ການປະທ້ວງ ມາເປັນເວລາ 3 ມື້ ຢູ່ຕໍ່ໜ້າສະຖານທູດຫວຽດນາມ
ທີ່ນະຄອນຫຼວງພະນົມເປັນໄດ້ຍຸດຕິລົງຢ່າງສັນຕິໃນວັນພຸດວານ
ນີ້ ແຕ່ວ່າບໍ່ໄດ້ມີຄຳຕອບໃດໆ ຈາກບັນດາເຈົ້າໜ້າທີ່ຫວຽດນາມ
ກ່ຽວກັບຂໍ້ຄິດເຫັນຕ່າງໆເລື້ອງພາກສ່ວນນຶ່ງເຂດສາມຫຼ່ຽມປາກ
ແມ່ນ້ຳຂອງໃນພາກໃຕ້ ທີ່ເຄີຍເປັນສ່ວນນຶ່ງ ຂອງກຳປູເຈຍ ແຕ່
ໄດ້ຖືກມອບໃຫ້ຫວຽດນາມໃນຕອນທ້າຍຂອງການປົກຄອງແບບ
ອະນານິຄົມຂອງຝຣັ່ງນັ້ນ.
ພວກປະທ້ວງ ຫຼາຍກວ່າ 100 ຄົນ ຮວມທັງພວກະສົງໄດ້ເລີ້ມທຳ
ການປະທ້ວງໃນວັນຈັນຜ່ານມານີ້ ເພື່ອຮຽກຮ້ອງໃຫ້ໂຄສົກປະຈຳ
ສະຖານທູດອອກມາຂໍອະໄພໂດຍໄດ້ກ່າວໃນຫວ່າງໄວໆຜ່ານມາ
ນີ້ວ່າ ຂົງເຂດສາມຫຼ່ຽມປາກແມ່ນ້ຳຂອງ ໃນປະຫວັດສາດນັ້ນ ເປັນຂອງຫວຽດນາມ.
ທ່ານ Tran Van Thong ໂຄສົກສະຖານທູດຫວຽດນາມ ທີ່ໄດ້ກ່າວຖ້ອຍຄຳດັ່ງກ່າວ
ມາກ່ອນນັ້ນ ບໍ່ສາມາດຕິດຕໍ່ໄດ້ ເພື່ອໃຫ້ຄວາມຄິດຄວາມເຫັນ ກ່ຽວກັບເລື້ອງນີ້ ແຕ່ສະຖານທູດ ໄດ້ອອກຖະແຫຼງການສະບັບນຶ່ງ ໃນເດືອນແລ້ວນີ້ໂດຍເອີ້ນການເດີນຂະບວນປະທ້ວງດັ່ງກ່າວວ່າເປັນການເຂົ້າແຊກແຊງໃນເລື່ອງເຂດນ້ຳແດນດິນຂອງຫວຽດ
ນາມ.
ການເສຍຂົງເຂດດັ່ງກ່າວ ໃຫ້ຫວຽດນາມ ເປັນເລື້ອງຫລໍ່ແຫຼມສຳລັບຊາວກຳປູເຈຍຫຼາຍ
ຄົນ ເຖິງແມ່ນລັດຖະບານພະນົມເປັນບໍ່ໄດ້ໂຕ້ແຍ້ງໃດໆກ່ຽວກັບຊາຍແດນໃນປັດຈຸບັນນີ້
ກໍຕາມ. ຂົງເຂດດັ່ງກ່າວ ຍັງເປັນຖິ່ນຖານຂອງພົນລະເມືອງ ຈາກຊົນກຸ່ມນ້ອຍກຳປູເຈຍ
ຢ່າງຫລວງຫລາຍຢູ່.
