ໄດ້ເກີດແຜ່ນດິນໄຫວ ທີ່ມີຄວາມແຮງ 7.7 ຣິກເຕີ ຢູ່ເຂດນອກຝັ່ງມະຫາສະມຸດປາຊິຟິກຂອງຄານາດາ ຊຶ່ງໄດ້ກໍ່ໃຫ້ເກີດຄື້ນຟອງສຸນາມິຂຶ້ນ ທີ່ໄດ້ປະທະທັງເຂດຕາເວັນຕົກສຽງໃຕ້ຂອງຄານາດາ ແລະລັດຮາວາຍຂອງສະຫະລັດ ທີ່ຢູ່ໃຕ້ລົງໄປ ກາງມະຫະສະມຸດປາຊີຟິກນັ້ນ.
ຫວໍແຈ້ງເຫດສຸກເສີນ ສົ່ງສຽງກ້ອງກັງວານໄປທົ່ວໝູ່ເກາະຮາວາຍໃນຕອນແລງວັນເສົາວານນີ້ ເພື່ອເຕືອນໄພສຸນາມິທີ່ກໍາລັງຈະມາເຖິງ ສົ່ງຜົນໃຫ້ ພວກຊາວເມືອງແລະນັກທ່ອງທ່ຽວຕາມເຂດຝັ່ງຮາວາຍ ຕ້ອງໄດ້ພາກັນຍົກຍ້າຍໄປຫຼົບໄພຢູ່ພື້ນທີ່ສູງ.
ທ່ານ Neil Abercrombie ຜູ້ວ່າການລັດຮາວາຍ ໄດ້ປະກາດພາວະສຸກ ເສີນ ພ້ອມກັບລະດົມມາດຕະການຮັກສາຄວາມປອດໄພເພີ່ມຂຶ້ນ.
ເຈົ້າໜ້າທີ່ກ່າວວ່າ ຄື້ນຟອງສຸນາມິ ອາດສ້າງຄວາມເສຍຫາຍຢູ່ຕາມຊາຍຝັ່ງຂອງເກາະຮາວາຍທັງໝົດ. ພວກເຈົ້າໜ້າທີ່ໄດ້ປະເມີນວ່າ ຄື້ນຟອງສຸນາມິດັ່ງກ່າວອາດສູງເຖິງສອງແມັດ ແຕ່ວ່າລະດັບຄື້ນຟອງໃນເບື້ອງຕົ້ນ ບໍ່ໄດ້ໃຫຍ່ຕາມທີ່ຄາດຄະເນໄວ້. ຄື້ນຟອງທີ່ວ່າໃຫຍ່ທີ່ສຸດເທົ່າເຖິງດຽວນີ້ ແມ່ນປະມານ ນຶ່ງແມັດເຄິ່ງ ທີ່ວັດແທກຢູ່ເກາະ ມາວອີ (Maui) ແລະບໍ່ໄດ້ສ້າງຄວາມເສຍຫາຍຫຼາຍປານໃດ.
ສູນເຕືອນໄພສຸນາມິປະຈໍາພາກພື້ນປາຊິຟິກ ໄດ້ເຕືອນວ່າ ຄວນມີການປະຕິບັດການຢ່າງຮີບດ່ວນ ເພື່ອປ້ອງກັນການສູນເສຍຊີວິດ ແລະຊັບສິນ. ແລະປະຊາຊົນກໍບໍ່ຄວນຟ້າວກັບຄືນໄປຍັງເຂດທີ່ຖືກຟອງສຸນາມິຊັດຖ້ວມນັ້ນ ຈົນກວ່າທາງການຈະແຈ້ງວ່າ ທຸກຢ່າງປອດໄພແລ້ວ.
ຫວໍແຈ້ງເຫດສຸກເສີນ ສົ່ງສຽງກ້ອງກັງວານໄປທົ່ວໝູ່ເກາະຮາວາຍໃນຕອນແລງວັນເສົາວານນີ້ ເພື່ອເຕືອນໄພສຸນາມິທີ່ກໍາລັງຈະມາເຖິງ ສົ່ງຜົນໃຫ້ ພວກຊາວເມືອງແລະນັກທ່ອງທ່ຽວຕາມເຂດຝັ່ງຮາວາຍ ຕ້ອງໄດ້ພາກັນຍົກຍ້າຍໄປຫຼົບໄພຢູ່ພື້ນທີ່ສູງ.
ທ່ານ Neil Abercrombie ຜູ້ວ່າການລັດຮາວາຍ ໄດ້ປະກາດພາວະສຸກ ເສີນ ພ້ອມກັບລະດົມມາດຕະການຮັກສາຄວາມປອດໄພເພີ່ມຂຶ້ນ.
ເຈົ້າໜ້າທີ່ກ່າວວ່າ ຄື້ນຟອງສຸນາມິ ອາດສ້າງຄວາມເສຍຫາຍຢູ່ຕາມຊາຍຝັ່ງຂອງເກາະຮາວາຍທັງໝົດ. ພວກເຈົ້າໜ້າທີ່ໄດ້ປະເມີນວ່າ ຄື້ນຟອງສຸນາມິດັ່ງກ່າວອາດສູງເຖິງສອງແມັດ ແຕ່ວ່າລະດັບຄື້ນຟອງໃນເບື້ອງຕົ້ນ ບໍ່ໄດ້ໃຫຍ່ຕາມທີ່ຄາດຄະເນໄວ້. ຄື້ນຟອງທີ່ວ່າໃຫຍ່ທີ່ສຸດເທົ່າເຖິງດຽວນີ້ ແມ່ນປະມານ ນຶ່ງແມັດເຄິ່ງ ທີ່ວັດແທກຢູ່ເກາະ ມາວອີ (Maui) ແລະບໍ່ໄດ້ສ້າງຄວາມເສຍຫາຍຫຼາຍປານໃດ.
ສູນເຕືອນໄພສຸນາມິປະຈໍາພາກພື້ນປາຊິຟິກ ໄດ້ເຕືອນວ່າ ຄວນມີການປະຕິບັດການຢ່າງຮີບດ່ວນ ເພື່ອປ້ອງກັນການສູນເສຍຊີວິດ ແລະຊັບສິນ. ແລະປະຊາຊົນກໍບໍ່ຄວນຟ້າວກັບຄືນໄປຍັງເຂດທີ່ຖືກຟອງສຸນາມິຊັດຖ້ວມນັ້ນ ຈົນກວ່າທາງການຈະແຈ້ງວ່າ ທຸກຢ່າງປອດໄພແລ້ວ.
