ຜູ້ພິພາກສາຄົນນຶ່ງໃນລັດ California ໄດ້ສັ່ງໃຫ້ພວກທະນາຍຄວາມ ທີ່ເປັນຜູ້ຕາງໜ້າ ບໍລິສັດອາຫານທະເລສະຫະລັດ 2 ບໍລິສັດມາປາກົດໂຕຢູ່ສານເພື່ອນັດພົບປະຊຸມ ຫລັງຈາກໄດ້ມີການຍື່ນຟ້ອງ ໃນນາມຊາວກຳປູເຈຍເຈັດຄົນທີ່ໄດ້ອ້າງວ່າ ເຂົາເຈົ້າໄດ້ຖືກຫລອກລວງໃຫ້ໃຊ້ຊີວິດແບບຂ້າທາດ ໃນການຫາປາຢູ່ນອກປະເທດ ທີ່ສົ່ງໃຫ້ແກ່ບໍລິສັດທັງສອງ.
ບັນດາຜູ້ເຄາະຮ້າຍ ຊຶ່ງມີຜູ້ຊາຍຫ້າຄົນ ແລະແມ່ຍິງສອງຄົນ ໄດ້ຍື່ນຟ້ອງຕໍ່ບັນດາບໍລິສັດສະຫະລັດທີ່ລົງທະບຽນໃນຊື່ Robicon Resources ແລະ Wales & Co. Universe ແລະ ບໍລິສັດໄທ Phatthana ອາຫານທະເລ ແລະ S.S Frozen Food Co. ໃນວັນທີ 15 ເດືອນມີຖຸນາ. ຢູ່ໃນສຳນວນຟ້ອງນັ້ນ ໂຈດກ່າວວ່າ ເຂົາເຈົ້າໄດ້ຖືກຫລອກລວງ ເຂົ້າໄປເຮັດວຽກໃຫ້ບັນດາບໍລິສັດເຫຼົ່ານີ້ແລະໄດ້ໃຊ້ເວລາເກືອບສອງປີຖືກ “ບັງຄັບໃຫ້ອອກແຮງງານ ເປັນຂ້າທາດ ແລະຈ່າຍຄ່າໜີ້ສິນ” ລະຫວ່າງປີ 2010 ແລະ 2012.
ບໍລິສັດ Walmart ທີ່ມີຫ້ອງການຢູ່ທີ່ສະຫະລັດ ຖືກລະບຸວ່າແມ່ນນຶ່ງໃນຈຳນວນບັນດາຜູ້ຊື້ຂອງບໍລິສັດ Phatthana ສົ່ງກຸ້ງອອກຂາຍຕ່າງປະເທດ ອີງຕາມສຳນວນຟ້ອງ.
ຜູ້ພິພາກສາ ທ່ານ John F. Walter ໄດ້ສັ່ງໃຫ້ພວກທະນາຍຄວາມມາປາກົດໂຕທີ່ສານໃນວັນທີ 19 ກັນຍານີ້ ເພື່ອສະເໜີການໂຕ້ຖຽງ ຫລັກຖານ ແລະການອະທິບາຍກ່ຽວກັບຄະດີເຂົາເຈົ້າ ຕໍ່ສານເຂດດັ່ງກ່າວຂອງສະຫະລັດ ທີ່ການກ່າວອ້າງຂອງພວກຈຳເລີຍຍັງ ບໍ່ພຽງພໍນັ້ນ.
ບັນດາທະນາຍຄວາມບັນດາຂອງໂຈດ ຍັງຈະສະເໜີການຂໍ້ອ້າງກ່ຽວກັບຄວາມເສຍຫາຍ.
ຄຳສັ່ງຂອງສານກ່າວວ່າ “ຖ້າຫາກທະນາຍຄວາມຫາກບໍ່ສາມາດຍື່ນລາຍງານຮ່ວມຕາມ
ໝາຍກຳນົດການນັດພົບປະຊຸມ ແລະການລົ້ມແຫລວດັ່ງກ່າວ ຖ້າຫາກບໍ່ເປັນທີ່ພໍໃຈໃນການອະທິບາຍແກ່ສານ ສາເຫດຕ້ອງຖືກລົບລ້າງໃນຖານລົ້ມແຫລວຕໍ່ການຈັບກຸມ ຖ້າຫາກການລົ້ມແຫຼວເກີດຂຶ້ນຢູ່ໃນພາກສ່ວນຂອງໂຈດ. ການຕັດສິນວ່າຜິດສັນຍາຈະຕ້ອງ ມີການບັນທຶກໄວ້ຖ້າຫາກການລົ້ມແຫຼວເກີດຂຶ້ນຢູ່ໃນພາກສ່ວນຂອງຈຳເລີຍ."
ອີງຕາມເອກກະສານຂອງສານ ທີມປ້ອງກັນຂອງຈຳເລີຍໃນວັນທີ 3 ເດືອນສິງຫາກ່າວວ່າ ສານບໍ່ມີອຳນາດຕັດສິນ ໃນເລື້ອງນີ້ ເພາະວ່າການກ່າວຫານີ້ ເກີດຂຶ້ນຢູ່ນອກສະຫະລັດ. ບັນດາຜູ້ຕາງໜ້າຂອງໂຈດ ຕອບໂຕ້ວ່າ ສານແມ່ນມີສິດ ພາຍໃຕ້ທັງກົດໝາຍປ້ອງກັນຜູ້ ເຄາະຮ້າຍທີ່ຖືກທໍລະມານ ແລະຂໍ້ຫາທາລຸນຕ່າງຊາດ ຊຶ່ງທັງສອງກົດໝາຍນີ້ສາມາດອະ ນຸຍາດໃຫ້ຊາວຕ່າງດ້າວແກ້ໄຂການລະເມີດສິດທິມະນຸດ ສຳລັບການກະທຳທີ່ເກີດຂຶ້ນຢູ່ນອກສະຫະລັດ.
ການໂທລະສັບໄປຫາ ທະນາຍຄວາມຝ່າຍຈຳເລີຍ ຍັງບໍ່ໄດ້ຮັບຄຳຕອບຄືນໂດຍທັນທີ່.
