Kirkuk ແລະເຂດອື່ນໆ ໃນພາກເໜືອຂອງ
ອີຣັກມາໄດ້ເກືອບນຶ່ງເດືອນແລ້ວ.
ແລະໃນການເຄື່ອນໄຫວເພື່ອແຍກໂຕອອກຈາກກັນຕື່ມອີກລະຫວ່າງຊາວເຄີດ ແລະລັດຖະ
ບານນັ້ນພວກນັກການເມືອງຊາວເຄີດໄດ້ໂຈະການເຂົ້າຮ່ວມໃນຄະນະລັດຖະບານຂອງ
ນາຍົກລັດຖະມົນຕີ Nouri al-Maliki ຢ່າງເປັນທາງການ ໂດຍເອີ້ນຜູ້ກ່ຽວວ່າ ເປັນໂຣກປະ
ສາດເສຍຈິດ. ນາຍົກລັດຖະມົນຕີ Maliki ໄດ້ ກ່າວຫາຊາວເຄີດວ່າ ຊຸກເຊື່ອງພວກຫົວຮຸນ
ແຮງຈັດນິກາຍຊຸນນີ່ ທີ່ໄດ້ເຂົ້າຄວບ ຄຸມສ່ວນໃຫຍ່ຂອງພາກເໜືອອີຣັກ ແລະຂົ່ມຂູ່ຕໍ່ນະຄອນ ຫຼວງແບັກແດດນັ້ນ.
ຊາວເຄີດມີເຂດປົກຄອງຕົນເອງຢູ່ໃນພາກເໜືອຂອງອີຣັກແລະຫລາຍໆຄົນຕ້ອງ ການຢາກ
ເປັນເອກກະລາດຈາກອີຣັກ.
