ກຳປູເຈຍ ແລະຫວຽດນາມໄດ້ຕົກລົງກັນ ທີ່ຈະຮ່ວມກັນ
ຕໍ່ສູ້ກັບການລັກລອບຄ້າຂາຍຢາເສບຕິດ ແລະເຮັດໃຫ້
ການຄ້າຂ້າມຊາຍແດນຂອງກັນແລະກັນນັ້ນງ່າຍຂຶ້ນ
ໃນກອງປະຊຸມລະດັບສູງທີ່ນະຄອນຫລວງ ພະນົມເປນ
ຂອງກໍາປູເຈຍ.
ທ່ານນາຍົກລັດຖະທົນຕີຫວຽດນາມທ່ານ Pham Gia
Khiem ເປັນຜູ້ນຳພາຄະນະຜູ້ແທນຫວຽດນາມ ໃນກອງ
ປະຊຸມໃນວັນອັງຄານວານນີ້ ຮ່ວມກັບທ່ານລັດຖະມົນຕີ
ກະຊວງພາຍໃນຂອງກຳປູເຈຍ ທ່ານ Sar Kheng
ຫວຽດນາມໄດ້ກາຍມາເປັນນຶ່ງໃນບັນດາພວກນັກລົງທຶນຕ່າງປະເທດລາຍໃຫ່ຽລາຍນຶ່ງ
ຂອງກຳພູເຈຍ ໂດຍໄດ້ສ້າງວຽກງານໃຫ້ແກ່ຊາວກຳພູເຈຍຫຼາຍພັນຄົນ ໂດຍສະເພາະ
ໃນເຂດແຂວງທີ່ມີຊາຍແດນຕິດກັນນັ້ນ.
ການຢ້ຽມຢາມຄັ້ງນີ້ ບໍລິສັດພະລັງງານຂອງຫວຽດນາມ (Petrolimex) ກໍໄດ້ເປີດ
ຫ້ອງການໃນພະນົມເປນ ຂະນະທີ່ບໍລິສັດດັ່ງກ່າວ ຫາທາງເພິ່ມຍອດຂາຍຂອງຕົນ
ໃນກຳພູເຈຍ. ຫວຽດນາມແມ່ນໄດ້ຄວບຄຸມຕະຫລາດຜະລິດພັນນ້ຳມັນຂອງກໍາປູເຈຍ
ແລ້ວເຖິງ 50%.
ທັງສອງຝ່າຍຍັງໄດ້ຕົກລົງທີ່ຈະຈັດຕັ້ງດ່ານກວດກາຊາຍແດນໃໝ່ຂຶ້ນຫລາຍແຫ່ງ
ເພື່ອຕໍ່ສູ້ກັບການລັກລອບສິນຄ້າຂ້າມຊາຍແດນ ແຕ່ເຈົ້າໜ້າທີ່ກ່າວວ່າ ເຂົາເຈົ້າຕ້ອງ
ການຖະໜົນຫົນທາງທີ່ດີຂຶ້ນກ່ວາເກົ່າເພື່ອສົ່ງເສີມການຄ້າສອງຝ່າຍໃຫ້ມີຫລາຍຂຶ້ນນັ້ນ.
