ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ຂ້າຫລວງໃຫຍ່ການາດາ ກ່າວວ່າ ຈະ "ປັບປ່ຽນ" ພະນັກງານທີ່ີມີຢູ່ໃນ ປະເທດອິນເດຍ


ທີວທັດຂອງ Golden Temple ບ່ອນສັກສິດຂອງຊິກ ໃນເມືອງ Amritsar ປະເທດອິນເດຍ ວັນທີ 20 ກັນຍາ 2023
ທີວທັດຂອງ Golden Temple ບ່ອນສັກສິດຂອງຊິກ ໃນເມືອງ Amritsar ປະເທດອິນເດຍ ວັນທີ 20 ກັນຍາ 2023

ຂ້າຫລວງໃຫຍ່ຂອງການາດາ ໄດ້ກ່າວໃນວັນພະຫັດມື້ີ້ນີ້ວ່າ ຕົນຈະ “ປັບ​ປ່ຽນ” ຈຳນວນໂຕເລກນັກການທູດ ຢູ່ໃນອິນເດຍ ຫລັງຈາກມີການຂົ່ມຂູ່ພະນັກງານ​ທາງສື່ສັງຄົມ ໃນຂະ​ນະ​ທີ່​ມີ​ການ​ຜິດ​ຂ້ອງ​ຕ້ອງ​ຖຽງ​ຢ່າງ​ຂຸ້ນ​ຂຽວ​ທາງການທູດກັບນິວເດລີ ທີ່ເພີ້ມທະວີຂຶ້ນ.

ນາຍົກລັດຖະມົນຕີຂອງການາດາ ທ່ານຈັສຕິນ ທຣູໂດ ໄດ້ຮຽກຮ້ອງອິນເດຍ​ໃຫ້​ຄວາມ​ສຳ​ຄັນ​ຕໍ່​ການ​ກ່າວ​ຫາ “ທີ່​ແຮງທີ່ສຸດ” ​ທີ່​ວ່າ​ສາຍ​ລັບອິນເດຍໄດ້ມີ​ບົດ​ບາດ​ໃນການຄາດຕະກຳ ທ່ານຮາດິບ ຊິງ ນິຈາ ເມື່ອເດືອ​ນມິ​ຖຸນາ ໃກ້ກັບນະຄອນແວນກູເວີ.

ຜົນສະທ້ອນໄດ້ເຮັດໃຫ້ເກີດການຂັບໄລ່ນັກການທູດຕອບ​ໂຕ້​ກັນ ແລະ​ມີ​ການປະຕິເສດຢ່າງແຮງຈາກອິນເດຍ ຊຶ່ງໄດ້ກ່າວວ່າ ການສະເໜີໃດໆທີ່ຕົນ​ມີ​ບົດ​ບາດຢູ່ໃນການສັງຫານທ່ານນິຈາ ເປັນເລືຶ້ອງ “​ໄຮ້​ສາ​ລະ.” ອົງການຂ່າວຝຣັ່ງໄດ້ລາຍງານ.

“ໃນສະ​ພາບແວດລ້ອມໃນປັດຈຸບັນ ບ່ອນທີ່ຄວາມເ​ຄັ່ງ​ຕຶງໄດ້​ທະ​ວີ​ຂຶ້ນ ພວກເຮົາກຳລັງເອົາ​ມາດ​ຕະ​ການເພື່ອຄໍ້າປະກັນຄວາມປອດໄພ​ໃຫ້ແກ່ບັນດານັກການທູດຂອງພວກເຮົາ” ການປະຕິບັດງານຂອງການາດາ ໄດ້ກ່າວຢູ່ໃນຖະແຫລງການ.

“ພ້ອມດ້ວຍບັນດານັກການທູດ​ຈຳນວນນຶ່ງ ທີ່ໄດ້ຮັບການຂົ່ມຂູ່ຜ່ານ​ທາງສື່ສັງຄົມຕ່າງໆ ການ​ປະ​ຕິ​ບັດ​ງານຢູ່ທົ່ວໂລກ​ຂອງການາດາ ກຳລັງຊັ່ງຊາເບິ່ງ​ມາດ​ຕະ​ການ​ເພີ້ມ​ຕື່ມ​ຂອງ​ພະ​ນັກ​ງານ ຢູ່ໃນອິນເດຍ” ຖະ​ແຫຼງ​ການໄດ້ກ່າວເພີ້ມ

ອ່ານຂ່າວນີ້ເປັນພາສາອັງກິດ

XS
SM
MD
LG