ບັນດາທ່ານໝໍໃນກໍາປູເຈຍເວົ້າວ່າ ພວກເຂົາເຈົ້າໄດ້ຊອກພົບໂຣກອັນນຶ່ງ ທີ່ໄດ້ສັງຫານ ເດັກນ້ອຍຫລາຍສິບຄົນໃນໄລຍະສາມເດືອນຜ່ານມາ.
ພວກເຈົ້າໜ້າທີ່ກະຊວງສາທາລະນະສຸກຂອງກໍາປູເຈຍ ແລະອົງການອະນາໄມໂລກໄດ້
ປະກາດໃນວັນອາທິດວານນີ້ວ່າ ຕົວຢ່າງທີ່ໄດ້ເອົາມາຈາກຢ່າງໜ້ອຍ 60 ຄົນ ທີ່ໄດ້ເສຍ
ຊີວິດໄປ ຖືກກວດພົບວ່າ ມີເຊື້ອຕ້ານໄວຣັສ Enterovirus 71 ຊຶ່ງພາໃຫ້ເປັນພະຍາດ
ມື ຕີນ ແລະປາກເປື່ອຍນັ້ນ. ພະຍາດນີ້ແຜ່ຜາຍ ໂດຍຜ່ານການສໍາພັດກັບຂີ້ກະເທີ່, ນໍ້າ
ລາຍ ຫລືອາຈົມຂອງຄົນທີ່ຕິດເຊື້ອ.
ພວກເຈົ້າໜ້າທີ່ ຂອງອົງການອະນາໄມໂລກຂອງສະຫະປະຊາຊາດ ແລະກໍາປູເຈຍ ກໍາລັງ
ຮຽກຮ້ອງໃຫ້ຜູ້ເປັນພໍ່ແມ່ ຈົ່ງເອົາລູກຂອງຕົນໄປໂຮງໝໍທັນທີ ຖ້າຫາກພວກເດັກນ້ອຍ ສະ ແດງອາການເຈັບປ່ວຍທີ່ຜິດປົກກະຕິ. ມາຮອດປັດຈຸບັນ ຍັງບໍ່ມີລາຍງານວ່າມີກໍລະນີແບບ
ນີ້ ເກີດຂຶ້ນຢູ່ນອກກໍາປູເຈຍເທື່ອ.
