ລິ້ງ ສຳຫລັບເຂົ້າຫາ

ກໍາປູເຈຍຕັ້ງຂໍ້ກ່າວຫາ ຕໍ່ຫົວໜ້າອົງການ ປາບປາມຢາເສບຕິດ

  • ສິງ ບູຣົມມະວົງ

ທ່ານ Hun Hean ຫົວໜ້າປະຈໍາແຂວງ Banteay Meanchey ຂອງກໍາປູເຈຍທີ່ຖືກກ່າຫາທໍາການສໍ້ລາດບັງຫລວງ

ທາງ​ການ​ກໍາປູ​ເຈຍ​ໄດ້​ຕັ້ງ​ຂໍ້​ກ່າວ​ຫາ​ຕໍ່​ຫົວໜ້າ​ອົງການ​ປາບ​ການ​ລັກລອບ​ຄ້າຢາ​ເສບຕິດ
ຂອງ​ປະ​ເທດ​ຖານ​ທໍາ​ການ​ສໍ້​ລາດ​ບັງ​ຫລວງທີ່​ພົວພັນ​ກັບ​ຢາ​ເສບ​ຕິດ.

ບັນດາ​ເຈົ້າ​ໜ້າ​ທີ່​ກ່າວ​ໃນ​ວັນ​ຈັນ​ວານ​ນີ້​ວ່າ ​ໄດ້​ມີ​ການ​ຕັ້ງ​ຂໍ້​ຫາ​ຢ່າງ​ເປັນ​ທາງ​ການຕໍ່​ທ່ານ
Moek Dara ​ເລຂາທິການ​ໃຫຍ່​ຂອງ​ອົງການ​ປາບ​ປາມ​ຢາ​ເສບ​ຕິດ​ແຫ່ງ​ຊາດ ​ໃນ​ສານ
ປະ​ຈໍາ​ແຂວງ Banteay Meanchey.

ເຈົ້າ​ໜ້າ​ທີ່​ຕໍາຫລວດ​ອີກ 2 ຄົນ​ໄດ້​ຖືກ​ກ່າວ​ຫາ​ມີ​ສ່ວນ​ພົວພັນ​ກັບ​ອາຊະ​ກໍາ​ຢາ​ເສບຕິດ
ໃນ​ສານ​ແຫ່ງ​ດຽວ​ກັນ​ໃນ​ວັນ​ສຸກ​ຜ່ານ​ມາ​ນີ້. ທ່ານ Hun Hean ຫົວໜ້າ​ຕໍາຫລວດປະ
ຈໍາ​ແຂວງ Banteay Meanchey ພ້ອມ​ທັງ​ຮອງ​ຫົວໜ້າ​ຂອງ​ທ່ານຄື​ທ່ານ Chheang
Son ​ໄດ້​ຖືກ​ກ່າວ​ຫາ​ໃນ​ຖານຣັບສິນ​ບົນເພື່ອ​ປ່ອຍ​ໂຕ​ພວກຜູ້​ຕ້ອງ​ສົງໄສ​ລັກລອບ​ຄ້າຢາ
ເສບ​ຕິດ​ນັ້ນ.

ພາຍ​ໃຕ້​ກົດໝາຍ​ຕໍ່ຕ້ານ​ການສໍ້ລາດບັງຫຼວງສະບັບ​ໃໝ່​ຂອງ​ກໍາ​ປູ​ເຈຍ ທີ່​ໄດ້​ຮັບ​ຮອງເອົາ​
ໃນ​ປີ​ແລ້ວ​ນີ້ ຫລັງ​ຈາກ​ໄດ້​ປະ​ເຊີນ​ກັບ​ການ​ຊັກ​ຊ້າ​ມາ​ຊໍ້າ​ແລ້ວ​ຊໍ້າ​ອີກກໍແມ່ນ ​ເຈົ້າ​ໜ້າ​ທີ່ຄົນ
ໃດ​ກໍ​ຕາມ​ທີ່​ຖືກ​ພົບເຫັນ​ວ່າ​ມີ​ຄວາມ​ຜິດ ​ໃນ​ການ​ຮັບ​ສິນ​ບົນ​ຈະ​ປະ​ເຊີນ​ກັບ​ການ​ລົງ​ໂທດ
ຈໍາ​ຄຸກ​ເຖິງ 15 ປີ.

XS
SM
MD
LG