ລິ້ງ ສຳຫລັບເຂົ້າຫາ

ນາຍົກກຳປູເຈຍ ຕິຕຽນວິທະຍຸວີໂອເອ ແລະເອເຊຍເສຣີ

  • ໄພສານ ວໍຣະຈັກ

ນາຍົກລັດຖະມົນຕີຮຸນເຊນ ແຫ່ງກຳປູເຈຍ

ໃນມື້ວານນີ້ ທ່ານຮຸນເຊນ ນາຍົກລັດຖະມົນຕີກຳປູເຈຍ ໄດ້ຕຳໜິຕິຕຽນຢ່າງແຮງຕໍ່ວີໂອເອ
ແລະວິທະຍຸເອເຊຍເສຣີໂດຍເວົ້າວ່າລາຍງານຂ່າວຂອງວິທະຍຸທັງສອງມີຄຸນນະພາບຕໍ່າຫຼາຍ.

ທ່ານຮຸນເຊນໄດ້ກ່າວຫາວິທະຍຸທັງສອງຊຶ່ງຕ່າງກໍໄດ້ຮັບເງິນສະໜັບສະໜຸນຈາກອົງການຄຸ້ມ ຄອງການອອກອາກາດຂອງລັດຖະບານສະຫະລັດຫຼື BBG ນັ້ນວ່າ ບິດເບືອນຄວາມຈິງຫຼື ບໍ່ມີຂ່າວຄາວທີ່ເປັນປະໂຫຍດໃດໆທັງສິ້ນ.

ນາຍົກລັດຖະມົນຕີກຳປູເຈຍໃຫ້ທັດສະນະຄວາມເຫັນດັ່ງກ່າວໃນການຕອບຄຳຖາມຂອງນັກ
ຂ່າວວີໂອເອພະແນກພາສາຂະເມນຄົນນຶ່ງ ທີ່ກອງປະຊຸມນັກຂ່າວ ຢູ່ກຳປູເຈຍ. ຄຳຖາມກໍ
ແມ່ນກ່ຽວກັບສານອາຍານາໆຊາດ ດຳເນີນຄະດີພວກຂະເໝນແດງ ແລະທ່ານຮຸນເຊນເວົ້າ
ວ່າບໍ່ໄດ້ຮວມຢູ່ໃນຫົວຂໍ້ຂອງກອງປະຊຸມຖະແຫຼງຂ່າວຊຶ່ງມີຂຶ້ນລຸນຫຼັງກອງປະຊຸມຄະນະລັດ
ຖະບານຂອງທ່ານ ຊຶ່ງສ່ວນໃຫຍ່ແລ້ວ ແມ່ນຄອບງຳໂດຍຄຳຖາມ ກ່ຽວກັບບັນຫາຂັດແຍ້ງ
ເລື່ອງຊາຍແດນຂອງກຳປູເຈຍກັບໄທ.

ທ່ານຮຸນເຊນໄດ້ກ່າວຊົມເຊີຍວິທະຍຸຝຣັ່ງສາກົນ ແລະໄດ້ສະເໜີທີ່ຈະຈ້າງພະນັກງານຂອງວີ
ໂອເອແລະວິທະຍຸເອເຊຍເສຣີ ເພື່ອໄປເຮັດວຽກໃຫ້ແກ່ສະຖານີວິທະຍຸກຳປູເຈຍ.

ວີໂອເອໄດ້ຕອບຕໍ່ການໃຫ້ທັດສະນະຄວາມເຫັນຂອງນາຍົກລັດຖະມຸນຕີຮຸນເຊນ ໂດຍເວົ້າ
ວ່ານັກຂ່າວຂອງວີໂອເອໃນທົ່ວໂລກ ຮວມທັງພວກທີ່ເກັບກຳຂ່າວກ່ຽວກັບເຫດການຕ່າງໆ
ໃນກຳປູເຈຍ ແມ່ນຢຶດໝັ້ນໃນມາດຕະຖານທີ່ສູງທີ່ສຸດ ໃນການລາຍງານຂ່າວທີ່ຖືກຕ້ອງ ບໍ່
ເຂົ້າຂ້າງອອກຂາ ຊຶ່ງມາດຕະຖານເຫຼົ່ານີ້ແມ່ນກຳນົດໄວ້ ຢູ່ໃນກົດໝາຍສະຫະລັດ.

XS
SM
MD
LG