ນາຍົກລັດຖະມົນຕີ ການາດາ ກ່າວວ່າ ສະພາຕ້ອງຂະຫຍາຍ
ອຳນາດ ອົງການສືບລັບ ຂອງປະເທດ ເພື່ອຕິດຕາມເບິ່ງພວກ
ທີ່ສົງໄສເປັນກໍ່ການຮ້າຍຢູ່ຕ່າງປະເທດ ແລະກັກຂັງຜູ້ຄົນຢູ່ໃນ
ປະເທດ ທີ່ສົງໄສວາງແຜນໂຈມຕີແລະທ່ານຈະກົດ ດັນໃຫ້ຮັບ
ຜ່ານການອະນຸມັດດັ່ງກ່າວດ່ວນ.
ການຊຸກຍູ້ໂດຍ ທ່ານ Stephen Harper ເພື່ອໃຫ້ອົງການສືບ
ລັບດ້ານຄວາມໜັ້ນຄົງຂອງການາດາມີອຳນາດຫລາຍຂື້ນ ໃນ
ການຕິດຕາມສິ້ງຊອມ ຫລັງຈາກ ໄດ້ມີການໂຈມຕີໃນນະຄອນ
Ottawa ແລະໃກ້ກັບນະຄອນ Montreal ໃນອາ ທິດນີ້ ທີ່ໄດ້
ສັງຫານທະຫານສອງຄົນນັ້ນ.
ໃນວັນສຸກວານນີ້ ໄດ້ມີການອ້າງຄຳເວົ້າ ຜູ້ນຳຝ່າຍຄ້ານ ທ່ານ Thomas Mulcair ທີ່ກ່າວ
ວ່າ ພັກຂອງທ່ານຈະພິຈາລະນາ ປ່ຽນແປງຮ່າງກົດໝາຍວ່າ ດ້ວຍອົງການ ລັບດ້ານຄວາມ
ໝັ້ນຄົງຂອງການາດາ ສະບັບປີ 1984. ທ່ານ Mulcair ກ່າວວ່າ ພັກປະຊາທິປະໄຕໃໝ່ ມີ
“ຄວາມພໍໃຈທີຈະໃຫ້ການຮ່ວມມືກັບລັດຖະບານ ໃນການເຄື່ອນໄຫວເພື່ອຮັບຜ່ານກົດ
ໝາຍນີ້ ແຕ່ບໍ່ໄດ້ໝາຍຄວາມວ່າ ຕົນຈະໃຫ້ການສະໜັບສະໜູນທຸກໆຢ່າງ ທີ່ພັກນິຍົມ
ແນວາງເດີມ ຕ້ອງການ."
ອົງການຂ່າວຣອຍເຕີ ກ່າວໃນວັນສຸກວານນີ້ວ່າ ລັດຖະບານຂອງພັກນິຍົມແນວ ທາງເດີມ
ຄາດວ່າ ຈະສະເໜີຮ່າງກົດໝາຍເພື່ອຂະຫຍາຍອຳນາດການສືບສວນ ຂອງອົງການສືບ
ລັບ ໃນອາທິດໜ້ານີ້.
ຮ່າງກົດໝາຍທີ່ຄ້າຍຄືກັນ ກໍຄາດວ່າຈະຖືກສະເໜີ ໃນວັດພຸດແລ້ວນີ້ ເວລາສະພາໄດ້
ຖືກລົບກວນຈາກມືປືນຄົນນຶ່ງ ທີ່ໄດ້ບຸກເຂົ້າໄປໃນຕຶກສະພາ ຫລັງຈາກລາວໄດ້ຍິງ ແລະ
ສັງຫານ ທະຫານການາດາຄົນນຶ່ງ ຢູ່ອານຸສາວະລີສົງຄາມ ທີ່ ຢູ່່ໃກ້ໆນັ້ນ
ການາດາ ໄວ້ທຸກ
ລັດຖະມົນຕີຍຸຕິທຳທ່ານ Peter MacKay ກ່າວວ່າ ຮ່າງກົດໝາຍທີ່ໄດ້ມີການ ດັດແປງ
ໃໝ່ ແມ່ນຈະມີຄວາມເຂັ້ມງວດກວ່າຮ່າງກົດໝາຍ ທີ່ບໍ່ເຄີຍສະເໜີນັ້ນ.
ທ່ານ MacKay ຍັງກ່າວອີກວ່າ ລັດຖະບານ ກຳລັງຊອກຫາຊ່ອງທາງ ພາຍໃຕ້ກົດໝາຍ
ປັດຈຸບັນ ເພື່ອທຳການເຄື່ອນໄຫວລົງມືກ່ອນ ໂດຍສະເພາະ ຢູ່ໃນຂົງເຂດ ການກໍ່ການ
ຮ້າຍ.
