ລິ້ງ ສຳຫລັບເຂົ້າຫາ

ຜູ້ນຳກຳປູເຈຍແລະໄທ ຈະພົບປະກັນຕື່ມ

  • ໄພສານ ວໍຣະຈັກ

ນຍ ກຳປູເຈຍ ທ່ານຮຸນເຊນ (ຊ້າຍ) ພົບປະກັບ ນຍ ໄທ ທ່ານອະພິຊິດ ເວດຊາຊີວະ ຢູ່ຂ້າງນອກ ກອງປະຊຸມສຸດຍອດ ສະຫະລັດ-ອາຊ່ຽນ (27 ກັນຍາ 2010)

ນາຍົກລັດຖະມົນຕີຮຸນເຊນແຫ່ງກຳປູເຈຍ ແລະນາຍົກລັດ ຖະມົນຕີໄທ ທ່ານອະພິຊິດ ເວດຊາຊີວະ ໄດ້ຕົກລົງທີ່ຈະ ພົບປະກັນ ເປັນຄັ້ງທີ 3 ເພື່ອແກ້ໄຂບັນຫາຂັດແຍ້ງຊາຍ ແດນໃນບໍລິເວນໃກ້ໆວັດເກົ່າແກ່ແຫ່ງນຶ່ງ ຂອງສາສະໜາ ຮິນດູ.

ຜູ້ນຳທັງສອງຈະເຈລະຈາຫາລືກ່ຽວກັບຫຼັກໝາຍຊາຍແດນ ທີ່ເປັນບັນຫາຖົກຖຽງໂຕ້ແຍ້ງໃນທ້າຍເດືອນນີ້ຢູ່ຂ້າງນອກ ຂອງກອງປະຊຸມສຸດຍອດ ຄັ້ງທີ 17 ຂອງສະມາຄົມບັນ ດາປະຊາຊາດ ໃນເຂດເອເຊຍຕາເວັນອອກສຽງໃຕ້ ຫຼືອາ ຊ່ຽນທີ່ນະຄອນຫຼວງຮ່າໂນ່ຍ.

ທ່ານຮຸນເຊນແລະທ່ານອະພິຊິດ ໄດ້ພົບປະກັນໃນຕົ້ນອາ ທິດນີ້ ຂະນະທີ່ເດີນທາງໄປຮ່ວມກອງປະຊຸມເອເຊຍ-ຢູໂຣບ ຄັ້ງທີ 8 ທີ່ນະຄອນ Brussels. ພວກທ່ານໄດ້ສົນທະນາ ຫາລືກັນ ກ່ຽວກັບການຖອນກຳລັງທະຫານ ຈຳນວນຫຼາຍ ພັນຄົນ ອອກໄປຈາກບໍລິເວນຊາຍແດນ ບ່ອນທີ່ໄດ້ເກີດການຕໍ່ສູ້ກັນເລັກໆນ້ອຍໆ ນັບແຕ່ປີ 2008 ເປັນຕົ້ນມາ ທີ່ເຮັດໃຫ້ທະຫານເສຍຊີວິດ 8 ຄົນແລ້ວ.

ບັນຫາຂັດແຍ້ງຊາຍແດນ ທີ່ມີມາເປັນເວລາດົນນານ ໄດ້ຮ້ອນແຮງຂຶ້ນ ຫຼັງຈາກກຳປູເຈຍ ໄດ້ຍື່ນແຜນການຄຸ້ມຄອງ ວັດເຂົາພະວິຫານ ຕໍ່ກອງປະຊຸມຄະນະກຳມາທິການສະຖານທີ່ ມໍລະດົກໂລກ ຂອງອົງການ UNESCO ທີ່ປະເທດບຣາຊີລ ໃນເດືອນສິງຫາປີນີ້.

XS
SM
MD
LG