ພວກເຈົ້າທີ່ການາດາກ່າວວ່າ ພວກຕົນໄດ້ພະຍາຍາມຈົນສຸດຄວາມສາມາດແລ້ວ ໃນການຕໍ່ສູ້ກັບອັກຄີໄພ ໄຟໄໝ້ປ່ທີ່ຮ້າຍແຮງ ທີ່ໄດ້ທຳລາຍຂົງເຂດກວ້າງໃຫຽ່ ໃນ ອາລເບີຕາ ທາງພາກຕາເວນຕົກຂອງການາດາ.
ທ່ານ Chad Morrison ກ່າວວ່າ ອາກາດທີ່ໜາວເຢັນກັບຝົນຕົກຄ່ອຍໆ “ເຮັດໃຫ້ການ ຕໍ່ສູ້ກັບໄຟເປັນໄປໄດ້ດີ. ພວກເຮົາສາມາດເຂົ້າໄປໄກ້ໄຟໄດ້ ແລະ ການຕໍ່ສູ້ ກໍແມ່ນ ເປັນໄປໄດ້ດີແທ້.”
ເຖິງແມ່ນໄຟບໍ່ໄດ້ໄປເຖິງສະຖານທີ່ຜລິດນໍ້າມັນແຫ່ງສຳຄັນກໍຕາມ ແຕ່ມັນກໍຢູ່ໄກ້ຫຼາຍ ພາໃຫ້ລາຄານໍ້າມັນຂອງໂລກຖີບໂຕຂຶ້ນ ຍ້ອນຄວາມເປັນຫ່ວງ ກ່ຽວກັບອັກຄີໄພ ຂອງ ການາດານີ້.
ມັນບໍ່ເປັນທີ່ແຈ້ງຂາວວ່າ ເມື່ອໃດສະຖານຜລິດນໍ້າມັນດັ່ງກ່າວຈະເປີດຄຶນ. ພວກຄົນງານ ຜລິດນໍ້າມັນ ພ້ອມຄອບຄົວຂອງເຂົາເຈົ້າ ໄດ້ພາກັນອົບພະຍົບໜີໄປປຸກຕູບຜາມ ຢູ່ ແຫ່ງອື່ນ.
ທ່ານ ມາກ ຣູຕ ຫົວໜ້ານັກເສດຖະສາດປະຈຳ ເຄບີຊີ ຂອງອາເມຣິກາ ເທັກໂນໂລຈີ ທີ່ ນະຄອນ ຮູສຕັນ ໄດ້ບອກຂ່າວສານຣອຍເຕີ ວ່າ “ໃນເມື່ອຜູ້ກຳກັບວຽກງານ ແລະ ຄອບ ຄົວຂອງລາວຕ້ອງໜີພ່າຍໄປ ເຖິງແມ່ນໂຮງງານຈະຢູ່ໃນສະພາບດີຢູ່ກໍຕາມ ມັນຈະມີ ຫຽັງດີຂຶ້ນ.”
ທ່ານ ຣູຕ ຄາດຄະເນວ່າ ຢ່າງໜ້ອຍ ການຜລິດນໍ້າມັນແມ່ນຈະຢຸດສະງັກຢູ່ເປັນເວລາ 2 ຫຼື 3 ເດືອນ.
