ນາຍົກລັດຖະມົນຕີອັງກິດ ທ່ານ David Cameron ກຳລັງຮຽກ
ຮ້ອງໃຫ້ບັນດາຜູ້ນຳຂອງສະຫະພາບຢູໂຣບຫຼືອີຢູ ຍອມຮັບເອົາ
ຄວາມສຳພັນແບບບໍ່ມີການແຊກແຊງ ຊຶ່ງກັນແລະກັນ ຫຼືຄວາມ
ສຳພັນ ຕາມສະພາບຄວາມເປັນຈິງ ເຖິງແມ່ນວ່າ ເຂົາເຈົ້າຈະມີ
ແນວຄວາມຄິດທີ່ແຕກຕ່າງກັນ ຊຶ່ງທ່ານກ່າວວ່າຈະອຳນວຍໃຫ້
ອັງກິດ ໄດ້ຢູ່ໃນສະຫະພາບຢູໂຣບຕໍ່ໄປ.
ທ່ານ Cameron ແລະຜູ້ນຳອື່ນໆອີກ 27 ປະເທດ ຂອງສະຫະ
ພາບຢູໂຣບກຳລັງປະຊຸມສຸດຍອດເປັນເວລາສອງມື້ ທີ່ນະຄອນ
Brussels ເພື່ອເພັ່ງເລັງໃສ່ ວິກິດການອົບພະຍົບ ຂອງຢູໂຣບ
ແລະເຈລະຈາຫາລື ເພື່ອບໍ່ໃຫ້ອັງກິດຖອນໂຕອອກຈາກກຸ່ມດັ່ງ
ກ່າວ.
ທ່ານ Cameron ກ່າວໃນວັນພະຫັດວານນີ້ວ່າ ຄຳຖາມກ່ຽວກັບບ່ອນຢູ່ຂອງອັງກິດໃນຢູ
ໂຣບແມ່ນໄດ້ຖືກປ່ອຍໃຫ້ເປັນບາດແຜມາດົນນານແລ້ວແລະມັນເຖິງເວລາທີ່ຈະຕ້ອງໄດ້
ສະສາງກ່ຽວກັບເລື້ອງນີ້. ຖ້າພວກເຮົາຫາກສາມາດບັນລຸການຕົກລົງກັນໄດ້ຢູ່ທີ່ນີ້ ທີ່ເຂັ້ມ
ແຂງພໍ ເພື່ອຊັກຊວນໃຫ້ປະຊາຊົນຊາວອັງກິດໃຫ້ການສະໜັບສະໜຸນຕໍ່ການເປັນສະມາ
ຊິກຂອງອັງກິດໃນສະຫະພາບຢູໂຣບແລ້ວຫຼັງຈາກນັ້ນພວກເຮົາກໍຈະມີໂອກາດທີ່ຈະແກ້
ໄຂບັນຫາສຳລັບຮຸ້ນຄົນ.
ຫລັກການກ່ຽວກັບການບໍ່ແຊກແຊງຊຶ່ງກັນແລະກັນ ຂອງທ່ານ Cameron ຈະອຳນວຍ
ໃຫ້ອັງກິດແລະປະເທດສະມາຊິກອື່ນໆຂອງສະຫະພາບຢູໂຣບປັບປ່ຽນການປົກຄອງຢູ່
ໃນປະເທດຂອງຕົນໃນວິທີທາງທີ່ຜົນປະໂຫຍດຂອງເຂົາເຈົ້າເປັນພາກສ່ວນນຶ່ງຂອງສະ
ຫະພາບຢູໂຣບ ຍັງຈະຕ້ອງໄດ້ຮັບການປົກປ້ອງ.
ນາຍົກລັດຖະມົນຕີອັງກິດ ພວມຊອກຫາຊ່ອງທາງໃນອັນທີ່ທ່ານກ່າວວ່າ ເປັນຂໍ້ຕົກລົງ
ທີ່ໜ້າເຊື່ອຖືທີ່ສາມາດຕ້ານຢັນກັບການລົງປະຊາມະຕິທີ່ອາດມີຂຶ້ນພາຍໃນທ້າຍປີນີ້.
ພວກນັກການເມືອງອັງກິດຫຼາຍຄົນ ໂດຍສະເພາະໃນພັກນິຍົມແນວທາງເດີມຕ້ອງການ
ໃຫ້ອັງກິດຖອນໂຕອອກຈາກສະຫະພາບຢູໂຣບສ່ວນໃຫຍ່ກໍແມ່ນຍ້ອນເຫດຜົນໃນດ້ານເສດຖະກິດ ແຕ່ກໍຍັງກ່ຽວກັບເລື້ອງອົບພະຍົບນຳດ້ວຍແລະກົດໝາຍຂອງສະຫະພາບຢູໂຣບທີ່ເຂົາເຈົ້າກ່າວວ່າ ຢູ່ເໜືອກົດໝາຍຂອງອັງກິດນັ້ນ.
