ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ໄອຍະການນາໆຊາດ ຂໍໃຫ້ລົງໂທດໜັກຂຶ້ນ ຕໍ່ອະດີດຫົວໜ້າຄຸກ ຂະເໝນແດງ


ນາຍ Kaing Guek Eav, ຫລື Duch, ອະດີດຫົວໜ້າຄຸກ
ຂະເໝນແດງ ປາກົດໂຕໃນສານທີ່ກຸງພະນົມເປັນ ວັນທີ 29 ມີນາ 2011
ນາຍ Kaing Guek Eav, ຫລື Duch, ອະດີດຫົວໜ້າຄຸກ ຂະເໝນແດງ ປາກົດໂຕໃນສານທີ່ກຸງພະນົມເປັນ ວັນທີ 29 ມີນາ 2011

ພວກ​ໄອ​ຍະ​ການ​ສານ​ອາ​ຊະ​ຍາ​ກໍາ​ສົງຄາມ​ນາໆ​ຊາດ​ໃນ​ກໍາ
ປູເຈຍຮຽກຮ້ອງ​ໃຫ້​ສານເພີ່ມ​ການ​ຕັດສິນ​ລົງ​ໂທດ​ອະດີດ​ຜູ້
ຄວບຄຸມ​ນັກ​ໂທດທີ່​ມີ​ຊື່​ສຽງ​ເນົ່າ​ເໝັນ​ຂະ​ເໝນ​ແດງໃຫ້ເປັນ
ການຈໍາຄຸກ​ຕະຫລອດ​ຊີວິດ.

ການຂໍ​ອຸທອນ​ຂອງ​ພວກ​ໄອ​ຍະ​ການ​ກ່ຽວ​ກັບ​ການ​ຕັດສິນ​ລົງ​ໂທດ​ນາຍKaing Guek Eav ທີ່​ຮູ້ກັນໃນ​ອີກ​ຊື່​ນຶ່ງ​ວ່າ ດອ໊ຍຄ໌ ນັ້ນ ​ໃຫ້​ຈໍາ​ຄຸກ​ເປັນ​ເວລາ 19 ປີ ມີ​ຂຶ້ນ​ໃນ​ວັນ​ອັງຄານ​ມື້​ນີ້ ​ໃນ​ມື້​ທີ​ສອງ​ຂອງ​ການ​ດໍາເນີນ​ຄະດີ​ມາ​ເປັນ​ເວລາ 3 ມື້. ​ໃນ​ວັນ​ຈັນ​ວານ​ນີ້ ສານ​ໄດ້ຮັບ​ຟັງ​ຄໍາ​ໃຫ້ການ​ ຂອງ​ພວກ​ທະນາຍຄວາມ​ນາຍ ດອ໊ຍຄ໌ ຊຶ່ງຝ່າ​ຍຈໍາ​ເລີຍ​ໂຕ້ແຍ້​ງວ່າ ລູກ​ຄວາມ​ຂອງ​ເຂົາ​ເຈົ້າ​ຄວນ​ຈະ​ຖືກ​ປ່ອຍ​ໂຕ ​ເພາະວ່າ ສານອາຊະ​ຍາ​ກໍາ​ນາໆ​ຊາດ​ມີ​ອໍານາດ​ດໍາ​ເນີນ​ຄະດີ​ແຕ່​ພວກ​ຜູ້​ນໍາ​ອາວຸ​ໂສ​ຂອງຂະ​ເໝນ​ແດງ​ເທົ່າ​ນັ້ນ.

ພວກ​ໄອ​ຍະ​ການ​ປະຕິ​ເສດ​ຕໍ່​ຄໍາ​ໂຕ້​ແຍ້​ງດັ່ງກ່າວໃນ​ວັນ​ຈັນ​ວານ​ນີ້ ໂດຍເວົ້າ​ວ່າ ຄໍາ​ໂຕ້​ແຍ້​ງ ດັ່ງກ່າວ​ຄວນ​ຈະ​ມີ​ຂຶ້ນ​ຕັ້ງ​ແຕ່​ຕອນ​ເລີ້ມ​ຕົ້ນ​ການ​ດໍາເນີນ​ຄະດີ​ເມື່ອ 2 ປີຜ່ານມາ. ​ໃນ​ການຂໍ​ອຸທອນ​ຂອງ​ພວກໄອ​ຍະ​ການ​ໃນ​ວັນ​ອັງຄານ​ມື້​ນີ້ ພວກ​ເຂົາ​ເຈົ້າ​ໂຕ້​ແຍ້​ງວ່າ ນາຍດອ໊ຍຄ໌ ຄວນ​ຈະ​ໄດ້​ຮັບ​ໂທດ​ຈໍາ​ຄຸກ​ຕະຫລອດ​ຊີ​ວິດ​ ໃນ​ບົດບາດ​ຂອງ​ຜູ້ກ່ຽວ​ໃນ​ການ​ຕາຍ​ຂອງ​ພວກ​ຜູ້​ຄົນ​ຈໍານວນ​ຫລາຍ​ກວ່າ 12 ພັນ​ຄົນ ​ແລະ​ເວົ້າ​ຕື່ມ​ວ່າ ຜູ້ກ່ຽວ​ຄວນ​ຈະ​ຮັບ​ໃຊ້​ໂທດ 45 ປີ​ເປັນ​ຢ່າງ​ນ້ອຍ.

XS
SM
MD
LG