ລິ້ງ ສຳຫລັບເຂົ້າຫາ

ພວກນັກ​ສຶກສາ ​ກຳປູ​ເຈຍ ປະທະ ກັບຕຳຫຼວດ ຢູ່ນອກ ສະຖານທູດ ຫວຽດນາມ


ພວກນັກສຶກສາ ປະທະກັບຕຳຫຼວດ ທີ່ພະນົມເປັນ

ມີ​ນັກ​ສຶກສາກຳປູ​ເຈຍ ປະມາ​ນ 100 ຄົນ ປະ​ທະ​ກັບຕຳຫຼວດ
​ເປັນເວລາສັ້ນໆໃນ​ວັນ​ອັງຄານ​ວານນີ້ ​ໃນຂະນະ​ທີ່​ປະ​ທ້ວງ
ຕໍ່ການ​ຖະ​ແຫຼ​ງຂອງເຈົ້າ​ໜ້າ​ທີ່ສະຖານທູດ​ຫວຽດນາມໃນເລື້ອງ
​ທີ່​ຊາວ​ກຳປູ​ເຈຍເສຍ​ດິນ​ແດນໃຫ້​ຮາ​ໂນ່ຍ.

ພວກ​ປະ​ທ້ວງ ຊຶ່ງປະກອບດ້ວຍພວກນັກ​ສຶກສາ​ກຳປູ​ເຈຍ ​
ແລະ​ຂະບວນການ​ປັນຍາ​ຊົນ ​ໄດ້ໂຮ​ມຊຸ​ມນຸມກັນຢູ່​ຂ້າງ​ນອກ
​ສະຖານທູດ​ຫວຽດນາມ ​ໃນ​ນະຄອນຫຼວງ​ພະນົມ​ເປັນ ​ໃນ​ວັນ​
ອັງຄານ​ວານນີ້. ບໍ່​ມີ​ຜູ້ໃດທີ່​ບາດ​ເຈັບ​ສາຫັດ ໃນ​ການ​ປະ​ທະ​
ກັບພວກ​ຕໍ​ຫຼວດ ຜູ້​ຊຶ່ງ​ພະຍາຍາມທີ່​ຈະ​ຍຸຕິ ​ໃນ​ອັນທີ່​ທາງ
​ເຈົ້າ​ໜ້າ​ທີ່​ເອີ້ນ​ວ່າ ການ​ໂຮມ​ຊຸມນຸມຜິດ​ກົດໝາຍນັ້ນ.

ຄວາມຄຽດ​ແຄ້ນ​ຂອງ​ພວກ​ນັກ​ສຶກສາ​ແມ່ນ​ເລີ່​ມຕົ້ນ​ ຈາກ​ລາຍ​ງານ ທີ່​ອ້າງ​ເອົາ​ຄຳ​ເວົ້າ ​ໃນ​ອັນ
ທີ່ໂຄສົກ​ຂອງສະຖານທູດ​ຫວຽດນາມທ່ານ Tran Van Thong ທີ່​ກ່າວວ່າ ເຂດສາມຫລ່ຽມ
ປາກແມ່​ຂອງ ແມ່ນ​ບໍ່​ເຄີຍ​ເປັນ​ຂອງ​ກຳປູ​ເຈຍ​ມາ​ກ່ອນ ​ໃນ​ອະດີດ.

XS
SM
MD
LG