ອະດີດປະທານປະເທດ ສະໄໝຂະເໝນແດງ ປະຕິເສດຕໍ່ ຂໍ້ກ່າວຫາທຸກຢ່າງ

ອະດີດ​ປະທາ​ນປະ​ເທດ​ກໍາປູ​ເຈຍ​ໃນ​ສະໄໝການ​ປົກຄອງ​ພວກຂະ​ເມນ​ແດງ ຊຶ່ງກໍາລັງ​ຖືກດຳ
ເນີນ​ຄະດີ​ໃນ​ຂໍ້​ຫາກໍ່ໂທດກຳຕ້ານ​ມະນຸດຊາດ ປະຕິ​ເສດ​ວ່າ​ບໍ່​ມີສ່ວນ​ໃດໆ​ໃນ​ການ​ກໍ່​ຄວາມ
ໂຫດຮ້າຍ​ຄັ້ງ​ນັ້ນ.

ທ່ານ​ຂຽວ ສໍາພັນ ບອກ​ສານ​ກໍາປູ​ເຈຍ​ທີ່​ໜຸນ​ຫລັງ​ໂດຍ​ອົງການ​ສະຫະ​ປະ ຊາ​ຊາດ​ເພື່ອ​ວັນ​
ພຸດ​ມື້​ນີ້​ວ່າ ຂໍ້​ກ່າວ​ຫາ​ຕ່າງໆ​ຕໍ່​ທ່ານ​ນັ້ນ​ແມ່ນ​ມາ​ຈາກ​ຂໍ້​ມູນທີ່​ບໍ່​ມີ​ຄວາມ​ຈິງ. ທ່ານ​ຂຽວ ສໍາພັນ
ໄດ້​ກ່າວ​ຫາ​ພວກ​ໄອ​ຍະ​ການ​ສານ ທີ່ເສ​ກສັນ​ປັ້ນ​ແຕ່ງ​ເລຶ່ອງຂຶ້ນມາ​ເອງ​ເພື່ອ​ຕັດສິນ​ວ່າ​ທ່ານ​ມີ
ຄວາມ​ຜິດ.

ອະດີດ​ປະທານ​ປະ​ເທດອາຍຸ 8​0 ປີຂອງກຳປູເຈຍ ຖືກ​ກ່າວຫາວ່າກໍ່ອາດຊະຍາ​ກໍາ​ສົງຄາມ
ກໍ່ອາດຊະຍາ​ກໍາ​ຕ້ານ​ມະນຸດຊາດ​ແລະ​ຂ້າ​ລ້າງ​ເຜົ່າ​ພັນ. ທ່ານ​ຂຽວ ສໍາພັນ​ໄດ້​ບອກ​ສານ​ວ່າ
ການ​ກ່າວ​ຫາ​ນັ້ນ ​ແມ່ນ​ມາຈາກ​ຂໍ້​ມູນທີ່ ບໍ່​ໜ້າ​ເຊື່ອ​ຖື​ໂດຍ​ພວກ​ນັກ​ຂ່າວ​ແລະ​ຕາມ​ປື້​ມອ່ານ
ຫລາຍ​ກວ່າ.

ທ່ານ​ຂຽວ ສໍາພັນ ພ້ອມ​ດ້ວຍຫົວໜ້າອຸດົມ​ການຂອງກຸ່ມຂະເໝນແດງ ທ່ານ ນວນເຈຍ
ແລະອະດີດ​ລັດຖະມົນຕີ​ຕ່າງປະ​ເທດ ​ອຽງ ສາລີ ຖືກ​ກ່າວ​ວ່າເປັນຜູ້ມີສ່ວນໃນການສັງຫານ
ແດນມໍລະນະ ຫຼື Killing fields ​ໃນ​ຊຸມ​ປີ 1970 ທີ່​ຍັງ​ຜົນໃຫ້​ຊາວ​ກໍາປູ​ເຈຍ​ເສຍ​ຊີວິດ
ເກືອບສອງລ້ານ​ຄົນ.

ນອກ​ນີ້ ນາຍ ນວນ ​ເຈຍ ຍັງ​ປະຕິ​ເສດ​ຂໍ້​ກ່າວ​ຫາ ​ເວລາ​ທ່ານ​ໃຫ້ການ​ຕໍ່ສານ​ເມື່ອ​ວັນ​ອັງ
ຄານຜ່ານ​ມາ ​ໂດຍ​ກ່າວ​ວ່າ ທ່ານ​ກະທໍາ​ໄປ​ເພື່ອ​ຜົນ​ປະ ​ໂຍດ​ຂອງ​ຊາດ ​ແລະ​ເພື່ອ​ປົກ​ປ້ອງ
ກໍາ​ປູ​ເຈຍບໍ່​ໃຫ້​ຖືກ​ບຸກລຸກ​ໂດຍ​ຫວຽດນາມ.