ສານຍຸຕິທຳ ທີ່ໄດ້ຮັບການໜູນຫຼັງ ຈາກ ອົງການສະຫະປະຊາຊາດໃນ ກຳປູເຈຍ ໄດ້ຕັດ ສິນເຫັນພ້ອມ ໃຫ້ຈຳຄຸກຕະຫຼອດຊີວິດ ອະດີດຜູ້ນຳ ຂະເໝນແດງສອງຄົນ ໃນການກໍ່ອາ ຊະຍາກຳຕໍ່ມວນມະນຸດຊາດ.
ທ້າວ Khieu Samphan, ອະດີດປະມຸກລັດ ແລະ ທ້າວ Nuon Chea ຜູ້ນຳໝາຍເລກ 2 ຂອງກຸ່ມ ຂະເໝນແດງ ຮອງຈາກ ປົນ ປົດ, ກ່ອນໜ້ານີ້ ໄດ້ຖືກຕັດສິນລົງໂທດໃນປີ 2014 ໃນຖານມີສ່ວນ ພົວພັນກັບຂໍ້ຫາຂ້າລ້າງເຊື້ອຊາດ, ການບັງຄັບໃຫ້ຜູ້ຄົນຫາຍສາບສູນ ແລະ ການປະຫັດປະຫານທາງການເມືອງ.
ຜູ້ພິພາກສາຂອງສານສູງສຸດ ທ່ານ Kong Srim ໄດ້ກ່າວໃນວັນພຸດມື້ນີ້ວ່າ ການຕັດສິນ ຈຳຄຸກຕະຫຼອດຊີວິດແມ່ນເໝາະສົມແລ້ວ, ແລະ ວ່າຜູ້ຊາຍທັງສອງຄົນໄດ້ສະແດງໃຫ້ ເຫັນ “ການຂາດຄວາມຮ່ວມມືທັງໝົດ ສຳລັບຊາຕາກຳຂັ້ນສຸດທ້າຍຂອງປະຊາກອນ ກຳປູເຈຍ.”
ທ້າວ Chea ແລະ ທ້າວ Samphan ແມ່ນເຈົ້າໜ້າທີ່ ອາວຸໂສທີ່ສຸດຂອງກຸ່ມ ຂະເໝນ ແດງ ທີ່ຍັງມີຊີວິດຢູ່. ພວກເຂົາຍັງຢູ່ໃນຂັ້ນຕອນການພິຈາລະນາຄະດີ, ໃນຄະດີທີສອງ ທີ່ປະກອບມີຂໍ້ກ່າວຫາ ຂ້າລ້າງເຜົ່າພັນ. ທະນາຍຄວາມຂອງພວກເຂົາໄດ້ໂຕ້ຖຽງ ການ ຕັດສິນລົງ ໂທດໃນປີ 2014 ວ່າ ແມ່ນມີຂຶ້ນໂດຍຄວາມຜິດພາດ ແລະ ຄວາມລຳອຽງຂອງ ບັນດາຜູ້ພິພາກສາ. ແລະ ໃນຂະນະທີ່ການຕັດສິນໃນວັນພຸດວານມື້ນີ້ ກໍໄດ້ເນັ້ນໃຫ້ເຫັນເພິງບັນຫາບາງຢ່າງ, ເຊິ່ງຄຳພິພາກສາໂດຍລວມແລ້ວແມ່ນຍັງຄົງເດີມ.
ສານຍຸຕິທຳ ໄດ້ຕັດສິນລົງໂທດອີກຄົນໜຶ່ງ, ໃນຂະນະທີ່ຜູ້ນຳຂອງກຸ່ມ ຂະເໝນ ແດງ ຫຼາຍຄົນໄດ້ເສຍຊີວິດແລ້ວ.
ພວກ ຂະເໝນ ແດງ ແມ່ນໄດ້ສັງຫານປະຊາຊົນ ກຳປູເຈຍ ປະມານ 1 ລ້ານ 7 ແສນຄົນ ລະຫວ່າງປີ 1975 ຫາ 1979.
