ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ພັກຝ່າຍຄ້ານ ກຳປູເຈຍ ປະກາດ ລົງແຂ່ງຂັນ ໃນການເລືອກຕັ້ງ ປີ 2018


ສະມາຊິກສະພາແຫ່ງຊາດ ພັກກູ້ຊາດກຳປູເຈຍ ຫລື CNRP ທ່ານ Son Chhay, ກາງຊ້າຍ, ທ່ານ Mu Sochua, ກາງຂວາ, ຢືນກ່າວຖະແຫຼງ ຕໍ່ບັນການັກຂ່າວ ຮ່ວມກັນ.
ສະມາຊິກສະພາແຫ່ງຊາດ ພັກກູ້ຊາດກຳປູເຈຍ ຫລື CNRP ທ່ານ Son Chhay, ກາງຊ້າຍ, ທ່ານ Mu Sochua, ກາງຂວາ, ຢືນກ່າວຖະແຫຼງ ຕໍ່ບັນການັກຂ່າວ ຮ່ວມກັນ.

ພັກ​ຝ່າຍ​ຄ້ານ​ກຳປູ​ເຈຍ​ກ່າວ​ວ່າ ຕົນ​ຈະ​ເຂົ້າຮ່ວມ​ການ​ແຂ່ງຂັນການ​ເລືອກ​ຕັ້ງ​ໃນ​ປີໜ້າ
​ເຖິງ​ແມ່ນ​ວ່າ ຜູ້ນຳຂອງ​ພັກ​ໄດ້​ຖືກ​ຈັບ​ໃນ​ຂໍ້​ຫາຂາຍ​ຊາດ ​ແລະນາຍົກລັດ ຖະມົນຕີ
Hun Sen ຂົ່ມຂູ່​ທີ່​ຈະ​ຍຸບ​ພັກດັ່ງກ່າວ.

ທ່ານ Son Chhay ສະມາຊິກ​ອາວຸ​ໂສ​ຄົນນຶ່ງ​ຂອງ​ພັກ​ກູ້ຊາດກຳປູ​ເຈຍຊຶ່ງ​ເປັນ ພັກ
​ຝ່າຍ​ຄ້ານ ​ໄດ້ໃຫ້​ຄຳ​ໝັ້ນສັນຍາ​ທີ່​ຈະ​ທ້າ​ທາຍ​ພັກ​ປະຊາຊົນກຳປູ​ເຈຍຊຶ່ງ​ເປັນ ລັດຖະ
ບານ ຂອງນາ​ຍົກ​ລັດຖະມົນ​ຕີ​ ​ໃນ​ວັນ​ອັງຄານ​ມື້​ນີ້ ​ລະຫວ່າງ​ກອງ​ປະຊຸມ​ຖ​ະ​ແຫຼງຂ່າວ
​ທີ່​ນະຄອນ​ພະນົມ​ເປັນ.

ຜູ້ນຳພັກ​ກູ້​ຊາດ ທ່ານ Kem Sokha ​ໄດ້​ຖືກ​ຈັບ​ໄປ​ຈາກ​ເຮືອນຂອງ​ທ່ານ ​ໃນ​ວັນ​ທີ 3 ກັນຍາຜ່ານ​ມາ ​ແລະ​ກ່າວ​ຫາ​ວ່າ​ຂາຍ​ຊາດ. ລັດຖະບານ​ກ່າວ​ວ່າ ຂໍ້​ຫາແມ່ນອີງ​ຕາມ
ຄຳ​ເວົ້າ​ຂອງທ່ານ Sokha ທີ່​ໄດ້​ບັນທຶກ​ໄວ້ ​ຢູ່ໃນ​ວີ​ດີ​ໂອ​ ​ເມື່ອ​ປີ 2013 ​ໃນ​ອັນ​ທີ່​ທ່ານ
ກ່າວ​ອ້າງ​ວ່າ​ ໄດ້​ຮັບ​ການ​ຊ່ວຍ​ເຫລືອ​ຈາກ​ສະຫະລັດ ​ເພື່ອ​ສ້າງ​ຂະ​ບວນການ​ສະໜັບ
ສະໜູນ​ປະຊາທິປະ​ໄຕ ຢູ່​ໃນ​ກຳປູ​ເຈຍ.

ທ່ານ Hun Sen ​ໄດ້ຂົ່ມຂູ່​ທີ່​ຈະ​ຍຸບພັກ​ກູ້​ຊາດ ຖ້າພັກ​ຫາກ​ແຊກ​ແຊງ​ຕາງໜ້າ ​ໃຫ້ທ່ານ
Kem Sokha.

ອ່ານຂ່າວນີ້ເພີ້ມເປັນພາສາອັງກິດ

Cambodia Election
please wait
Embed

No media source currently available

0:00 0:01:26 0:00

XS
SM
MD
LG