ພັກຝ່າຍຄ້ານຂອງກໍາປູເຈຍ ໄດ້ຂົ່ມຂູ່ວ່າ ຈະມີການນັດຢຸດງານ
ໃນຂະນະທີ່ພັກດັ່ງກ່າວ ຂະຫຍາຍການປະທ້ວງຕໍ່ຕ້ານການໄດ້
ຮັບໄຊຊະນະ ໃນການເລືອກຕັ້ງ ທີ່ຍັງມີການຂັດແຍ້ງກັນ ຂອງ
ນາຍົກລັດຖະມົນຕີຮຸນເຊນ.
ຜູ້ນໍາຂອງພັກກູ້ຊາດກຳປູເຈຍ ຫຼື CNRP ທ່ານ ແຊມ ຣັງສີ
ໄດ້ກ່າວໃນວັນພຸດມື້ນີ້ວ່າ ການນັດຢຸດງານເປັນເວລານຶ່ງມື້
ຈະເປັນການຕອບໂຕ້ຕໍ່ອັນທີ່ທ່ານເອີ້ນວ່າ “ລັດຖະປະຫານ
ທາງລັດຖະທໍາມະນູນ” ໂດຍລັດຖະບານ.
ທ່ານແຊມ ຣັງສີ ເວົ້າວ່າ “ຍັງມີຄວາມຄິດລອຍໆຢູ່ ກ່ຽວກັບ
ຄວາມຄິດໃນການນັດຢຸດງານທົ່ວໄປ ດັ່ງນັ້ນ ໃນທົ່ວປະເທດທັງໝົດ ເປັນເວລານຶ່ງມື້
ພວກເຮົາຈະຮຽກ ໃຫ້ມີການນັດຢຸດງານ. ໂຮງງານຕ່າງໆ ພວກລັດຖະກອນທັງໝົດ
ເຈົ້າຂອງຮ້ານຂາຍເຄື່ອງທັງໝົດຈະພາກັນຢຸດເຮັດວຽກໃນມື້ນີ້.”
ພັກຝ່າຍຄ້ານ ໄດ້ປະຕິເສດ ບໍ່ຍອມເຂົ້າກອງປະຊຸມສະພາແຫ່ງຊາດ ຈົນກວ່າວ່າທາງ
ລັດຖະບານຈະຕົກລົງໃຫ້ມີການກວດກາຢ່າງເປັນອິດສະຫລະເບິ່ງການສໍ້ໂກງຄະແນນ
ສຽງໃນການ ເລືອກຕັ້ງ ເມື່ອເດືອນກໍລະກົດຜ່ານມາ ທີ່ພາໃຫ້ພັກປະຊາຊົນກໍາປູເຈຍທີ່
ປົກຄອງປະເທດມາເປັນເວລາດົນນານນັ້ນ ຢູ່ໃນອໍານາດຕໍ່ໄປ.
ທ່ານ ແຊມ ຣັງສີ ໄດ້ກ່າວວ່າ ພັກ CNRP ຈະບໍ່ຮ່ວມມື “ບໍ່ວ່າໃນວິທີໃດກໍຕາມ” ກັບທາງ
ສະພາແຫ່ງຊາດຫລືລັດຖະບານ ໂດຍໂຕ້ແຍ້ງວ່າ ອິດທິພົນໃນການຕໍ່ລອງຂອງຕົນແມ່ນ
ເຂັ້ມແຂງທີ່ສຸດ ຢູ່ນອກສະພາ. ທ່ານຍັງກ່າວອີກວ່າ ອາດຈະມີການປະທ້ວງເພີ່ມຂຶ້ນອີກ
ຖ້າຫາກວ່າ ພັກລັດຖະບານຍັງຈະສືບຕໍ່ເມີນເສີຍຕໍ່ຄວາມຮຽກຮ້ອງຕ້ອງການຂອງປະຊາ ຊົນ.
ການໃຫ້ຄວາມເຫັນຂອງທ່ານ ມີຂຶ້ນນຶ່ງມື້ ຫຼັງຈາກທ່ານຮຸນເຊນ ໄດ້ຖືກເລືອກໂດຍສະພາ
ທີ່ໄຂຂຶ້ນໂດຍບໍ່ມີພັກຝ່າຍຄ້ານເຂົ້າຮ່ວມໃນມື້ວັນຈັນຜ່ານມາ. ພັກ CNRP ກ່າວວ່າ ການ
ເປີດສະພາ ໂດ ບໍ່ມີສະມາຊິກຂອງພັກຝ່າຍຄ້ານເຂົ້າຮ່ວມຕາມທີ່ບັງຄັບນັ້ນ ແມ່ນຜິດ
ກົດໝາຍ.
ໃນຂະນະທີ່ພັກດັ່ງກ່າວ ຂະຫຍາຍການປະທ້ວງຕໍ່ຕ້ານການໄດ້
ຮັບໄຊຊະນະ ໃນການເລືອກຕັ້ງ ທີ່ຍັງມີການຂັດແຍ້ງກັນ ຂອງ
ນາຍົກລັດຖະມົນຕີຮຸນເຊນ.
ຜູ້ນໍາຂອງພັກກູ້ຊາດກຳປູເຈຍ ຫຼື CNRP ທ່ານ ແຊມ ຣັງສີ
ໄດ້ກ່າວໃນວັນພຸດມື້ນີ້ວ່າ ການນັດຢຸດງານເປັນເວລານຶ່ງມື້
ຈະເປັນການຕອບໂຕ້ຕໍ່ອັນທີ່ທ່ານເອີ້ນວ່າ “ລັດຖະປະຫານ
ທາງລັດຖະທໍາມະນູນ” ໂດຍລັດຖະບານ.
ທ່ານແຊມ ຣັງສີ ເວົ້າວ່າ “ຍັງມີຄວາມຄິດລອຍໆຢູ່ ກ່ຽວກັບ
ຄວາມຄິດໃນການນັດຢຸດງານທົ່ວໄປ ດັ່ງນັ້ນ ໃນທົ່ວປະເທດທັງໝົດ ເປັນເວລານຶ່ງມື້
ພວກເຮົາຈະຮຽກ ໃຫ້ມີການນັດຢຸດງານ. ໂຮງງານຕ່າງໆ ພວກລັດຖະກອນທັງໝົດ
ເຈົ້າຂອງຮ້ານຂາຍເຄື່ອງທັງໝົດຈະພາກັນຢຸດເຮັດວຽກໃນມື້ນີ້.”
ພັກຝ່າຍຄ້ານ ໄດ້ປະຕິເສດ ບໍ່ຍອມເຂົ້າກອງປະຊຸມສະພາແຫ່ງຊາດ ຈົນກວ່າວ່າທາງ
ລັດຖະບານຈະຕົກລົງໃຫ້ມີການກວດກາຢ່າງເປັນອິດສະຫລະເບິ່ງການສໍ້ໂກງຄະແນນ
ສຽງໃນການ ເລືອກຕັ້ງ ເມື່ອເດືອນກໍລະກົດຜ່ານມາ ທີ່ພາໃຫ້ພັກປະຊາຊົນກໍາປູເຈຍທີ່
ປົກຄອງປະເທດມາເປັນເວລາດົນນານນັ້ນ ຢູ່ໃນອໍານາດຕໍ່ໄປ.
ທ່ານ ແຊມ ຣັງສີ ໄດ້ກ່າວວ່າ ພັກ CNRP ຈະບໍ່ຮ່ວມມື “ບໍ່ວ່າໃນວິທີໃດກໍຕາມ” ກັບທາງ
ສະພາແຫ່ງຊາດຫລືລັດຖະບານ ໂດຍໂຕ້ແຍ້ງວ່າ ອິດທິພົນໃນການຕໍ່ລອງຂອງຕົນແມ່ນ
ເຂັ້ມແຂງທີ່ສຸດ ຢູ່ນອກສະພາ. ທ່ານຍັງກ່າວອີກວ່າ ອາດຈະມີການປະທ້ວງເພີ່ມຂຶ້ນອີກ
ຖ້າຫາກວ່າ ພັກລັດຖະບານຍັງຈະສືບຕໍ່ເມີນເສີຍຕໍ່ຄວາມຮຽກຮ້ອງຕ້ອງການຂອງປະຊາ ຊົນ.
ການໃຫ້ຄວາມເຫັນຂອງທ່ານ ມີຂຶ້ນນຶ່ງມື້ ຫຼັງຈາກທ່ານຮຸນເຊນ ໄດ້ຖືກເລືອກໂດຍສະພາ
ທີ່ໄຂຂຶ້ນໂດຍບໍ່ມີພັກຝ່າຍຄ້ານເຂົ້າຮ່ວມໃນມື້ວັນຈັນຜ່ານມາ. ພັກ CNRP ກ່າວວ່າ ການ
ເປີດສະພາ ໂດ ບໍ່ມີສະມາຊິກຂອງພັກຝ່າຍຄ້ານເຂົ້າຮ່ວມຕາມທີ່ບັງຄັບນັ້ນ ແມ່ນຜິດ
ກົດໝາຍ.
