ຕໍາຫຼວດກໍາປູເຈຍ ຈັບກຸມ 8 ຄົນ ທີ່ແຕ້ມຂໍ້ຄວາມຢູ່ເທິງຫຼັງຄາບ້ານເຮືອນ ຂອງພວກເຂົາເຈົ້າ ຮ້ອງຂໍໃຫ້ປະທານາທິບໍດີບາຣັກ ໂອບາມາ ຊ່ວຍເຫຼືອ ພວກເຂົາເຈົ້າ ບໍ່ໃຫ້ຖືກຂັບໄລ່ອອກຈາກດິນທີ່ພວກເຂົາເຈົ້າອາໄສຢູ່.
ບັນດານັກເຄື່ອນໄຫວກ່ຽວກັບເລຶ່ອງນີ້ ກ່າວວ່າ ມີ 180 ຄອບຄົວ ທີ່ອາໄສຢູ່ໃກ້ເຂດບໍລິເວນສະໜາມບິນພະນົມເປັນ ໄດ້ຖືກທາງການບອກໃຫ້ ພາກັນຍ້າຍໜີອອກຈາກບ້ານເຮືອນຂອງພວກເຂົາເຈົ້າ ຍ້ອນມີຄວາມເປັນ ຫ່ວງເລຶ່ອງຄວາມປອດໄພ ກ່ອນໜ້າການເດີນທາງມາຢ້ຽມຢາມກໍາປູເຈຍ ຂອງປະທານາທິບໍດີໂອບາມາ ໃນວັນຈັນຈະມານີ້ ຊຶ່ງພວກຄອບຄົວດັ່ງ ກ່າວນີ້ເວົ້າວ່າ ພວກເຂົາເຈົ້າບໍ່ໄດ້ຮັບເງິນຊົດເຊີຍໃນຈໍານວນທີ່ເໝາະສົມເລີຍ.
ບາງຄອບຄົວກໍພາກັນເອົາຮູບຂອງທ່ານໂອບາມາ ຕິດໄວ້ຢູ່ເທິງຫຼັງຄາຂອງພວກເຂົາເຈົ້າໃກ້ກັບຂໍ້ຄວາມທີ່ແຕ້ມເປັນຕົວໜັງສືວ່າ SOS ໝາຍເຖິງຂໍຄວາມຊ່ວຍເຫຼືອດ່ວນ. ນັກເຄື່ອນໄຫວເວົ້າອີກວ່າ ພວກຕໍາຫຼວດໄດ້ບຸກເຂົ້າໄປໃນບ້ານເຮືອນຂອງພວກເຂົາເຈົ້າໃນຕອນເຊົ້າວັນພະຫັດມື້ນີ້ ແລະໄດ້ສັ່ງໃຫ້ລຶບຕົວໜັງສືທີ່ແຕ້ມນັ້ນອອກແລະຈັບກຸມພວກໃດທີ່ເປັນຕົວການ ກໍ່ເລຶ່ອງນີ້.
ການຂັບໄລ່ທີ່ ຖືເປັນເລຶ່ອງທໍາມະດາທີ່ມີມາໃນກໍາປູເຈຍ ບ່ອນທີ່ມີບໍ່ເທົ່າ ໃດຄົນທີ່ມີໃບຕາດິນ ທີ່ເປັນຜົນສືບເນື່ອງມາຈາກການຍຶດຊັບສິນເອກກະຊົນຂອງພວກຂະເໜນແດງໃນລະຫວ່າງຊຸມປີ 1970 ນັ້ນ. ການຂັບໄລ່ດັ່ງກ່າວນີ້ ຍັງເປັນຜົນໃຫ້ປະຊາຊົນຫຼາຍພັນຄົນຕ້ອງພັດພາກຈາກຖິ່ນທີ່ ເຄີຍຢູ່ອາໄສ ແລະກໍມັກຈະເກີດມີການປະທະກັນຢູ່ເລື້ອຍໆກັບພວກເຈົ້າ ໜ້າທີ່ຮັກສາຄວາມປອດໄພ.
ບັນດາກຸ່ມປົກປ້ອງສິດທິມະນຸດ ໄດ້ຮຽກຮ້ອງໃຫ້ປະທານາທິບໍດີໂອບາມາ ຈົ່ງໄດ້ຍົກເອົາ ບັນຫາຄວາມເປັນຫ່ວງດ້ານສິດທິມະນຸດຂຶ້ນມາປຶກສາກັນໃຫ້ໄດ້ ໃນອາທິດຈະມານີ້ ເວລາທ່ານເປັນປະທານາທິບໍດີສະຫະລັດຄົນທໍາອິດທີ່ຈະໄດ້ໄປຢ້ຽມຢາມປະເທດກຳປູເຈຍ ທີ່ຕັ້ງຢູ່ໃນຂົງເຂດເອເຊຍຕາເວັນອອກສຽງໃຕ້ນັ້ນ.
ບັນດານັກເຄື່ອນໄຫວກ່ຽວກັບເລຶ່ອງນີ້ ກ່າວວ່າ ມີ 180 ຄອບຄົວ ທີ່ອາໄສຢູ່ໃກ້ເຂດບໍລິເວນສະໜາມບິນພະນົມເປັນ ໄດ້ຖືກທາງການບອກໃຫ້ ພາກັນຍ້າຍໜີອອກຈາກບ້ານເຮືອນຂອງພວກເຂົາເຈົ້າ ຍ້ອນມີຄວາມເປັນ ຫ່ວງເລຶ່ອງຄວາມປອດໄພ ກ່ອນໜ້າການເດີນທາງມາຢ້ຽມຢາມກໍາປູເຈຍ ຂອງປະທານາທິບໍດີໂອບາມາ ໃນວັນຈັນຈະມານີ້ ຊຶ່ງພວກຄອບຄົວດັ່ງ ກ່າວນີ້ເວົ້າວ່າ ພວກເຂົາເຈົ້າບໍ່ໄດ້ຮັບເງິນຊົດເຊີຍໃນຈໍານວນທີ່ເໝາະສົມເລີຍ.
ບາງຄອບຄົວກໍພາກັນເອົາຮູບຂອງທ່ານໂອບາມາ ຕິດໄວ້ຢູ່ເທິງຫຼັງຄາຂອງພວກເຂົາເຈົ້າໃກ້ກັບຂໍ້ຄວາມທີ່ແຕ້ມເປັນຕົວໜັງສືວ່າ SOS ໝາຍເຖິງຂໍຄວາມຊ່ວຍເຫຼືອດ່ວນ. ນັກເຄື່ອນໄຫວເວົ້າອີກວ່າ ພວກຕໍາຫຼວດໄດ້ບຸກເຂົ້າໄປໃນບ້ານເຮືອນຂອງພວກເຂົາເຈົ້າໃນຕອນເຊົ້າວັນພະຫັດມື້ນີ້ ແລະໄດ້ສັ່ງໃຫ້ລຶບຕົວໜັງສືທີ່ແຕ້ມນັ້ນອອກແລະຈັບກຸມພວກໃດທີ່ເປັນຕົວການ ກໍ່ເລຶ່ອງນີ້.
ການຂັບໄລ່ທີ່ ຖືເປັນເລຶ່ອງທໍາມະດາທີ່ມີມາໃນກໍາປູເຈຍ ບ່ອນທີ່ມີບໍ່ເທົ່າ ໃດຄົນທີ່ມີໃບຕາດິນ ທີ່ເປັນຜົນສືບເນື່ອງມາຈາກການຍຶດຊັບສິນເອກກະຊົນຂອງພວກຂະເໜນແດງໃນລະຫວ່າງຊຸມປີ 1970 ນັ້ນ. ການຂັບໄລ່ດັ່ງກ່າວນີ້ ຍັງເປັນຜົນໃຫ້ປະຊາຊົນຫຼາຍພັນຄົນຕ້ອງພັດພາກຈາກຖິ່ນທີ່ ເຄີຍຢູ່ອາໄສ ແລະກໍມັກຈະເກີດມີການປະທະກັນຢູ່ເລື້ອຍໆກັບພວກເຈົ້າ ໜ້າທີ່ຮັກສາຄວາມປອດໄພ.
ບັນດາກຸ່ມປົກປ້ອງສິດທິມະນຸດ ໄດ້ຮຽກຮ້ອງໃຫ້ປະທານາທິບໍດີໂອບາມາ ຈົ່ງໄດ້ຍົກເອົາ ບັນຫາຄວາມເປັນຫ່ວງດ້ານສິດທິມະນຸດຂຶ້ນມາປຶກສາກັນໃຫ້ໄດ້ ໃນອາທິດຈະມານີ້ ເວລາທ່ານເປັນປະທານາທິບໍດີສະຫະລັດຄົນທໍາອິດທີ່ຈະໄດ້ໄປຢ້ຽມຢາມປະເທດກຳປູເຈຍ ທີ່ຕັ້ງຢູ່ໃນຂົງເຂດເອເຊຍຕາເວັນອອກສຽງໃຕ້ນັ້ນ.
